Filipi 2:10 - Kálar Nzyɛ̌m : Ejwán é Sáá

¹⁰ Nye á dwe nye byǎ ó, mʉr nyɨnyɛ̂h bɨ́ʼɨɨ nye mebóó sí, dwe nyé kûm. Bisá bíbyɛ̂h, byé ódwě Yésʉs kûm, táare e bisá bíbyɛ̂h bi dí ɨ́ jʉ́o kʉ́ bí, kala e byaá bi dí ɨ́ sí yɨ̂ʼ bí, dumlo e byaá bi dí tʉ́ŋlʉ̌ bwǎh bí.

Kálara Zyɛ̌m Edwán é mpʉ̌n

¹⁰ Nye a dwe nye wa ó, mʉr nyiwɛh kurɨ moboo si, dwiibɨ die mo Yesʉs. Bɨsa bibyɛh, byé ókʉ dwiibɨ nye, taare é bɨsa bibyɛh ndɨ é jobo kʉ ɨ, ze kɛl byaa ndɨ é si nwaʼ ɛ, to pyal é byaa ndɨ é bwah tʉŋlʉ ɨ.

Filipi 2:10 ပူးပေါင်းရင်းမြစ်များ

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Ebrœ̂ 1:6

Jɔ̌ʼ Nzyɛ̌m á tyêl nye ɨ́ dǐ dí ɨ́ buú bwaʼ dúu yɨ́, nye á nze lɛ̂ʼle beéngeles bɨ́bɛ̂h nyǎ. Nye á lɛ́ɛ ó: Beéngeles bɨ́bɛ̂h ɛ̌! Bɨʼɨɨ gá nye mebóó sí lɨ́ edwe nyé kûm.

Éfɛsɔs 3:14

Sɨ́ǎ yaá ó mé dí ebɨʼ mébóó ɨ́ míh mé Nzyɛ̌m Sɔ́ŋ, jɨʼla e né ɨ́ lɔ̌b wɨ́n yɨ́.

Mɨngwiha 4:10

Jɔʼ yɨ́yɛ̂h bé á sɨsâ nó yɨ́, otɔ́má bʉ̂r mekám mébá le onâ baá, bé á si pipíʼa sí ɨ́ mpǒm mʉr á be ɨ́ mecwɨ́ɨ́ mé jwɨ́ɨ nyá, lɨ́ edwe mʉ̂r dí e twǐʼ njʉ̌m dǐ nyá kûm. Bé á be lɨ́ epɨpɛʼ bíkáráá bí gʉ̂l byɔ́ɔ́ ɨ́ milʉ̂, didyɛ́ʼɔɔ byé sí ɨ́ míh mé. Bé ó:

Éfɛsɔs 1:10

Bijwɨʼ byé byaá, byé á nze ka gwíhɔɔ ó, píe bijɔʼ byé á jala le elaa bí, byé á sil elaa yɨ́. Nzyɛ̌m á boo tíʼe ɨ́ léme ó, bisâ bi dí ɨ́ jʉ́o, le ejwoo, le ɨ́ sí yɨ̂ʼ bí, bíbyɛ̂h, byé ɨ́ jala le eswâl ó, ɨ́ jwɨ́ɨ́ mʉ̂r ngwár, Krîst.

Mataos 27:29

Bê nzě peně káráá le mindwínɨ́nɨ́, nʉa yê, dilɔɔ nyé yǎ ɨ́ lʉ̂. Bê nzě dwe nyé péh sʉŋ ɨ́ mbó éjʉ̂m. Bé ntɔ̂ʼ bɨbɨʼ mébóó mɔ́ɔ́ sí tɨ̂ʼ ɨ́ mpǒm nyé le epyaŋɔɔ nyê. Bé ó: «Njwɨ́ɨ oYúden, bɨ̌h bé lɨ́ ebâʼ e go!»

Mɨngwiha 20:13

Mâŋ, mé á si bwóolo bím bʉ̂r o mé á jʉ̂ bá. Bʉr o b'á nyɛɛ be kwár odwe bá, pyálɔɔ tɨ̂ʼ ɨ́ mpululu. Mʉr nyɨnyɛ̂h ɨ́ sɔ́má bʉ̂r baá á pahlɔɔ ó, dû mpʉ bísyɛ́ɛla byé nyé á sɨ̂sa bí, byé á be yɨ́.

Éfɛsɔs 4:9

(Ekǎn e dí ó: Nye á si bɨ́nɔɔ ɨ́ jʉ́o kʉ́ lɨ́, lé lɛ́ɛ́ yé? Nó yé ó, nye á si sulo, nî ɨ́ sí yɨ̂, bánǎ tó kpâhla ɨ́ sí yɨ̂ʼ tʉ́ŋlʉ̌.

Rôm 11:4

Nzyɛ̌m nyɨɛ á ka yala e né nyá? Nye á lɛ́ɛ e né ó: Heʼé, gó abe gó omér. Mɨ́ baʼle bʉ̂r otɔ́ɔ́sin nzaangbá o dí edû mé bá. Abe e lʉ́ʉ́ dʉ́o bé á bɨʼ mebóó mɔ́ɔ́ sí, jɨʼla e Báal.

Mataos 12:40

Ebě, mbi ngwár Yʉ́nas á di ɨ́ mo sû ɨ́ bwaʼ bwaʼ mimóhó mílɛ̂l, mipum milɛ̂l yɨ́, mbi ngwár e ngwár waá ntémé ó Mwân mé Mʉr ngá di ɨ́ soo mimóhó mílɛ̂l, mipum milɛ̂l wɨ́.

Mɨngwiha 5:3

Nó ó, yé á bé abe e mʉr. Táare ɨ́ jʉ́o kʉ́ ndu e sí, le tʉ́ŋlʉ̌ bibwǎh sí, abe e waá á dweŋɔɔ nkul dí ó, nye bɛ́yɨɨ mekaná maá, dwɛ̂ʼ mé tʉ́ŋlʉ̌.