Filipi 2:15 - Kálar Nzyɛ̌m : Ejwán é Sáá

¹⁵ Sá tɨ̂ʼ ó bɨ́n óbe, abe e mebě yɨ́. Bɨ̌n bé óbe ó e miléme ɨ́ sɔ́ɔ́ɔ́, kwahaá bwán mé Nzyɛ̌m. Bɨ̌n bé ábe e sá ébébe bé ónwâhle bɨ́n e tɨ̂. Témé memɔ́ʼ mé ónzyɛ́h ó bʉ̂r o b'á dîm bá, bɨ̌n bé óbuú pǎn myɛ́n mpʉ ócwícwén ɨ́ jʉ́o kʉ́.

Kálara Zyɛ̌m Edwán é mpʉ̌n

¹⁵ Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

Filipi 2:15 ပူးပေါင်းရင်းမြစ်များ

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Mataos 5:45

Jɔʼ yaá ó bɨ́n ódi bwán mé Sɔ́ŋ wɨ́n dí ɨ́ jʉ́o kʉ́ nyá yɨ́. Nye lɨ́ esâ ó, dʉ́o lé, lé káhaa lɨ́ esú é bʉ̂r o dí ɨ́ bébe, le baá o dí ɨ́ mbɨa bá. Nzyɛ̌m, nye lɨ́ esâ ntémé ó, mpíé nwɨ́yɨɨ lɨ́ esú lé ótîtyěl le onzyɛ́h ó bʉ̂r.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

Títos 2:10

Byé ajala le ejaa mébô ɨ́ páʼ bísá bí ójwɨ́ɨ́ bɔ́ɔ́. Byé ɨ́ jala le elɛ̂ʼle ó, bé e nkul ebúʼla byé ntinɨ̂ e ntinɨ̂. Sá tɨ̂ʼ ó bé óbuú gbâ dúu ɨ́ lɛ́ʼlá mɨ́ná dí edwe bé, dumo e Nzyɛ̌m, Tiʼbʉr gá wɨ́ná wɨ́ yɨ́.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Mataos 5:48

Diʼee gá bʉr o dí mbɨ̂mbɨá ɨ́ mipáʼ mímyɛ̂h bá, mpʉ Sɔ́ŋ wɨ́n dí ɨ́ jʉ́o kʉ́ nyá dí yɨ́.»

1 Timotɛ 3:10

Yé jala ó, bɨ̌n páa nyɛɛ́ pahle bê. Bé ópahlɔɔ, ɨ́ pahlɔɔ, pahlɔɔ, adweŋɔɔ mébě nó, bé e nkul eséǎ syɛ́ɛ́ ódiâkɔn ɨ́ jɔʼ yaá.

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

Filipi 1:10

Sá tɨ̂ʼ ó bɨ́n ngá gʉ́a épɛ̂h bísâ bi dí ɨ́ buú mbɨa bí yɨ́. Ɨ́ jɔʼ Krîst óbáʼǎ nze yɨ́, nye ókœb ó, bɨ̌n mû ó e miléme ɨ́ sɔ́ɔ́ɔ́, abe e mebě.

Éfɛsɔs 5:27

Ebě, nye á kpɛl ó, nye tyélɨɨ wé ɨ́ míh mé ɨ́ nkɛ́lɛm: abe le ebar, nkʉ̂ milur, nkʉ̂ yʉ́ʉ́ sɔ̂ʼ dí ɨ́ bébe yɨ́. Wé ójaá gúmo ó, njɨ e né, abe e sá ébébe nyé ónwâhle wé e tɨ̂.

Rôm 16:19

Bʉr bɨ́bɛ̂h, bé lɨ́ egʉ́ǎ mpʉ bɨ́n dí esâ Tî Yésʉs mejóʼo yɨ́. Nó ó, me lɨ́ ebuú soho ɨ́ lɔ̌b wɨ́n. Mě kpɛl ntémé ó, bɨ̌n díʼee le ocwóó, lɨ́ esú ó, bɨ̌n sâʼ embɨa. Nó ó, ɨ́ nkǒ pâʼ ébébe, anyamlě sâ gá lê!

Mɨlʉmlʉ 2:40

Pétrus nzě báʼǎ boʼlo bé myúú mílɔ̌b ɨ́ buo buo, le etô le egbâ bé nkul ɨ́ miléme. Nye ó: «Biʼee gá twiʼ. Bɨ̌n a dí e ncɛrá le onzyɛ́h ó bʉ̂r ó myǎ bʉ̂r wɨ̂.»

Mataos 10:16

«Paá bee gâ: mɨ́ lómo bɨ́n mpʉ bínteme páʼ onkœœ! Nó, gwá di gá le ocwóó. Cɨ́áá gá mpʉ ónyʉ́a. Bɨ̌n a tálá míléme mpʉ mépɨbaa.

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.

