Filipi 1:26 - Kálar Nzyɛ̌m : Ejwán é Sáá

²⁶ Nó ɨ́ jɔʼ mé óbáʼǎ nzě dǐ bǎʼ e bɨ̌n yɨ́, bɨ̌n bé óbuú soho ɨ́ syɛ́ɛlǎ Yésʉs-Krîst dí esâ mé yɨ́.

Kálara Zyɛ̌m Edwán é mpʉ̌n

²⁶ No ó é jɔʼ me óbula ze di kunokuno e bɨn ɨ, bɨn bé óbul mɨɨla ebe syɛɛla Yesʉs-Krɨst a sa me e.

Filipi 1:26 ပူးပေါင်းရင်းမြစ်များ

2 Korɛnt 1:14

Bɨ̌n bɨ́ nyɛɛ́ gʉ́a bɨ́h pêh lɨ́ esú ó, bɨ̌n nkʉ́naa ɨ́ lɔ̌b wɨ́h ɨ́ móhó mé Tî Yésʉs. Bɨ̌h bɨɛ bé ónkʉ́na ɨ́ lɔ̌b wɨ́n ntémé ɨ́ móhó waá.

2 Korɛnt 5:12

Sá dí etíne bɨ́h ó, bɨ̌h tílaa nó yɨ́, yé abe lɨ́ esú ó, bɨ̌h sêʼlaa bɨ̌h bʉr o tɨ̂ʼ ɨ́ míh mɨ́n. Bɨ̌h jaá cɛmá yé ó, njɨ bɨ̌n bíʼee ekǎn lé élɛ́ɛ ɨ́ jɔʼ bɨ́n dí ebɛ̂ʼ e bʉr o dí enkʉ́na ɨ́ bisâ bi dí enyɨ̂n kʉ̌l bí bá. Mbi bé dí enkʉ́na wɨ́, wé ó mpʉ̌ sá lɛ́ɛ́, bisâ byaá ó dí ɨ́ mbɨa. Bé ankʉ́na yɨ́ɛ ɨ́ lɔ̌b bísá bi dí bé ɨ́ miléme bí.

Filipi 4:4

Diʼee gá jɔʼ yɨ́yɛ̂h ɨ́ bisʉhʉʉ ɨ́ mpúhlá nyɨ́n e Tî Yésʉs. Me lɨ́ ebáʼǎ lɛ́ɛ ó, sohaa gâ.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

Filipi 4:10

Me lɨ́ ebuú soho bɨ́n ɨ́ mpǒm mé Tî Yésʉs, ebě, ɨ́ jɔʼ yɨ̂, bɨ̌n bɨ́ báʼǎ toŋlo mé ɨ́ mpʉ bɨ́n á boo tʉtoŋlo me yɨ́. Sâ gwár, bɨ̌n bé á nyɛɛ be ó, abe e nzɨ̌ dí ó, bɨ̌n lɛ̂ʼlaa me nó nyɨ́.

Filipi 3:1

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó, sohaa gá ɨ́ mpúhlá nyɨ́n e Tî Yésʉs. Yé akɔbla mé ó, me báʼa cɛmǎ sá mê nyɛɛ cɛmá bɨ́n yɨ́. Yé ntémé ó mé múo nzě sâ lɨ́ esú é nyɔm wɨ́n yɨ́.

2 Korɛnt 7:6

Tó kœb ó, Nzyɛ̌m, nye lɨ́ ekɛm bʉ̂r o dí ɨ́ twíaaa e metyɛʼ me nyʉ̂l bá. Nye á si gbâ bɨ̌h nkul ɨ́ miléme ɨ́ jɔ̌ʼ Títos á pyâl yɨ́.

Yʉanes 16:24

Nzě kumo ɨ́ báánâ, bɨ̌n bé apǎ gwâm sɔ̂ʼ, lɨ́ ejɨʼla e Sɔ́ŋ wǎm, pɨr e díé lâm. Gwámáá gâ, bɨ̌n bé óbi. Bisʉhʉʉ bín, byé díʼee ntinɨ̂ e ntinɨ̂.

Yʉanes 16:22

Jwɨʼ gwár, ɨ́ báánâ, menyʉ̂l, mɨ́ tyɛʼ bɨ́n. Nó ó, me óbáʼǎ bee bɨ́n, bɨ̌n bé ojóʼo bísʉhʉʉ. Abe e mʉr ókǎ pɛʼ bɨ́n byǎ ɨ́ miléme.

2 Korɛnt 7:4

Mpûʼla, nye ó me ɨ́ léme ɨ́ lɔ̌b wɨ́n. Bɨ̌h bé e nkul enkʉ́na ɨ́ buo buo ɨ́ lɔ̌b wɨ́n. Me mû ó lwɨ́ŋlá e nkul ɨ́ léme. Damá jóʼǒ mpʉ bɨ́h dídí ɨ́ bintɨ́ʼá tʉ́ŋlʉ̌ yɨ́, bisʉhʉʉ byâm, byé lɨ́ entaa sʉ́ŋa.

2 Korɛnt 7:14

Yê tyeetye ó, me á si nkʉ́na ɨ́ lɔ̌b wɨ́n. Sâ gwár, me á bé asɔ́ma, ɨ́ lɔ̌b bísyɛ́ɛla bín. Mpʉ bɨ́h á lwib lɨ́ otyeetye ɨ́ jɔʼ yɨ́yɛ̂h yɨ́, Títos á ka bee píe tɨ̂ʼ ó, mbi bɨ́h á be lɨ́ enkʉ́na ɨ́ lɔ̌b wɨ́n wɨ́, wé á be ntémé ó tyeetye.

Galásia 6:4

Mʉr nyɨnyɛ̂h pâhlaa syɛ́ɛ́ yé, nye mʉr tɨ̂ʼ dí eséa yɨ́. Syɛ́ɛ́ yaá, yé óbě mbɨ̂mbɨá nó, nye mɛ́ɛlaa ɨ́ lɔ̌b syɛ́ɛ́ nyé mʉr tɨ̂ʼ á pa séa yɨ́ yaá. Nyě sá amɛɛla ebe nyé dí ejwɨʼa e nyʉ́ʉ́ mʉ̂r.