Filipi 1:21 - Kálar Nzyɛ̌m : Ejwán é Sáá

²¹ Nó ó, ɨ́ wâm pâʼ, twiʼ yâm, yé ó Krîst. Myɛ́na mâm, mé ó eswie.

Kálara Zyɛ̌m Edwán é mpʉ̌n

²¹ No ó, é nko paʼ wam, tiʼ yam, yé ó me diʼe é zyɛŋa e Krɨst. Myɛna mam, mé ó efie.

Filipi 1:21 ပူးပေါင်းရင်းမြစ်များ

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

2 Korɛnt 5:8

Mě lɛ́ɛ́ ó, bɨ̌h bé e mpûʼla ɨ́ buo buo ɨ́ miléme. Mɨná bé lɨ́ ebee gá embɨa ó, yé mbɨa ɨ́ jɔʼ mɨ́ná dí etwâʼ gá ɨ́ nyʉ̂l bipúno nyɨ̂, lɨ́ esú ó, mɨná tôʼ sul gá ɨ́ mpóʼo mé Tî Yésʉs.

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

Filipi 1:23

Me ó lʉ̂ ɨ́ nzamá páʼ ménzɨ̌ mebá maá. Ɨ́ wɨ̂ʼ pâʼ, me lɨ́ egwɨ̂m émɔa ɨ́ bʉ̂b, tó gbala kwá mé Krîst. Sâ yaá ó dí ɨ́ buú mbɨa.

Kolosi 3:4

Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

2 Korɛnt 5:6

Sá tɨ̂ʼ ó mpûʼla dí elóno bɨ́h ɨ́ miléme ɨ́ jɔʼ yɨ́yɛ̂h yɨ́. Bɨ̌h bé lɨ́ egʉ́a gá ntémé ó, jɔʼ yɨ́yɛ̂h bɨ́h dína tʉ́ŋlʉ̌ mimbór ményʉ̂l bipúno yɨ́, yé ó jɔʼ bɨ́h e Tî Yésʉs dína e ncɛrá yɨ́.

Filipi 1:20

Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

Mɨngwiha 14:13

Me nzě jóʼo twíí lɨ́ eduho ɨ́ jʉ́o kʉ́. Nye e me ó: «Cɛmáa: “Táare ɨ́ jɔʼ yɨ̂, mʉ̂r á pa dyɛ̂ʼwo e Yésʉs nyá, sí dwe nó, lɛ́ɛ́, nye óswɨɨ métyɛʼ me mpóm.”» Sísǐm mé Nzyɛ̌m lɛ́ɛ́ ó: «Yé ó nó. Bé páa kǎ gbalǎ syɛ́ɛ́. Sá bé á sɨséa ɨ́ jɔʼ bé á títíʼe yɨ́, nyɔm tɨ̂ʼ, wé ónyɨ̂n ɨ́ gúmó bé dí edi yɨ́.»

Galásia 6:14

Yé sá abá kúnwo ɨ́ páʼ wâm ó, me nkʉ́naa ɨ́ sâ swîh. Me nkʉ́naa ɨ́ sɔ̂ʼ njɨ mbi éswie Tî gá wɨ́ná, Yésʉs-Krîst á dwe ɨ́ kolôs kʉ́ wɨ́. Eswie lé laá, lé ó b'á sâ ó, bisá bí sí yɨ̂, byé ayɨ́ kǎ be mé e nyɔm. Lɨ́ sâ ntémé ó, bʉr ó sí yɨ̂, bé ayɨ́ kǎ nʉa mé, gbâ ɨ́ nkɔb.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Filipi 2:21

Ebě, bʉ́ʉ́ bʉ̂r bɨ́ɛ sáá ó, njɨ minyɔm myɔ́ɔ́. Bé ójóʼǒ sá dí edumo e Yésʉs-Krîst yɨ́ nó, bé anʉa yé, gbâ ɨ́ nkɔb.

1 Korɛnt 3:22

Damá bě Pɔ̂l, Ápolos, Kefâs, sí, twiʼ, eswie, jɔʼ yɨ̂, bijɔʼ bi dí enze bí, tótôʼ: sá yɨ́yɛ̂h, yé ó yaá yɨ́n.

Filipi 1:22

Mé ótô le etiʼe mʉ́ʉ́ mélû ɨ́ nkǒ páʼ nyʉ̂l bipúno nó, me óbee émbɨa tɨ̂ʼ lɨ́ eséa bísyɛ́ɛ́ bíswîh ɨ́ melû me dí enze má. Sá tɨ̂ʼ ó mé dí apǎ gʉ́ǎ sá mé ópɛ̂h yɨ́.