Filipi 2:2 - Kálar Nzyɛ̌m : Ejwán é Sáá

² diʼee gá e lwǐb gwár. Kpɛlaa gá páʼ nyɨ́n. Diʼee gá e léme ngwár, twíí mpwár. Bɨ́n sá nó wá, yé óbuú dwe mé bisʉhʉʉ.

Kálara Zyɛ̌m Edwán é mpʉ̌n

² bɨn bé à di e lwib gwar, lé ekpɛla paʼra win. Bɨn bé ódi e leme ngwar, twii ngwar. ǃBɨn sa no nɛʼɛ, yé óbul dwe me bɨsʉhʉ.

Filipi 2:2 ပူးပေါင်းရင်းမြစ်များ

Rôm 12:16

Diʼee gá twíí páʼ nyɨ́n. Asâ gá enkɛ́ɛ́ é nyʉ̂l. Séáá gá mbǐ syɛ́ɛ́ yɨ́yɛ̂h, yé damá bě mbi syɛ́ɛ́ dí aláŋɔɔ ɨ́ nkɔb yɨ́. Ajwɨʼ gá ó, bɨ̌n ó dí ocwóó.

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

3 Yʉanes 1:4

Mé apǎ jóʼo yʉ́ʉ́ sɔ̂ʼ embɨa mbi mé dí ejóʼo ɨ́ jɔʼ bé dí elɛ́ɛ ó, bwán bâm, bé lɨ́ etíʼe lɨ́ otyeetye yɨ́.

Filipi 2:16

Bɨ̌n bé ólɛ̂ʼle bé milɔ̌b mí twiʼ. Nó ó mé óbe e sá énkʉ́na tɨ̂ʼ ɨ́ móhó Krîst óbáʼǎ nze wɨ́. Me ógʉ́a ɨ́ jɔʼ yaá ó, lelelelě syɛ́ɛ́ mé á séa yɨ́, yé á bé adwě ntuʼ.

Mɨlʉmlʉ 2:46

Bé á be lɨ́ esâ sɨ́n jɔʼ yɨ́yɛ̂h lɨ́ etô mpáh Nzyɛ̌m, bɨ́bɛ̂h e léme ngwár, le epɛ̂ʼlǎ blêr ɨ́ mimbɛ̌r myɔ́ɔ́, le edeŋɔɔ méde mɔ́ɔ́, milémé myɔ́ɔ́, myé osí lóno ɨ́ bisʉhʉʉ. Myé á bé abě mbáʼrá e mikóo.

2 Yʉanes 1:4

Me á si bu jóʼo membɨa ɨ́ jɔʼ mé á jóʼo ó, bwán bô, bé lɨ́ edû kʉ̌ tyen lɨ́ otyeetye tʉ́ŋlʉ̌, lɨ́ edû mpʉ̌ Nzyɛ̌m Sɔ́ŋ á tyêl mɨná gá etié yɨ́.

2 Tesalonika 2:13

Bɨ́ɔɔ́ bɨ́h! Okɛ́l bɨ́h! Tî Yésʉs, nye lɨ́ ebuú kpɛl bɨ́n. Yé jala ó, bɨ̌h dwêʼ Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, ebě, nyɨ́ twâr bɨ́n, duho ɨ́ menyɛ̌l, ó bɨ̌n tíʼaa njʉ̌m dǐ e njʉ̌m dǐ. Nye mû ó lɨ́ etíʼ bɨ́n e nzɨ̌ Sísǐm mé Nzyɛ̌m wé á pubo bɨ̌n nyá. Bɨ̌n mû ó lɨ́ ebǐ twiʼ mpâ ɨ́ nzɨ̌ búʼó bɨ́n dí ebúʼla ótyeetye yɨ́.

Kolosi 2:5

Mě damá cɛra e bɨ̌n ɨ́ nkǒ páʼ nyʉ̂l, me yɨ́ɛ ó bǎʼ e bɨ̌n ɨ́ nkǒ páʼ sísǐm. Me lɨ́ ejóʼo bísʉhʉʉ lɨ́ ebeě mpʉ̌ sɔ́má yɨ́n dí ɨ́ kpɨ́ɨ́ɨ́ yɨ́. Me lɨ́ esoho ntémé mpʉ bɨ́n dí edyêʼ koo e Krîst yɨ́.

