Filipi 2:29 - Kálar Nzyɛ̌m : Ejwán é Sáá

²⁹ Nó ó, jɔʼ nyé ópyâl ɨ́ sɔ́má yɨ́n yɨ́, bɨ̌n e nʉ́á nyé e bisʉhʉʉ bíbyɛ̂h ebe nyé dí mɨ́ɔɔ́ gá wɨ́ná ɨ́ mpúhlá e Tî Yésʉs. Dwéʼ gá mbi bʉ̂r o dí mpʉ mé Epafrɔ́ditɔs bá dúu.

Kálara Zyɛ̌m Edwán é mpʉ̌n

²⁹ Ebe no, é jɔʼ nye ópyal é l'esama lɨn ɨ, bɨn bé à nʉa nye e bɨsʉhʉ bibyɛh ebe nye ndɨ mɨɔ ga wina, waa ndɨ é zyɛŋa ga wina boo Da Yesʉs ɨ. Dwaaba ga mbi bʉr o ndɨ mpʉ mo nye e,

Filipi 2:29 ပူးပေါင်းရင်းမြစ်များ

1 Timotɛ 5:17

Otyɛ̂b bé ésôʼ dí ejwɨ́ɨ̌ Mbɛ̌r-Nzyɛ̌m mbɨ̂mbɨá bá, bé ɨ́ jala le ebi myɛ́na mebá. Baá dí etúno mílɔ̌b mé Nzyɛ̌m, le edwe bʉ̂r milɛ́ʼlá bá ó ngá bi mé, sahle.

1 Tesalonika 5:12

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n dwáawaa baá o dí eséǎ lelelelě syɛ́ɛ́ ɨ́ sɔ́má yɨ́n bá. Bé ó baá Tî Yésʉs á tyêl bá. Nye á kpɛl ó, bé tîtyɛbɨɨ ɨ́ mpǒm nyɨ́n, lɨ́ ecɨ̂l bɨ́n.

1 Korɛnt 16:18

Bé ntémé, bé á si baʼa dwe lémé wâm egbalá mpʉ bé á nyɛɛ dwe myaá mín lǎ yɨ́. Gwá sêʼle gá mbi bʉ̂r baá.

Rôm 16:2

Jɔʼ nyé ópyâl gʉ̂ʼ kwá nyɨ́n yɨ́, bɨ̌n e béŋlé nyé mbɨ̂mbɨá ɨ́ díé mé Tî Yésʉs, mebeŋla me dí ejala e bʉr o mé Nzyɛ̌m má. Dwéʼ gá nye sá yɨ́yɛ̂h ngá sâ nyé sɔ́ɔlʉ yɨ́, ebě, nye mʉr tɨ̂ʼ á si súʼo bʉr ɨ́ buo buo ti e mɛm mʉr tɨ̂ʼ ntémé.

2 Korɛnt 10:18

Ebě, ntʉ waá dí esêʼle nyé mʉr tɨ̂ʼ nyá, Dâ Nzyɛ̌m dí ekam. Nyě kǎm ó, waá nyé mʉr tɨ̂ dí epǎ sêʼle nyá.

1 Korɛnt 16:10

Timotɛ̂ sí pyâl kwá nyɨ́n gʉ̂ʼ nó, bɨ̌n e báʼlé nyé mbɨ̂mbɨá. Nye l'asyɛ̌l bá, ebě, nyě séá ó Tî Yésʉs syɛ́ɛ́ mpʉ mé ntémé dí eséa nyé yǎ yɨ́.

3 Yʉanes 1:10

Ɨ́ tɨ̂, mé óbáʼǎ nze nó, me óláa nyé bibaa bí ébébe, le elɛ́ɛ̌ syɛ́ɛla ébébe yɨ́yɛ̂h nyé á pa sâ yɨ́. Nye lɨ́ elɛ́ɛ bíbébebébe bílwǐb ɨ́ lɔ̌b wɨ́h. Abě njɨ bím yaá. Nye lɨ́ ebene énʉa bɨ́ɔɔ́ gá bɨ́ná dí epyâl bɨ́n bá. Nó ó, bʉr o b'á tíʼe ɨ́ myɔ́ɔ́ mílémé ó, bé baʼle ó ojwóo baá bá, nyɨɛ, nye lɨ́ ekamle bé lɨ́ enʉa bê, lɨ́ egwá sâ ó, nye sôʼ bé ɨ́ Mbɛ̌r-Nzyɛ̌m, pyêl bé kʉ̌l.