Títos 1:6

Go ópɛ̂h tyɛ̂b esôʼ Mbɛ̌r-Nzyɛ̌m ó, mʉr dí apǎ dweŋɔɔ mébě nyá. Nye díʼee njɨ e mʉmá ngwár. Bwán bé, bé díʼee bʉr o dí edyêʼ koo e Yésʉs bá. Bʉr, bé ajala le elɛ́ɛ, dumo e bwân bé ó, bé lɨ́ elɔ̂ʼwa lɨ́ esâ ébébe. Bé sá alɛ́ɛ ntémé ó, bɨ́ɛ bé asâ sɔ́ŋ wɔ́ɔ́ mejóʼo.

1 Timotɛ 5:20

Baá dí etô le esâ syóm dóló bá, cɨ́lɨ́ɨ́ bé ɨ́ kpɛŋlɛm. Jɔʼ yaá ó bʉ́ʉ́ bʉ̂r ó sɔ́má yaá ngá jóʼo bʉ́á yɨ́.

Mɨlʉmlʉ 20:30

Damá jóʼo ɨ́ sɔ́má yɨ́n tʉ́ŋlʉ̌, bʉ́ʉ́ bʉ̂r, bé ómɔa, nzě lɛ́ɛ míkóo, le edulo ómpʉ́n ó, bé dúʼoo bê.

Yʉanes 5:35

Yʉánɛs á be ó mpʉ̌ twimá éláma dí ekʉn nzɨ́ lɨ́; bɨ̌n nzě kpɛl ó, bɨ̌n sóhaa tâŋ mâ jɔʼ ɨ́ njʉl éláma waá.

Lʉkas 6:35

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

Mataos 17:17

Yésʉs ntɔ̂ʼ lɛ́ɛ e bé ó: «Bɨ̌n myǎ bʉ̂r o dí abûʼla wɨ́! Bɨ̌n bé ó njɨ e mesónó. Me káa báʼǎ di ɨ́ sɔ́má yɨ́n, tó pyâl ɨ́ yáǎ jɔʼ ɛ̌? Me ódûhwo bɨ́n, tó swîʼ yáǎ sûm ɛ̌? Ntáʼ gá me e mwân nɨ̌ wâ.»

Mɨngwiha 3:9

Beyɨɨ gá, ɨ́ mpʉʼ ó mé ósâ bʉ̂r o mpáh minjɨʼla mé Sátan, baá o dí elɛ́ɛ ó, bé ó oYúden, bɨ́ɛ abe bé bá. Bé kʉ́ sâ ó, njɨ bibɛr. Me ósâ bé mbi dí ó, bé ntáa nzě bɨʼ mébóó mɔ́ɔ́ sí ɨ́ mempǒm mɨ́n yɨ́, ebě, bé nkʉ̂ gʉ́a ó, me lɨ́ ekpɛl bɨ́n.

1 Timotɛ 5:14

Sá tɨ̂ʼ ó mé dí ekpɛl ó, mikúhó mí bʉ́bá dína mempɨ̂h mí, myé tôʼ ɨ́ mebâ yɨ́. Myé nkʉ̂ byâ bwân, le ebaʼle mímbɛ̌r myɔ́ɔ́. Myé ayɨ́ dwe bʉ̂r o dí elwímla e mɨná gá bá jɔʼ dí ó, bé swéʼee díé é sɔ́má gá yɨ́ná yɨ́.

1 Timotɛ 5:7

Lɛ́yɨ́ɨ́ myé ntémé milɔ̌b mîʼ mímyɛ̂h. Myé díʼee bʉr o dí, abe e nkul edweŋɔɔ mébě bá.

2 Korɛnt 6:17

Dâ Nzyɛ̌m, nye lɨ́ elɛ́ɛ ntémé ó: «Duhaa gá ɨ́ sɔ́má yɔ́ɔ́. Bɔ́ʼáá gá e bê. Anyamlě kúna gá e sá dí e tilá yɨ́. Nó ó mé ónʉa bɨ́n e bisʉhʉʉ yɨ́.»

Lʉkas 1:6

Bɨ́bɛ̂h obá, bé á be ó otîtyěl o bʉ̂r ɨ́ míh mé Nzyɛ̌m, lɨ́ ebaʼle métié ndu e mempéné mé Nzyɛ̌m. Kʉ̌ tyen wɔ́ɔ́, abɨm ébɔ̌ʼ.

Filipi 3:6

Me á si bu tíble Mbɛ̌r-Nzyɛ̌m. Ɨ́ nkǒ páʼ métié, me á be ó tîtyěl mʉr, abe le etié egwár lé á mɛ̂r me.

Mɨngwiha 2:5

Ebe nó, símsáá gá gúmó bɨ́n á sele ɨ́ jɔʼ bɨ́n á twe yɨ́. Túmáá gá mikoo le mebébe mɨ́n. Bɨ̌n e dwírá míléme. Lóŋláá gá bisyɛ́ɛla bí ésôʼ mpʉ bɨ́n á boo sɨ̂sa yɨ́. Bɨ́n bé adwira míléme nó wá, me ónze kwá nyɨ́n, nzě pɛ̌ʼ tyélátyéla éláma yɨ́n ɨ́ tyé yé.