Filipi 1:29 - Kálar Nzyɛ̌m : Ejwán é Sáá

²⁹ Nzyɛ̌m á dib bɨ̌n nzɨ̌ ó, bɨ̌n gúmlaa Krîst, abě njɨ ɨ́ jɔʼ bɨ́n dí ebúʼla nyé yɨ́, kʉ́ buú be ntémé, ɨ́ jɔʼ bɨ́n dí esia e mitúú ɨ́ mpúhlá nyɨ́n e nɔ́ɔ́ yɨ́.

Kálara Zyɛ̌m Edwán é mpʉ̌n

²⁹ Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.

Filipi 1:29 ပူးပေါင်းရင်းမြစ်များ

Jacques 1:2

Bɨ́ɔɔ́ bâm! Okɛ́l bâm! Jɔʼ bé dí ebóblo bɨ́n mimbi mímyɛ̂h yɨ́, bɨ̌n e gʉ́á ó, yê bɨ̌n ó jɔʼ bísʉhʉʉ.

1 Pyɛr 4:13

Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Rôm 5:3

Damá jóʼo mítúú mɨ́ná dí esia gá e myé mí, mɨná bé lɨ́ ekʉ́ bánǎ nkʉ́na gâ, ebě, mɨná bé lɨ́ egʉ́a gá ó, baá o dí esia e mitúú bá, bé ójɨ̂ʼ bíhwó tɨ̂.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Éfɛsɔs 2:8

Ebě, mpam mé Nzyɛ̌m ó b'á tiʼ bɨ̌n, lɨ́ nzɨ̌ búʼó. Twiʼ yaá, yé aduho kwá nyɨ́n, bɨ̌n bʉr o tɨ̂. Yé ó ndwéá mé Nzyɛ̌m.

Kolosi 2:12

Ɨ́ ndubó bɨ́n á duŋɔɔ wɨ́, bɨ̌n bé á si debe, bɨ̌n e Krîst ɨ́ jɔʼ gwár. Bɨ̌n e né ntémé ó b'á pah, ebe bɨ́n dí ebúʼla nkûl nɨ́nɨ́ɨ́ mé Nzyɛ̌m. Nkǔl nɨ́nɨ́ɨ́ nyaá ó b'á pɛh nye.

Mɨlʉmlʉ 14:27

Jɔʼ bé á pyâl Antiôs yɨ́, bê nzě jébe bʉ̂r ó Mbɛ̌r-Nzyɛ̌m, lɛ́ɔɔ bé bisá bíbyɛ̂h Nzyɛ̌m á sâ e nkul nyé bí. Bé á lɛ́ɛ ntémé ó, Nzyɛ̌m á si cwɨ́a ntémé e bʉr o dí abe óYúden bá, lɨ́ edwe bé nkul edyɛ̂ʼwo e né.

Mɨlʉmlʉ 13:39

Bʉr bɨ́bɛ̂h ngá dyêʼ koo e né bá, bé óbi nkâm ɨ́ nzɨ̌ nyé. Bé ódweŋɔɔ nkâm ɨ́ mimbi mílɔ̌b mímyɛ̂h. Bé á bé agwá bi nkâm ɨ́ nzɨ̌ metié mé Moyɨ̂z.

Mataos 16:17

Yésʉs ntɔ̂ʼ lɛ́ɛ e né ó: «Go ó e metyɛʼ me mpóm, Simon Bar-Yónas. Ntʉ nyʉ̂l bipúno le metiê gwíh gó sâ yaá. Yê bé ó Sɔ́ŋ wǎm dí ɨ́ jʉ́o kʉ́ nyá. Nye ô lɛ́ʼlé gó yǎ.