Filipi 2:25 - Kálar Nzyɛ̌m : Ejwán é Sáá

²⁵ Nó ó, yé á jɨ ó, me bwóolaa bɨ̌n Epafrɔ́ditɔs, mɨ́ɔɔ́ gá wɨ́ná. Bɨ̌h e nɔ́ɔ́ ó dí eséǎ syɛ́ɛ́ le elwímla ɨ́ lɔ̌b mé Yésʉs-Krîst. Bɨ̌n bé á ntɨh me nyǎ ó, ɨ́ lʉ́mlʉ́ wɨ́n, ó nye ntáa nzě súʼo mé e bisá byé á sâ me sɔ́ɔlʉ bí.

Kálara Zyɛ̌m Edwán é mpʉ̌n

²⁵ Mɨ ze bee ó, yé a kʉ jala ó, me buula bɨn mɨɔ ga wina Epafrɔdit. Bɨh e nɔɔ ó ndɨ é l'empomo e syɛɛ egwar. Nye ó mʉr bɨh e nɔɔ ndɨ elwimla dɔm ɨ. Nye nteme, nye ó mwa mɨlʉmlʉ win, ó nye ntaʼ, ze fuʼo me é zi bɨsa byé a sa me sɔɔlʉ ɨ.

Filipi 2:25 ပူးပေါင်းရင်းမြစ်များ

Filipi 4:18

Me á si bi sá yɨ́yɛ̂h bɨ́n á lómlo me yɨ́. Bím yaá, yé ɨ́ buo. Me mû ó, ɨ́ twíha ɨ́ lɔ̌b bísá Epafrɔ́ditɔs á nze e byé bí. Nzyɛ̌m, nye lɨ́ ebee míndwéá mín mbɨ̂mbɨá mpʉ míndwéá mi dí edíʼɔɔ nyé e mbɨambɨa menumó mí. Yé ó mbi míndwéá Nzyɛ̌m dí ekpɛl wɨ́.

Kolosi 1:7

Yé ó mpʉ bɨ́n á jóʼo lɔ́ɔ waá e nzɨ̌ mé Epafrâs yɨ́. Nye ó mʉr bɨ́h e né dí eséǎ syɛ́ɛ́ Nzyɛ̌m, waá bɨ́h dí ekpɛl nyá. Nye ó mʉr ebúʼlɔɔ dí ekʉ́ séa e Krîst lɨ́ esú lɨ́n nyá.

Filipi 4:3

Me lɨ́ ejɨʼla ntémé e go, mpǎŋ mɨ́ɔɔ́ wǎm, ó go tôʼ komlo bʉ́bá ónɨ̌, ó bé díʼee twíí, ebě, bé ó bʉr o bɨ́h le onɔ́ɔ́ bé á sia e túú lɨ́ etúnǒ Mbɨambɨa Lɔ́ɔ bá. Bé e Klemâŋ ti e bʉ́ʉ́ bʉ̂r, bé á si séa ntémé nó. Míé mɔ́ɔ́, mé ó micɛmá ɨ́ mekaná mé twiʼ tʉ́ŋlʉ̌.

1 Korɛnt 3:9

Ebě, bɨ̌h séá ó, ɨ́ mpúhlá nyɨ́h, ɨ́ syɛ́ɛ́ mé Nzyɛ̌m. Nó ó, bɨ̌n bɨɛ ó dí pemé mé Nzyɛ̌m. Bɨ̌n ntémé bé ó mpáh Nzyɛ̌m.

Filemɔŋ 1:24

Marc, bé e Arîstark, ndu e Demâs, ndu e Luc, bé ntémé bé lɨ́ esoho gô. Bɨ́bɛ̂h, bé ó bʉr o bɨ́h le onɔ́ɔ́ dí eséa mbô ngwár bá.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

1 Tesalonika 3:2

bɨ̌h bé ɨ́ jala yɨ́ɛ le elómǒ Timotɛ̂ kwá nyɨ́n. Nye ó mɨ́ɔɔ́ gá wɨ́ná ndu e syɛ̂l mesâ mé Nzyɛ̌m, dí etúnǒ Mbɨambɨa Lɔ́ɔ́ mé Krîst nyá. Bɨ̌h bé á lómo nye ó, nye lɨ́lɨɨ bɨ̌n ɨ́ búʼó, le esâ ó, bɨ̌n tôʼ dóló le edyɛ̂ʼwo e Krîst.

Kolosi 4:11

Yésʉs, waá dí e lʉ́ʉ́ díe ó, «Yʉstʉ̂s» nyá, nye ntémé ó dí esoho bɨ́n. Bʉr olɛ̂l baá, bé ó dí oYúden o b'á bûʼla, baá bé á kɨkɛm me lɨ́ etúnǒ Mbɨambɨa Lɔ́ɔ, dumo e Mpóʼo mé Nzyɛ̌m bá. Bé á si bu gbâ me nkul ɨ́ léme.

2 Korɛnt 2:13

Damá jóʼǒ mpʉ mé á be e nkul dí ó, me lɛ́yɨɨ lɔ́ɔ́ wé waá nó yɨ́, lémé wâm, wé á bé abe mé ɨ́ mo ɨ́ puuu, ebě, me á bé akœb mɨ́ɔɔ́ wǎm Títos tɨ̂ʼ ɨ́ Troâs. Sá tɨ̂ʼ ó mé á ka nzoo jána e bé, me ntɔ̂ʼ duhǒ Troâs, tô sí Masedónia yɨ́.

Yʉanes 17:18

Mɨ́ lómo bé ɨ́ sí yɨ̂ʼ mpʉ gó ntémé á lómo me yɨ́.

Yʉanes 13:16

Mě lɛ́ɛ́ bɨ́n lɨ́ otyeetye ó, abe e syɛ̂l ngwár dí elaa njwɨ́ɨ wé. Lʉ́mla áláá mʉ̂r lómó nyé nyá ɨ́ dúu.

Rôm 16:3

Sohaa gá me Prǐska, bé e njʉ̂m wé Akílas, bʉr o bɨ́h le onɔ́ɔ́ dí eséǎ syɛ́ɛ́ mé Yésʉs-Krîst bá!

Rôm 16:9

Me lɨ́ esohǒ Úrbanos, dí mʉr bɨ́h e né dí eséǎ syɛ́ɛ́ gwár ɨ́ mpúhlá nyɨ́h e Yésʉs-Krîst nyá. Me lɨ́ esoho ntémé só kpɛ̌l wǎm Stákus.

Filipi 2:26

Nye lɨ́ ekpɛl ébee bɨ́n óbɛ̂h. Nye á be ntémé ó, lɨ́ esyɛ̌l bá ɨ́ léme, ebě, bɨ̌n bé á si jóʼo ó, nye á be ó mbêl.