Filipi 2:16 - Kálar Nzyɛ̌m : Ejwán é Sáá

¹⁶ Bɨ̌n bé ólɛ̂ʼle bé milɔ̌b mí twiʼ. Nó ó mé óbe e sá énkʉ́na tɨ̂ʼ ɨ́ móhó Krîst óbáʼǎ nze wɨ́. Me ógʉ́a ɨ́ jɔʼ yaá ó, lelelelě syɛ́ɛ́ mé á séa yɨ́, yé á bé adwě ntuʼ.

Kálara Zyɛ̌m Edwán é mpʉ̌n

¹⁶ Bɨn bé ólɛʼle be mɨlɔb mɨ tiʼ. Tɨʼ ó me óbi zi lé edoʼo e syɛɛ yam é dobo Krɨst óbula ze e. Me ógʉa é jɔʼ yaa ó, lelelele syɛɛ me a sea ɛ, yé a baadwè ntuʼ.

Filipi 2:16 ပူးပေါင်းရင်းမြစ်များ

1 Korɛnt 9:26

Nó ó mé dí eswim yɨ́. Míh mâm, mé kʉ́ jaá dwɛ̂ʼ ó, njɨ gúmó mé dí etô yɨ́, lɨ́ esú é sá mé dí esœ̂ŋ yɨ́. Nó ó mé dí mpʉ ŋmɛ́ha bikúra mpâ yɨ́. Me áŋmɛ́h bíŋmɛ́hŋmɛh.

Galásia 2:2

Me á tô nó ó, ɨ́ pɨʼ Nzyɛ̌m á gwîh me nyɨ́. Jɔʼ mé á pyâl gʉ̂ʼ yɨ́, bɨ̌h le minjwɨ́ʼ mí Mbɛ̌r-Nzyɛ̌m nzě gwɨ̂hla. Me nzě lɛ̂ʼle bé mpʉ mé dí etúno bʉ̂r o bíkûl Mbɨambɨa Lɔ́ɔ yɨ́. Me á bé akpɛl ó, syɛ́ɛ́ mé á be lɨ́ eboó séa yɨ́, yé dwêʼ ntuʼ.

1 Yʉanes 1:1

Lɔ́ɔ́ bɨ́h mû lɨ́ elɛ́ɛ bɨ́n wɨ́, wé ó, ɨ́ lɔ̌b Lwǐb Twiʼ. Nye á boo be ó tɨ̂, kʉ́ e sí apǎ bě kuhá. Bɨ̌h bé á si jóʼo twíí nyé, bee ntémé nye e míh mɨ́h. Nye ó mʉr bɨ́h á siŋle, waá mebó mɨ́h, mé á kúna nyá.

2 Korɛnt 1:14

Bɨ̌n bɨ́ nyɛɛ́ gʉ́a bɨ́h pêh lɨ́ esú ó, bɨ̌n nkʉ́naa ɨ́ lɔ̌b wɨ́h ɨ́ móhó mé Tî Yésʉs. Bɨ̌h bɨɛ bé ónkʉ́na ɨ́ lɔ̌b wɨ́n ntémé ɨ́ móhó waá.

Yʉanes 6:68

Simon Pétrus, nye e né ó: «Dâ ɛ̌, bɨ́h sá nó wá, bɨ̌h bé ókǎ tô kwá mé nzé? Gua ó dí e milɛ́ʼlá me dí edwě twǐʼ njʉ̌m dǐ mí.

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

Yʉanes 6:63

Sísǐm mé Nzyɛ̌m ó dí edwě twiʼ. Mʉr ákóʼó bǐ twiʼ mpâ lɨ́ edû bígwɨ́má bí nkûl bipúno. Bilwǐb mé dí elwib e bɨ̌n bîʼ duho ó ɨ́ Sísǐm. Byé ntémé, byé ó dí etiʼ bɨ́n.

