Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipi 2:6 - Kálar Nzyɛ̌m : Ejwán é Sáá

6 Nye á boo be ó, mbi mʉ̂r wé á be jwɨʼ gwár e gwár e Nzyɛ̌m wɨ́. Nó, nye á bé abee ó mpʉ bé e Nzyɛ̌m, bé á be mityé yɨ́, nye á dɛn dǐ tyé Nzyɛ̌m yé yaá ó, dɛnɨ́ɨ.

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

6 Nye a bɛa be ó, mbi tiʼ we, bé e waa mo Zyɛm Sɔŋ asiila ɛ. No ó, nye a baabee ó, cye Zyɛm ye yaa, yé a be ó sa nye a jala le emɛr é kpɨɨɨ ɨ.

အခန်းကိုကြည့်ပါ။ ကော်ပီ




Filipi 2:6
37 ပူးပေါင်းရင်းမြစ်များ  

Ɨ́ lɔ́ɔ́ wé waá ó óYúden bé á to dóló le esáa ó, bé jʉ́ ó nye yɨ́. Bé á bé asáa éjʉ̂ nyé njɨ ɨ́ lɔ̌b mémpéné mé móhó sábat nyé á ntaa má. Bé á sáa ejʉ̂ nye ntémé ó, ebě, nye á lɛ́ɛ ó, Nzyɛ̌m, nye ó sɔ́ŋ wé, ánta nye. Bʉr baá, bé á bee ó, nye á be lɨ́ epɨra e Nzyɛ̌m.


Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.


Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.


Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.


Nye e me ó: «Yɨ́ síe! Me ó mʉr esôʼ ndu e waá epíhe. Me ntémé, me ó menyɛ̌l mé sá yɨ́yɛ̂h ti e meswéhlɨ́ mé tɨ̂. Mʉr dí ejóʼǒ dwéh médíbé nyá, mɛm ódwe nyé mǎ edwɛ́na. Medíbé maá, mé ó maá me dí egʉ̂, duho lɨ́ enó é twiʼ má.


Bɨ̌h e nɔ́ɔ́, bé ó sâ gwár.»


Mpʉ̌ Yésʉs-Krîst á bě kʉ̌ʼ yɨ́, mpʉ yaá ntémé ó nyé dí mûh. Nye ódi ntémé ó njɨ nó, njʉ̌m dǐ e njʉ̌m dǐ.


OYúden, bé e né ó: «Bɨ̌h bé agwɨ̂m élúmo gó mekóʼ ɨ́ lɔ̌b syɛ́ɛla mpâ yô e yʉ́ʉ́. Yé ó, ebe go dí esâ Nzyɛ̌m nkěh. Gua mʉr, go lɨ́ ebánǎ pɨra e Nzyɛ̌m.»


Bé ó dí mpóʼo mé Abraham, le Isaac ti e Yóseb. Krîst mʉr tɨ̂ʼ á byɛ̂l mʉr ó, ɨ́ kúl bʉ̂r yɔ́ɔ́. Kûm díʼee e Nzyɛ̌m, njwɨ́ɨ sá yɨ́yɛ̂h, njʉ̌m dǐ e njʉ̌m dǐ. Amɛn.


Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»


Thomas nzě lɛ́ɛ e né ó: «Tî wǎm! Nzyɛ̌m wǎm!»


Sâ gwár, mé sí sâ byé nɛ́ɛ: bɨ̌n damá be, adyêʼ koo e me, bûʼláá gá yɨ́ɛ ɨ́ lɔ̌b bísyɛ́ɛla byâm. Nó ó bɨ́n ngá sûʼlǎ gʉ́a ó, Sɔ́ŋ wǎm tiʼe ó, ɨ́ mpúhlá e me; mɛm ntémé ɨ́ mpúhlá e né yɨ́.»


Jɔ̌ʼ Nzyɛ̌m á tyêl nye ɨ́ dǐ dí ɨ́ buú bwaʼ dúu yɨ́, nye á nze lɛ̂ʼle beéngeles bɨ́bɛ̂h nyǎ. Nye á lɛ́ɛ ó: Beéngeles bɨ́bɛ̂h ɛ̌! Bɨʼɨɨ gá nye mebóó sí lɨ́ edwe nyé kûm.


Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.


“Bíŋ éséhe, yé ónʉa ébum, byâ mâ mʉrʉ̂m. Bé ójwɨr nyé ó Emmanuel.” (Nó yé páʼlɔ́ɔ́ ó: “Mɨná gá e boo Nzyɛ̌m ó mû.”)


Yésʉs nzě yala e né ó: «Á bea mɨ́ná bé á dwih di gâ! Nó ó, Philippe, go dína ó, apǎ gʉ́a mê? Mʉr mû sí bee mé nyá, nyɨ́ bee ntémé Sɔ́ŋ wǎm. Á gǒ kǎ lɛ́ɛ ó: “Lɛ́ʼláá bɨ́h Sɔ́ŋ gǒ” ɨ́ yé?


Sâ gwár, nye á lɛ́ɛ, dumo e Mwân wé nyɨɛ ó: Nzyɛ̌m ɛ́! Go ó dí edi ɨ́ mecwɨ́ɨ́ mé jwɨ́ɨ́ yô njʉ̌m dǐ e njʉ̌m dǐ. Go ó dí ejwɨ́ɨ lɨ́ otîtyěl.


ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.


Bɨ̌n bé á be ɨ́ jóʼǒ mpʉ mé á lɛ́ɛ e bɨ̌n ó: “Me múo nzě swîʼ. Me óbáʼǎ nze, pyâl nko bɨ́n dí yɨ́.” Yé bé bɨ̌n bé ɨ́ kpɛl mé nó, lɛ́ɛ́, bɨ̌n mû ó lɨ́ esoho le egʉ́a ó, mě swíʼ ó, tô kwá Sɔ́ŋ wǎm, ebě, Sɔ́ŋ wǎm ó láá mê.


Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.


Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.


Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