Filipi 2:7 - Kálar Nzyɛ̌m : Ejwán é Sáá

⁷ Líʼe nó, nye á si dwih nyʉ̂l ɨ́ tyé mbi mʉ̂r waá ɨ́ menzɨ̌ mɨ́mɛ̂h, kǎ sûʼlǎ dǐ tyé túʼǎ mʉ̂r. Náǎ yé ó, nye á be ó, nye mû mʉr mpʉ mɨ́ná gâ.

Kálara Zyɛ̌m Edwán é mpʉ̌n

⁷ Laa ó, nye nyinɨ njɨ é cye yaa, nye a fuo fil yɛɛ nyʉl we si, ze kʉ nyin mpʉ elʉa. É mbi waa ó nye a ka fuʼla mʉr mpʉ bɨna ndɨ ga ɛ.

Filipi 2:7 ပူးပေါင်းရင်းမြစ်များ

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Rôm 15:3

Damá jóʼǒ Krîst mʉr tɨ̂, nye á bé asáǎ nyɔm wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Baányâ-melwɨ́ɨ dí elwɨlwɨ́ɨ gó bá, bé mû kǎ lwɨ́ɨ ó, me.»

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Lʉkas 22:27

Le mʉr dí ede ɨ́ téble nyá, le waá dí eséa e né nyá, nzé láá nyʉ́ʉ́? Tó kœb ó, mɛm, me ɨ́ sɔ́má yɨ́n ó, waá dí eséa e bɨ̌n nyá.

Rôm 15:8

Me lɨ́ eboʼlo bɨ́n lɔ́ɔ́ wɨ̂: Krîst á si dwir nye mʉr tɨ̂ʼ syɛ̂l mesâ lɨ́ esú lɨ́h, Yúden. Nye á sâ nó ó, lɨ́ esú lé élɛ̂ʼle bɨ́h mpʉ̌ Nzyɛ̌m dí mʉr otyeetye yɨ́. Nó ó nyé á lɨl menkɛ̌ʼ Nzyɛ̌m á dwe bimpám bíh má yɨ́.

Filipi 2:6

Nye á boo be ó, mbi mʉ̂r wé á be jwɨʼ gwár e gwár e Nzyɛ̌m wɨ́. Nó, nye á bé abee ó mpʉ bé e Nzyɛ̌m, bé á be mityé yɨ́, nye á dɛn dǐ tyé Nzyɛ̌m yé yaá ó, dɛnɨ́ɨ.

Mataos 12:18

Syɛ̂l mesâ wǎm mé á pɛ̂h ó nyâ. Nye ó waá mé dí ɨ́ buú kpɛl le esoho nyá. Me á si gbâ Sísǐm wâm lɨ́ nye, lɨ́ esú ó, nye tôʼ le etúno ótîtyěl wâm lɨ́ bikúl bí bʉ̂r bíbyɛ̂h.

Ebrœ̂ 13:3

Tʉtoŋlaa gá mimbʉʼ: diʼee gá mpʉ̌ sá lɛ́ɛ́, bɨ̌n le onɔ́ɔ́ bɨ́bɛ̂h ó dí ɨ́ mbʉʼ. Toŋlaa gá bʉr o dí esia e mitúú bá, ebě, bɨ̌n bé lɨ́ egʉ́ǎ mpʉ bíntɨ́ʼá dí ɨ́ kpaa ɨ́ nyʉ̂l yɨ́.

Rôm 1:3

Mbɨambɨa Lɔ́ɔ waá dumo ó e Mwân wé. Ɨ́ nkǒ páʼ ébyɛ̂l e bípúno, nye á be ó mʉr mbɛ̌r bʉ̂r mé David.

Markus 9:12

Nye ó: «Yé ó nó: Elie ó ngá nyɛɛ́ pyâl, lɨ́ enzě komlo bísá bíbyɛ̂h. Sâ gwár, paá pahle gâ: yê cɛmá ó, Mwân mé Mʉr ósia e mitúú ɨ́ buo buo, le epyéhɔɔ.

2 Korɛnt 13:4

Yê tyeetye ó, nye á si kam ó, bé bómlaa nye e binzâŋ le ebɨ́nɔɔ nyé ɨ́ kolôs kʉ́. Nye á jʉ́ŋɔɔ ó, ɨ́ lɔ̌b métyɛʼ mé á be ɨ́ nyʉ̂l nyé má. Tó kœb ó, nye mû ó lɨ́ etiʼe ɨ́ nkul mé Nzyɛ̌m. Bɨ̌h bé ɨ́ tyɛʼ ɨ́ mpúhlá nyɨ́h e Krîst ɨ́ báánâ. Sâ gwár, mɨná bé ótiʼe gá ɨ́ nkul mpwár nyé dí egbâ bɨ́n ɨ́ menyʉ̂l nyɨ́.