Filipi 1:23 - Kálar Nzyɛ̌m : Ejwán é Sáá

²³ Me ó lʉ̂ ɨ́ nzamá páʼ ménzɨ̌ mebá maá. Ɨ́ wɨ̂ʼ pâʼ, me lɨ́ egwɨ̂m émɔa ɨ́ bʉ̂b, tó gbala kwá mé Krîst. Sâ yaá ó dí ɨ́ buú mbɨa.

Kálara Zyɛ̌m Edwán é mpʉ̌n

²³ Leme, wé ó me é mo é zaaama. É wiʼ paʼ, me egwɨm dime mih, to gbala boo Krɨst. Sa yaa ó ndɨ é bul mbɨa.

Filipi 1:23 ပူးပေါင်းရင်းမြစ်များ

2 Korɛnt 5:8

Mě lɛ́ɛ́ ó, bɨ̌h bé e mpûʼla ɨ́ buo buo ɨ́ miléme. Mɨná bé lɨ́ ebee gá embɨa ó, yé mbɨa ɨ́ jɔʼ mɨ́ná dí etwâʼ gá ɨ́ nyʉ̂l bipúno nyɨ̂, lɨ́ esú ó, mɨná tôʼ sul gá ɨ́ mpóʼo mé Tî Yésʉs.

Mɨngwiha 14:13

Me nzě jóʼo twíí lɨ́ eduho ɨ́ jʉ́o kʉ́. Nye e me ó: «Cɛmáa: “Táare ɨ́ jɔʼ yɨ̂, mʉ̂r á pa dyɛ̂ʼwo e Yésʉs nyá, sí dwe nó, lɛ́ɛ́, nye óswɨɨ métyɛʼ me mpóm.”» Sísǐm mé Nzyɛ̌m lɛ́ɛ́ ó: «Yé ó nó. Bé páa kǎ gbalǎ syɛ́ɛ́. Sá bé á sɨséa ɨ́ jɔʼ bé á títíʼe yɨ́, nyɔm tɨ̂ʼ, wé ónyɨ̂n ɨ́ gúmó bé dí edi yɨ́.»

Mɨlʉmlʉ 7:59

Jɔʼ bé á be lɨ́ elúmo nyé mekóʼ yɨ́, Étiene nyɨɛ nzě kɛn díé mé Nzyɛ̌m, lɨ́ elwǐb mbi wɨ̂: «Dâ Yésʉs, nʉaǎ sísǐm wâm!»

Lʉkas 23:43

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mûh, mɨná e go bé ódǐ diá gwár ɨ́ Paradîs!»

2 Timotɛ 4:6

Páʼ wâm, me mû ó ndwéá ngá sʉŋɔɔ̌ sí lɨ́ edweŋɔɔ̌ Nzyɛ̌m dúu e tɨ̂ʼ wɨ́. Jɔʼ étô yâm, yé mû ó ɨ́ nérénére.

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

1 Tesalonika 4:17

Nó ó, píe tɨ̂, mɨná gá, bʉr o dí ɨ́ twiʼ, baá bé á lîʼ mikublakúbla bá, mɨná bé óbére gá ɨ́ dwiné tʉ́ŋlʉ̌, tó swálɔɔ e bé gúmo gwár. Nzyɛ̌m ósyɛŋ mɨ́ná gá le onɔ́ɔ́ gʉ̂. Mɨná gá le onɔ́ɔ́ bé óbɔma e Tî Yésʉs lɨ́ ejwoo kʉ́. Mɨná gá le Tî Yésʉs, bé ódidi ó, njʉ̌m dǐ e njʉ̌m dǐ.

Yʉanes 14:3

Jɔʼ mé óbe, me mû sí tó komlo bɨ́n bidiá byaá yɨ́, me óbáʼǎ nzě nʉa bɨ́n, bɨ̌n bé otó dǐ gúmó mé ódi yɨ́.

Lʉkas 12:50

Me á nze ó, me dúŋɔɔ ndubó wâm. Lémé wâm, wé ó kʉ́ ɨ́ tyěl tî tyěl, tó pyâl ɨ́ jɔ̌ʼ ndubó waá, wé óbe, wé mû sí syɛ́ɛ yɨ́.

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

Yʉanes 13:1

Yé á be ó, nzɔɔ Páska mû kúno ebwalɔɔ. Yésʉs nyɨɛ á be ó sí boó gʉ́a ó, jɔʼ dí ó, nye káa duhǒ sí yɨ̂, bére kwá Sɔ́ŋ yɨ́, mû ó sí pyâl. Jɔʼ yɨ́yɛ̂h, nye á be ɨ́ buú kpɛl bʉ̂r bé, bé á di ɨ́ sí yɨ̂ʼ bá. Nye á kpɛl bé ó, abe le odumo.

Lʉkas 8:38

Mʉrʉ̂m Yésʉs á dwih meleme nyá, nzě jɨʼla e Yésʉs ó, bé le onɔ́ɔ́, bé káa didǐ sɔ́má. Nó ó Yésʉs á nze bwóolo nye. Nye e né ó:

1 Tesalonika 2:1

Bɨ́ɔɔ́ bâm! Okɛ́l bâm! Bɨ̌n bʉr o tɨ̂, bɨ̌n bé lɨ́ egʉ́a ó, nzéá mé á nze bee bɨ̌n wɨ́, wé á bé abě dwêh.

2 Korɛnt 6:12

Bɨ̌h bé atɛ́ɛ bɨ́n. Bɨ̌n ó dí etɛ́ɛ bɨ́h ɨ́ milémé mín.

Filipi 1:24

Ɨ́ gúú pâʼ, yé lɨ́ ebuú jɨ ó, me báʼa tiʼe mʉ́ʉ́ mélû ɨ́ sí yɨ̂ʼ ɨ́ lɔ̌b nyɔm wɨ́n.