Filipi 2:21 - Kálar Nzyɛ̌m : Ejwán é Sáá

²¹ Ebě, bʉ́ʉ́ bʉ̂r bɨ́ɛ sáá ó, njɨ minyɔm myɔ́ɔ́. Bé ójóʼǒ sá dí edumo e Yésʉs-Krîst yɨ́ nó, bé anʉa yé, gbâ ɨ́ nkɔb.

Kálara Zyɛ̌m Edwán é mpʉ̌n

²¹ Ebe, bʉʉ bʉr bɛɛ, bé esaa ó, njɨ mɨnyɔm myɔɔ. ǃBé si joʼo sa lé etiibe e Yesʉs-Krɨst nɛʼɛ, bé agum nʉa ye, gba é nkɔb.

Filipi 2:21 ပူးပေါင်းရင်းမြစ်များ

1 Korɛnt 10:24

Mʉ̌r sá asáǎ nyɔm wé. Mʉr sáŋaa sá dí e nyɔm lɨ́ esú é bʉ́ʉ́ bʉ̂r yɨ́.

Mataos 16:24

Yésʉs nzě lɛ́ɛ le ompʉ́n bé ó: «Mʉ̂r sí kpɛl édû mé nó, nye bénaa nye mʉr tɨ̂. Nye e nkɛ́ɛ́ kolôs yé. Nye e dú mê.

Filipi 2:4

Mʉr nyɨnyɛ̂h ɨ́ sɔ́má yɨ́n, nyě sá agwɨ̂m sá yé óbe nyé e nyɔm yɨ́. Mʉr nyɨnyɛ̂h ɨ́ sɔ́má yɨ́n, nye tóŋlaa ntémé sá bʉ́ʉ́ bʉ̂r, bé ódirǎ nyɔm e tɨ̂ʼ yɨ́.

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

1 Korɛnt 10:33

Sáʼ gá mpʉ mê. Mě gbá nkûl ó, bʉr bɨ́bɛ̂h, bé kpɛ́lɨɨ me ɨ́ sá yɨ́yɛ̂h mé dí esâ yɨ́. Mé asáǎ nyɔm wâm, njɨ waá bʉ̂r ɨ́ buo buo, ó bé bíʼee twǐʼ njʉ̌m dǐ.

1 Korɛnt 13:5

Yé ásá sá sôn. Yé ásáá sɔ̂ʼ njɨ nyɔm wé. Yé ádíʼá léme. Mʉr dí e kpɛ̌l nyá, nyé abaʼra.

Lʉkas 14:26

«Mʉr ónze kwá nyǎm le edi mpʉ́n wǎm ó, nyé osí pǎ kpɛl mê, laǎ mpʉ nyé dí ekpɛl sɔ́ŋ wé le nyɔ̌ŋ wé, mʉmá wé, le bwán bé, bɨ́ɔɔ́ bé le okɛ́l bé, le twiʼ yé nye mʉr tɨ̂ʼ yɨ́.

2 Timotɛ 4:10

Demâs, nyɨ́ pɨʼ mê, ebě, nye lɨ́ ekpɛ̌l sí yɨ̂. Nyɨ́ tô Tesaloníka. Krésaŋ, nyɨ́ tô sí Galásia. Títos, nyɨ́ tô Dalmatía.

2 Korɛnt 1:5

Ebě, mpʉ bɨ́h dí ekabla mítúú mé Krîst yɨ́, jwɨʼ gwár yaá ntémé ó bɨ́h dí ebi ménkɔb ɨ́ nkul nyé dí egbâ bɨ́h ɨ́ miléme nyɨ́.

2 Timotɛ 4:16

Jɔʼ ésôʼ mé á kar lɔ̌b wâm yɨ́, abe e mʉr á tyɛ̂b bǎʼ e me. Bɨ́bɛ̂h, bé á si líʼe me ɨ́ ntɛ̂ʼ. Nzyɛ̌m sá aláa bé baa ébébe yaá!

Mɨlʉmlʉ 15:38

Mbeá mé Pɔ̂l wɨ́ɛ, wé á be ó, bé ayɨ́ tô e né, ebě, nye á si líʼe bé ɨ́ sí Pamfilía, akǎ tô dóló, nkʉ̂ pʉgʉ́ bá súʼo bé ɨ́ syɛ́ɛ́.

Mɨlʉmlʉ 13:13

Pɔ̂l, bé e bʉr ó njoo yé, nzě kalwɔɔ ɨ́ sitíma lɨ́ ebʉ́m é Páfos, ntɔ̂ʼ tô lɨ́ ebʉ́m é Pɛ́rge, dí ɨ́ sí Pamfilía yɨ́. Tɨ̂ʼ ó Yʉánɛs Marc nyɨɛ á bwóolo ntúʼó, tô Yerʉ́zalɛm yɨ́.

2 Timotɛ 1:15

Go mû ó lɨ́ egʉ́a ó, bʉr ó sí Azía bɨ́bɛ̂h, bɨ́ pɨʼ mê. Fígɛlus, ndu e Ermogɛ̂n, bé ó ɨ́ sɔ́má bʉ̂r yaá tʉ́ŋlʉ̌.