Filipi 2:14 - Kálar Nzyɛ̌m : Ejwán é Sáá

¹⁴ Sáʼ gá sá yɨ́yɛ̂h abe e ntʉ̌, nkʉ̂ mpɨ̌r!

Kálara Zyɛ̌m Edwán é mpʉ̌n

¹⁴ Saʼ ga sa yiyɛh atʉʼra, nkʉ e mosono é mɨleme.

Filipi 2:14 ပူးပေါင်းရင်းမြစ်များ

1 Pyɛr 4:9

Atárwa gá lɨ́ ebaʼla páʼ nyɨ́n ɨ́ mimbɛ̌r mín.

1 Korɛnt 10:10

Ayɨ́ lwib gá ɨ́ bébe bébe, dumo e Nzyɛ̌m mpʉ bʉ́ʉ́ bʉ̂r ó sɔ́má yɔ́ɔ́, bé á lwilwib yɨ́. Éngeles eswie ntɔ̂ʼ jʉ̂ bê.

Filipi 2:3

Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Jacques 5:9

Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

Rôm 12:18

Yé báná bɨ́n nó, sáʼ gá mbi wɨ́wɛ̂h ɨ́ páʼ wɨ́n ó, bɨ̌n e bʉr bɨ́bɛ̂h díʼee ɨ́ mepyɛbla!

1 Tesalonika 5:15

Mʉr abwóolo ébébe le ebébe. Sáʼ gá bisyɛ́ɛla bimpâ páʼ nyɨ́n e bʉr bɨ́bɛ̂h.

Jacques 1:20

Ebě, ɨ́ jɔ̌ʼ lémé mʉ̂r dí ɨ́ kpɔɔ kpɔɔ yɨ́, mʉr tɨ̂ʼ, nyé abe e nkul ekǎ sâ syɛ́ɛla dí tîtyěl ɨ́ míh mé Nzyɛ̌m yɨ́.

Galásia 5:26

Mɨná bé ayɨ́ nkɛ́ɛ gá menyʉ̂l gá mɨ́ná. Mɨná bé ajala le egbâ gá bʉ́ʉ́ bʉ̂r ebúʼ ɨ́ miléme. Mɨná bé ajala le egwɨ̂m gá bisá byé onkán.

Galásia 5:15

Sâ gwár, bɨ́n ókoʼla, le etɛ̂l páʼ nyɨ́n mpʉ ótír ó méntwǐʼ dí esâ yɨ́ nó, bɨ̌n e bâʼ. Bɨ̌n bé ámû síe lɨ́ ejwɨ́ɨla páʼ nyɨ́n.

Jacques 3:14

Sâ gwár, yé bé bɨ̌n bé lɨ́ esâ égú le epɨra e bʉr ɨ́ milémé mín nó, ayɨ́ nkʉ́na gá dwêh. Milɔ́ɔ́ bíbɛr myaá, myé ó kwahaá tʉ̂toʼó.

Rôm 14:1

Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

1 Pyɛr 3:11

Nye túmaa koo le ebébe. Nye sɨ̂saʼ njɨ embɨa. Nye tôʼ le egbâ mépyɛbla páʼ bʉ̂r e bʉr. Nye dúʼoo nzɨ̌ dí e mepyɛbla nyɨ́.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

Rôm 16:17

Nó ó, bɨ́ɔɔ́ bâm, me lɨ́ ejɨʼla e bɨ̌n ó, bɨ̌n e báʼ bʉ̂r o dí egbâ nzyɛ́ɛ́lá mecwíí páʼ bʉr e bʉr, le baá dí egbâ mebɔ̌ʼ ɨ́ nzɨ̌ me bʉ́ʉ́ bʉ̂r bá. Bé lɨ́ esâ nó ó, bé nkʉ̂ kamle e milɛ́ʼlá bɨ́n á dweŋɔɔ mí. Diʼee gá ncɛrá e bê.

