Filipi 2:1 - Kálar Nzyɛ̌m : Ejwán é Sáá

¹ Búʼó bɨ́n dí ebúʼlǎ Yésʉs-Krîst yɨ́, yé así gbâ bɨ̌n nkul ɨ́ miléme ɛ̌? Kpɛ̌l yé, yé así dwe bɨ́n nkul ɨ́? Nzê bɨ̌n bɨ́ pûhla e Sísǐm mé Nzyɛ̌m? Bɨ̌n bé así kpɛla le ejɨ̂ʼ nkóó páʼ nyɨ́n? Mpʉ yé dí nó yɨ́,

Kálara Zyɛ̌m Edwán é mpʉ̌n

¹ Yé be ó, bɨn bɨ gbaŋɔ nkul é monyʉl, duho é zyɛŋa win boo Yesʉs-Krɨst nɛʼɛ, yé be ó, kpɛl ye, yi lɨl bɨn wa, yé be ó, bɨn mu ó é zyɛŋa win boo Mbɨambɨa Sisim cyecye wa, yé be ó, bɨn bé ó e njwɨʼa-nkoo paʼra win wa,

Filipi 2:1 ပူးပေါင်းရင်းမြစ်များ

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

1 Yʉanes 4:12

Abe e mʉr dí ɨ́ pǎ beě Nzyɛ̌m. Mɨ́ná kpɛ́lá gá páʼ gá nyɨ́ná nó, Nzyɛ̌m ókʉ́ tíʼe ɨ́ mɨná gâ. Milémé gá míná, myé olóno ɨ́ kpɛ̌l yé.

2 Korɛnt 13:14

Ncwɨ́ncwɨ́a mé Tî Yésʉs-Krîst, le kpɛ̌l mé Nzyɛ̌m Sɔ́ŋ ti e mpúhlá mé Sísǐm mé Nzyɛ̌m, byé díʼee e bɨ̌n óbɛ̂h.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

1 Korɛnt 12:13

Mɨná gá óbɛ̂h, oYúden, nkʉ̂ bʉr o bíkûl biswîh; bitúʼǎ, nkʉ̂ onzyɛh o bʉ̂r, mɨná bé á si duŋɔɔ, ntɔ̂ʼ kǎ di nyʉ̂l mpwár e nzɨ̌ Sísǐm ngwár. Sísǐm ngwár ó b'á nze di ɨ́ milémé gá míná.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

Galásia 4:6

Nzyɛ̌m á ntɨh mɨná gá Sísǐm Mwân wé ó, ebe bɨ́n dí nye bwân. Nye mû ó sí nî ɨ́ milémé gá míná. Nye ó dí etitíne mɨ́ná gá ó, mɨná jɨ̂ʼlaa gá e Nzyɛ̌m, le elɛ́ɛ ó: «Abba, Dâ!»

Mɨlʉmlʉ 4:32

Ɨ́ sɔ́má óbûʼla bɨ́bɛ̂h, bé á be ó lémé ngwár ti e sísǐm ngwár. Abe e mʉr ngwár ɨ́ sɔ́má yɔ́ɔ́ á be e nkul elɛ́ɛ ó, byé bísâ, byé á jaa gúmo ó, njɨ e nye mʉr tɨ̂. Páʼ nyɔ́ɔ́, sá yɨ́yɛ̂h, yé á bɨbe ó sadága.

1 Yʉanes 3:24

Mʉr dí ebaʼle métié mé Nzyɛ̌m nyá, nyě dǐ ó ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né. Mɨná bé lɨ́ egʉ́a gá ó, Nzyɛ̌m, nye ó ɨ́ mpúhlá e mɨná gá ó, ebě, nye á si ntɨh mɨná gá Sísǐm wé.

Yʉanes 17:13

Nó ɨ́ jɔʼ yɨ̂, me múo nzě búla, nzě nko gó dí yɨ́. Jɔʼ yɨ́yɛ̂h mé dína ɨ́ sí yɨ̂ʼ yɨ́, mě jɨʼlá e go ó, ompʉ́n bâm bíʼee bisʉhʉʉ mpʉ mé dí esoho yɨ́. Bisʉhʉʉ byɔ́ɔ́, byé óbe ó ntinɨ̂ e ntinɨ̂.

1 Yʉanes 4:16

Nó ó mɨ́ná bɨ́ gʉ́a gá kpɛ̌l Nzyɛ̌m dí elɛ̂ʼle mɨ́ná gá yɨ́. Mɨná bé lɨ́ ekʉ́ bûʼla gá ó, nye lɨ́ ekpɛl mɨ́ná gâ. Nzyɛ̌m, nye ó kpɛ̌l. Mʉr dí etíʼe e kpɛ̌l nyá, nyě dǐ ó, ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

1 Korɛnt 3:16

Nzê bɨ̌n bé agʉ́a ó, bɨ̌n kʉ́ bě tyeetye ó mpáh Nzyɛ̌m ɛ̌? Nzê bɨ̌n bé lɨ́ ejéʼe ó, Sísǐm mé Nzyɛ̌m, wɨ́ komlo ódiá wé ɨ́ bɨ̌n ɛ̌?