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Kolosi 4:10

Arîstark, mʉr bɨ́h e nɔ́ɔ́ dí mimbʉʼ wâʼ nyá, nye lɨ́ esoho bɨ́n. Marc, mɨ́ɔɔ́ mé Banabâs, nye lɨ́ esoho bɨ́n ntémé. (Bɨ̌n mû ó sí boó bi mékaná mé á cɛma, dumo e né má. Nyé sí tô gʉ̂ʼ kwá nyɨ́n nɛ́ɛ: bɨ̌n e kʉ́ gwá baʼle nyê.)

2 Korɛnt 7:2

Sáŋáá gá nzɨ̌ ó, bɨ̌n kpɛ́lɨɨ bɨ̌h. Bɨ̌h bé á bé abyaʼ nyʉ́ʉ́ mʉ̂r. Bɨ̌h bé á bé alɛ̂ʼle nyʉ́ʉ́ mʉ̂r njwɨr ɨ́ bébe bébe. Bɨ̌h bé á bé adíbe mʉ̂r sɔ̂ʼ.

Rôm 10:15

Bʉ̂r bé óbe, antɨhɔɔ nó, mʉr á gwa tô ɨ́ túnó waá nyá, á gwa tô le etúno wé náǎ e nyáa nkûl? Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Á mbɨa lɨ́ ebee bʉ̂r o dí enze le etúnǒ Mbɨambɨa Lɔ́ɔ bá ɛ̌!

Mɨlʉmlʉ 28:10

Bé á si dwe bɨ̌h dúu ɨ́ buo buo. Ɨ́ jɔʼ bɨ́h á be lɨ́ etó kalwo ɨ́ sitíma yɨ́, bê nzě dwe bɨ́h sá bɨ́h á be lɨ́ ejɨ lɨ́ esú é tyen yɨ́h yɨ́.

Mɨlʉmlʉ 8:8

Yé á nze sâ ó, bʉr ó nkana yaá díʼee e bisʉhʉʉ ɨ́ buo buo.

Mɨlʉmlʉ 2:46

Bé á be lɨ́ esâ sɨ́n jɔʼ yɨ́yɛ̂h lɨ́ etô mpáh Nzyɛ̌m, bɨ́bɛ̂h e léme ngwár, le epɛ̂ʼlǎ blêr ɨ́ mimbɛ̌r myɔ́ɔ́, le edeŋɔɔ méde mɔ́ɔ́, milémé myɔ́ɔ́, myé osí lóno ɨ́ bisʉhʉʉ. Myé á bé abě mbáʼrá e mikóo.

Yʉanes 13:20

Mě lɛ́ɛ́ bɨ́n lɨ́ otyeetye ó, mʉr dí enʉa mʉ̂r mé dí elómo nyá, nyě nʉá ntémé ó me. Nó ntémé, mʉr dí enʉa mé nyá, nyě nʉá ó, mʉr á ntɨh me nyá.»

Lʉkas 9:5

Gúmó yɨ́yɛ̂h bʉ̂r ngá bene bɨ́n yɨ́, pɔʼá bɨ́n ngá pʉʼa tɨ̂ʼ ɨ́ nkana yaá wɨ́, bɨ̌n e kúró pím ngá nara bɨ́n ɨ́ mekʉ̌ nyɨ́. Syɛ́ɛla yaá, yé ónwâhle bé ó, bé mû ó ɨ́ mebyaʼ.»

Filipi 2:28

Nó ó, léme, wê me ɨ́ báná báná ó, me bwóolaa bɨ̌n nyǎ, bɨ̌n nkʉ̂ báʼǎ soho ɨ́ buo buo ɨ́ jɔʼ bɨ́n óbee nyé yɨ́. Mɛm ntémé, me ákǎ buú syɛ̌l bá ɨ́ páʼ wɨ́n.