Filipi 4:2

Me lɨ́ ejɨʼla e bɨ̌n, Evódia bé e Sʉntíke mpʉ bɨ́n mû sí pûhla e Tî Yésʉs yɨ́, diʼee gá ntémé twíí mpwár.

Filipi 2:20

Mé abe e mʉr swîh mpʉ mé Timotɛ̂. Bisyɛ́ɛla bi dí edwɛ̂ʼ nyɔm wɨ́n bí, byé lɨ́ ekʉ́ pálwo nyé ɨ́ léme.

2 Korɛnt 7:7

Abě njɨ lɨ́ epyál lé, lé omér. Nye á gbâ me nkul ɨ́ léme ntémé ó, lɨ́ elɛ́ɛ mé mpʉ nyé á nyɛɛ súʼɔɔ kwá nyɨ́n yɨ́. Me á ka bi nkul ɨ́ léme píe tɨ̂ʼ ntémé ó, ɨ́ jɔʼ nyé á lɛ́ɛ bɨ̌h bigwɨ́má mílémé mín yɨ́, le elɛ́ɛ̌ mpʉ bɨ́n á jɨ medwê ɨ́ lɔ̌b wâm, le mpʉ bɨ́n dí ekpɛl mé ɨ́ buo buo yɨ́. Lɔ́ɔ waá ó b'á bu gbâ me bisʉhʉʉ ɨ́ léme wɨ́.

2 Korɛnt 2:3

Me á cɛma mekaná maá ó, mé ónze kwá nyɨ́n nó, me l'akǎ kpaa ébúʼ ɨ́ lɔ̌b bísyɛ́ɛla bín, bɨ̌n bʉr o jálá le egbâ mé bisʉhʉʉ ɨ́ léme bá. Me á bě e búʼó ɨ́ páʼ wɨ́n, bɨ̌n óbɛ̂h ó, ɨ́ jɔʼ bɨ́n óbe, sí láa yɨ́, mɨná bé obi gá bisʉhʉʉ jwɨʼ gwár.

Mɨlʉmlʉ 5:12

Bʉr o mílʉ́mlʉ́, bé á si sâ mesimá ɨ́ buo buo ti e bisá bí ékâm, bʉr ɨ́ buo buo lɨ́ ebee. Obûʼla bɨ́bɛ̂h, bé á gwɨgwɨ̂hla ó, gúmo gwár ɨ́ gwal mé Salomɔ̂ŋ dí dóló ɨ́ mpáh Nzyɛ̌m yɨ́.

Mɨlʉmlʉ 1:14

Bɨ́bɛ̂h, bé á sisyɛŋa léme ngwár ó, bé tirwo ó e syɛ́ɛ́ mínjɨʼla. Tɨ̂ʼ ntémé, yé á be ó le obûʼla o bʉ́bá, le nyɔ̌ŋ mé Yésʉs, Maria, ti e bɨ́ɔɔ́ le okɛ́l mé Yésʉs.

Filipi 1:4

Jɔʼ yɨ́yɛ̂h mé dí ejɨʼla lɨ́ esú lɨ́n yɨ́, mě jɨʼlá ó e bisʉhʉʉ.

Yʉanes 3:29

Mbɛ̂l mʉmá ó dí e mʉmá. Só mé mbɛ̂l nyɨɛ títyɛ́b ɨ́ puuu ó, nye nkʉ̂ gʉ́a jôʼlo étyêl me mbɛ̂l. Nye lɨ́ ebuú soho lɨ́ ejóʼo étyél lé. Nó yaá ó mé dí ebuú soho ɨ́ báánâʼ yɨ́.

2 Timotɛ 1:4

Jɔʼ mé dí esímsǎ mpʉ gó á jɨ yɨ́, lémé wâm, wé lɨ́ ejóʼo ntɔ̂ʼ dwéh ébee gô. Ɨ́ jɔʼ mé óbáʼǎ bee gó yɨ́, bisʉhʉʉ, byé óbe mé ɨ́ léme lwɨ́ŋlá.

Mɨlʉmlʉ 2:1

Ɨ́ móhó Paŋtekôt, obûʼla bɨ́bɛ̂h, bé á be ó nzyɛŋá, gúmo gwár.

Filemɔŋ 1:20

Nó ó, mɨ́ɔɔ́ wǎm, me lɨ́ ejɨʼla e go ɨ́ díé mé Tî gá wɨ́ná ó, go sâʼ lémé wâm ó, wé súlaa sí ɨ́ mpúhlá gá nyɨ́ná e Krîst.