Mɨlʉmlʉ 15:2

Nó ó Pɔ̂l, bé e Banabâs, bé á be ó lɨ́ ebuú pére mékǎn e bê, le edoŋɔɔ. Bê nzě kǎ tíʼe ó, Pɔ̂l, bé e Banabâs ti e bʉ́ʉ́ bʉ̂r ó Antiôs, bé tôʼ Yerʉ́zalɛm, tó kœb bʉ̂r o mílʉ́mlʉ́ mé Yésʉs, bé le otyɛ̂b bé ésôʼ ó Mbɛ̌r-Nzyɛ̌m, ó bé báʼa tó timlě lɔ̌b waá gʉ̂.

Mɨlʉmlʉ 6:1

Ɨ́ melû maá mpʉ ómpʉ́n mé Yésʉs, bé á be, bé mû sí buú buo yɨ́, oYúden bé á lwilwib grɛ̂k bá, bê nzě gɔ́na le esâ mésɨ́n e baá o b'á lwilwib ébrœ̂ bá. Bé á lɨlɛ́ɛ ó, bɨ́haá, bé á jaa tʉtoŋlo ó, njɨ mikúhó myɔ́ɔ́ ɨ́ nkɔb mede.

1 Tesalonika 5:13

Bɨ̌n bé ɨ́ jala le edwe bé dúu, le ekpɛl bé ɨ́ lɔ̌b syɛ́ɛ́ yɔ́ɔ́ bé dí eséa yɨ́. Tiʼaa gá ɨ́ mepyɛbla páʼ nyɨ́n tʉ́ŋlʉ̌.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

Mɨlʉmlʉ 15:39

Nó ó, bé á si bu gœ́a, nzě bɔ́ʼa: bé l'akǎ syɛŋa nzɨ́ mpwár. Nó ó Banabâs á nze nʉa Marc, bé e nɔ́ɔ́ nzě tóŋɔɔ̌ tíhé Swiprʉ̂s yɨ́.

Mɨlʉmlʉ 15:7

Jɔʼ bé á be ɨ́ do ɨ́ do do yɨ́, Pétrus nzě tyɛ̂b tîtyěl. Nye ó: «Bɨ́ɔɔ́ bâm! Okɛ́l bâm! Bɨ̌n bé lɨ́ egʉ́a ó, Nzyɛ̌m á be ɨ́ boó pɛ̂h mé ɨ́ sɔ́má yɨ́n, ó me túnaa Mbɨambɨa Lɔ́ɔ kwá bʉr o dí abe óYúden bá, ó bé jóʼaa lɔ́ɔ waá, bûʼla wê.

Markus 14:5

Yê kʉ jala ó, bɛ́ma ó bɛ́máa e tâŋ minzaŋ mí mɔnɨ́ minter milɛ̂l, ntɔ̂ʼ dwe míndyêbndyéb.» Bʉr baá ntɔ̂ʼ nkáŋla e mʉmá waá ɨ́ buo buo.

Mataos 20:11

Jɔʼ bé á sil enʉa, mʉr wé nzaŋ yɨ́, bê nzě lwib ɨ́ bébe bébe dumo e mʉr pemé.

Markus 9:14

Nó ɨ́ jɔ̌ʼ Yésʉs bé le ompʉ́n baá, bé á búla, nzě kœb bʉ́ʉ́ yɨ́, bé ntɔ̂ʼ kœb ntémé entumo e bʉ̂r, le olɛ̂ʼla o métié lɨ́ epére mékǎn e bê.

Lʉkas 5:30

OFarizyɛ̂n, bé le olɛ̂ʼla o métié bé e boo nɔ́ɔ́ bé á be nkɔ̌m mpwár bá, bê nzě gɔ́na le elwib ɨ́ bébe bébe dumo le ompʉ́n mé Yésʉs, le elɛ́ɛ ó: «Bɨ̌n bé lɨ́ ede méde le menyoʼ, bɨ̌n le onwɨa ó mɔnɨ́ tœ́a le osyɛ̂l o mísyóm ɨ́ yé?»