Lʉkas 12:8

«Nó me lɨ́ elɛ́ɛ e bɨ̌n ó, mʉ̂r sí tɨ̂ʼ bɨr, gbân mé témé bʉr nó, Mwân mé Mʉr ógbân nyé ntémé ɨ́ mpǒm beéngeles mé Nzyɛ̌m.

Ebrœ̂ 4:12

Lwǐb mé Nzyɛ̌m, yé ó sá dí kublakúbla yɨ́. Yé e nkul! Yé ntémé, yé ɨ́ bábla, laa pâsoŋ dí njebá myoo mipáʼ mímbá yɨ́. Ɨ́ jɔ̌ʼ Nzyɛ̌m dí elwib yɨ́, lwǐb yé, yé lɨ́ ekʉ́ bánǎ syɛ̂h bípúno, tó kumo ɨ́ mebɨ̌l, ntɔ̂ʼ pin bítíl bí nyʉ̂l ɨ́ mebʉó. Yé lɨ́ ekpâhlǎ gúmó léme ndu e sísǐm dí edira yɨ́. Yé lɨ́ epahle le egbâ mbɔ́ʼ ɨ́ miléme ndu e bijwɨʼ gá bíná.

1 Pyɛr 1:23

Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

1 Tesalonika 2:19

Onzé dí egbâ bɨ́h mpûʼla ɨ́ miléme? Bisʉhʉʉ bɨ́h dí esoho bî, byé duhó le onzé? Ɨ́ jɔʼ Tî gá wɨ́ná Yésʉs ónze yɨ́, yáǎ syɛ́ɛ́ bɨ́h ngá lɛ̂ʼle nyé, lɨ́ esú ó, nye bórɨɨ bɨ̌h káráá dúu ɛ̌? Bɨ̌n ó ngá sâ ó, bɨ̌h nʉ́aa kûm ɨ́ jɔʼ yaá.

Galásia 4:11

Me lɨ́ ejóʼo bʉ́á ɨ́ lɔ̌b wɨ́n, ebě, yé ámû kǎ nyɨ̂n ó, syɛ́ɛ́ mé á séa ɨ́ sɔ́má yɨ́n yɨ́, yé á be ó dwêh.

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.

Mɨlʉmlʉ 13:26

«Bɨ́ɔɔ́ bâm! Okɛ́l bâm! Bɨ̌n bwá bé ónta mé Abraham, le baá o dí edwáawǒ Nzyɛ̌m bá! Lɔ́ɔ́ wɨ̂, wé á túnɔɔ ó, lɨ́ esú gá lɨ́ná, dumo e tiʼá Nzyɛ̌m mû sí tiʼ bʉ̂r wɨ́.

Mataos 10:27

Sá mé lɛ́ɛ́ bɨ́n lɨ́ edúrʉ́ʉ́ yɨ́, báʼá lɛ́ɛ gá yé ɨ́ móhó ɨ́ kpɛŋlɛm. Sá bɨ́n jóʼó lɨ́ esǒ yɨ́, tyɛ́bɨ́ɨ́ gá kʉ́ mié, bɨ̌n e túnó yê.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

Filipi 1:6

Me lɨ́ ekʉ́ gʉ́ǎ sá yɨ̂: ó Nzyɛ̌m, nyɨ́ táare édwir mílémé mín mbɨ̂mbɨá. Me lɨ́ egʉ́a ntémé ó, nye ótô le esâ nó, tó pyâl ɨ́ jɔʼ nyé ósîl ékomlo bɨ́n ɨ́ dʉ́ó Yésʉs-Krîst óbáʼǎ nze yɨ́.

Filipi 1:10

Sá tɨ̂ʼ ó bɨ́n ngá gʉ́a épɛ̂h bísâ bi dí ɨ́ buú mbɨa bí yɨ́. Ɨ́ jɔʼ Krîst óbáʼǎ nze yɨ́, nye ókœb ó, bɨ̌n mû ó e miléme ɨ́ sɔ́ɔ́ɔ́, abe e mebě.