Filipi 2:19 - Kálar Nzyɛ̌m : Ejwán é Sáá

¹⁹ Tî Yésʉs, nye lɨ́ egbâ mé mpûʼla ɨ́ léme ó, me mû ó kúno elómlo bɨ́n Timotɛ̂. Me óbuú soho ɨ́ jɔʼ mé ójóʼǒ lɔ́ɔ́ wé óduho gʉ̂, dumo e sɔ́má yɨ́n wɨ́ yɨ́.

Kálara Zyɛ̌m Edwán é mpʉ̌n

¹⁹ Da Yesʉs, nyi loŋlo leme wam e mbɛla ó, me mu ó kunokuno le elomlo bɨn Timote. Me ólaŋle soho é jɔʼ me ójoʼo lɔɔ wé óduho gʉ, tiibe e mbɛr Zyɛm win ɨ.

Filipi 2:19 ပူးပေါင်းရင်းမြစ်များ

1 Korɛnt 4:17

Sɨ́ǎ yaá ó mé á lómlo bɨ̌n Timotɛ̂, mwâ kpɛ̌l wǎm yɨ́. Nye ntémé ó dí mʉr ebúʼlɔɔ ɨ́ Tî Yésʉs. Nye ó ngá jɨm bín bitɔŋlá ɨ́ kʉ̌ tyen mé dí edû ɨ́ mpúhlá nyɨ́h e Krîst wɨ́. Mě lɛ́ʼlé Mbɛ̌r-Nzyɛ̌m ɨ́ gúmó yɨ́yɛ̂h ó, bé dúʼoo kʉ̌ tyen ngwár waá.

1 Tesalonika 3:2

bɨ̌h bé ɨ́ jala yɨ́ɛ le elómǒ Timotɛ̂ kwá nyɨ́n. Nye ó mɨ́ɔɔ́ gá wɨ́ná ndu e syɛ̂l mesâ mé Nzyɛ̌m, dí etúnǒ Mbɨambɨa Lɔ́ɔ́ mé Krîst nyá. Bɨ̌h bé á lómo nye ó, nye lɨ́lɨɨ bɨ̌n ɨ́ búʼó, le esâ ó, bɨ̌n tôʼ dóló le edyɛ̂ʼwo e Krîst.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Filipi 2:28

Nó ó, léme, wê me ɨ́ báná báná ó, me bwóolaa bɨ̌n nyǎ, bɨ̌n nkʉ̂ báʼǎ soho ɨ́ buo buo ɨ́ jɔʼ bɨ́n óbee nyé yɨ́. Mɛm ntémé, me ákǎ buú syɛ̌l bá ɨ́ páʼ wɨ́n.

Jacques 4:15

Sá bɨ́n jálá le elɛ́ɛ yɨ́, yé ó: «Dâ Nzyɛ̌m sí kam nó, bɨ̌h bé ótíʼe. Bɨ̌h bé osâ sâ swîh, sâ kɛl.»

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

Rôm 16:21

Timotɛ̂, mʉr bɨ́h e nɔ́ɔ́ dí eséa nyá, nye lɨ́ esoho bɨ́n. Mimbyɛ́l myâm mî, Lʉ́siʉs, Yásɔn, ndu e Sosípatros, myé lɨ́ esoho ntémé bɨ̌n.

Rôm 15:12

Ngwíha milɔ̌b Ésayie á lɛ́ɛ ntémé ó: Nyʉ́ʉ́ mʉ̂r óbyɛ̂l ɨ́ mpóʼo mé Yesê mpʉ̌ ntoʼdu pɨ́páh ɨ́ kǔm lɨ́ yé á twɛlɔɔ yɨ́. Nye ónzě di njwɨ́ɨ ɨ́ páʼ bʉ̂r o dí abe óYúden bá. Milémé myɔ́ɔ́, myé ólóno ɨ́ mpûʼla ó, ebě, bé lɨ́ ebóno nyê.

Mataos 12:21

Milémé mí bʉ̂r o dí abe óYúden bá, myé ólóno ɨ́ mpûʼla ó, ɨ́ lɔ̌b nkûl díé lé.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Mɨlʉmlʉ 16:1

Pɔ̂l nzě pyâl Dɛ́rbe, ndu e Lístra. Nyʉ́ʉ́ mpʉ́n mé Tî Yésʉs á be ó gʉ̂, díé lé Timotɛ̂. Nyɔ̌ŋ á be ó silě Yúden. Nye á be ntémé ó, nye mû krǐsten. Sɔ́ŋ wé nyɨɛ á be ó mʉr Grɛ̂s.

Filipi 2:18

Jwɨʼ gwár e gwár yaá ntémé e bɨ̌n, bɨ̌n bé lɨ́ esoho e me ɨ́ jɔʼ mé ndɨ́ ɨ́ bisʉhʉʉ yɨ́.

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.