Rôm 8:26

Sísǐm mé Nzyɛ̌m, wɨ́ nzě kɛm mɨ́ná gá ɨ́ nkǒ páʼ étyɛʼ e nyʉ̂l gá lɨ́ná. Ɨ́ nkǒ páʼ mé Nzyɛ̌m, mɨná gá bé ɨ́ tyɛʼ, agʉ́ǎ mpʉ mɨ́ná jálá le ejɨʼla gá yɨ́. Sísǐm mé Nzyɛ̌m mʉr tɨ̂, nyě jɨjɨʼlá e Nzyɛ̌m ó, ɨ́ medilá gá mɨ́ná. Nye lɨ́ ejɨʼla e lémé wé wɨ́wɛ̂h, mpʉ̌ sá lɛ́ɛ́, nye lɨ́ ejóno. Abe le ekǎn egwár e dí e nkul epâʼlǎ sá nyé dí elɛ́ɛ yɨ́.

Rôm 5:5

Lémé mʉ̂r, wé óbe, wé mû sí lóno ɨ́ mpûʼla nó, mʉr waá, nye ájóʼo bá sôn ɨ́ lɔ̌b mpûʼla nyé, ebě, Nzyɛ̌m á si lɛ̂ʼle mɨná gá mpʉ nyé dí ekpɛl mɨ́ná gá kpɛ̌l ápurapúra yɨ́. Nye á lɛ̂ʼle mɨná gá nó ó e nzɨ̌ Sísǐm wé, nyé á ntɨh mɨná gá wɨ́.

Mɨlʉmlʉ 2:46

Bé á be lɨ́ esâ sɨ́n jɔʼ yɨ́yɛ̂h lɨ́ etô mpáh Nzyɛ̌m, bɨ́bɛ̂h e léme ngwár, le epɛ̂ʼlǎ blêr ɨ́ mimbɛ̌r myɔ́ɔ́, le edeŋɔɔ méde mɔ́ɔ́, milémé myɔ́ɔ́, myé osí lóno ɨ́ bisʉhʉʉ. Myé á bé abě mbáʼrá e mikóo.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

Ebrœ̂ 6:18

Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.

Filipi 1:8

Á dǐ bee mɨ́ná gá mû ó gúmo gwár! Nzyɛ̌m, nye me ó mboʼlo! Me lɨ́ ekpɛl bɨ́n bɨ́bɛ̂h mpʉ̌ Yésʉs-Krîst dí ekpɛl bɨ́n yɨ́.

Éfɛsɔs 4:4

Nyʉ̂l mé Krîst, nye ó mpwár. Sísǐm mé Nzyɛ̌m, nye ó ngwár. Mpûʼla mpwár ó dí bɨ̌n ɨ́ miléme, táare ɨ́ jɔ̌ʼ Nzyɛ̌m á jébe bɨ̌n yɨ́.

2 Korɛnt 2:14

Mɨná dwêʼ gá Nzyɛ̌m nzyǒo. Nye ó dí esâ ó, mɨná gá e Krîst díʼee binkɔ́ɔ́ bi dí entaa ɨ́ jɔʼ yɨ́yɛ̂h bí. Nye ntémé ó dí esâ ó, mɨná dwêʼ gá bʉr milɛ́ʼlá mi dí esâ ó, bé gʉ́ŋaa nye mí. Nyě sá mɨ́ná gá nó ó, ɨ́ gúmó yɨ́yɛ̂h. Mɨná gá mû ó mpʉ̌ lɔbína dí epyêl mbɨambɨa numó yɨ́.

1 Korɛnt 15:31

Bɨ́ɔɔ́ bâm! Okɛ́l bâm! Yê tyeetye ó, mě pǎm le eswie ó, dʉ́ó lɨ́lɛ̂h. Yê tyeetye ntémé ó, me lɨ́ enkʉ́na ɨ́ lɔ̌b wɨ́n ɨ́ mpǒm mé Tî gá wɨ́ná, Yésʉs-Krîst.

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Yʉanes 14:18

«Me ákóʼó líʼe bɨ́n ɨ́ ntɛ̂ʼ mpʉ bwá bé ónyʉ̌l. Me óbáʼǎ nze kwá nyɨ́n.

Lʉkas 2:25

Ɨ́ Yerʉ́zalɛm, yé á be ó e nyʉ́ʉ́ mʉ̂r, díé lé Siméon. Nye á be ó tîtyěl mʉr le ebuú dwáawǒ Nzyɛ̌m. Nye á didi ó, lɨ́ ebóno mʉ̂r ngá báʼǎ gbâ bʉ̂r o b'Ɨ́zraɛ̂l nkul ɨ́ miléme nyá. Sísǐm mé Nzyɛ̌m, wé á be ó e né.