Filipi 1:16 - Kálar Nzyɛ̌m : Ejwán é Sáá

¹⁶ Bé sá nó ó, ɨ́ lɔ̌b kpɛ̌l bé dí ekpɛl mé yɨ́, lɨ́ egʉ́a ó, Nzyɛ̌m á dil me wâʼ ó, me nkʉ̂ kamle e Mbɨambɨa Lɔ́ɔ.

Kálara Zyɛ̌m Edwán é mpʉ̌n

¹⁶ Bé esa no é lɔb kpɛl bé le ekpɛl me e, bɛɛ lé egʉa ó, Zyɛm a dil me wâʼ é mbʉʼ ó, me nkʉʼ kamle e Mbɨambɨa Lɔɔ.

Filipi 1:16 ပူးပေါင်းရင်းမြစ်များ

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Filipi 1:12

Nó ó, bɨ́ɔɔ́ bâm, mě gwɨ́m ó, bɨ̌n gʉ́ŋaa ó, sá yé á pyâl me yɨ́, yé ó b'á tíne Mbɨambɨa Lɔ́ɔ ó, wé báʼa myaŋla.

Filipi 1:10

Sá tɨ̂ʼ ó bɨ́n ngá gʉ́a épɛ̂h bísâ bi dí ɨ́ buú mbɨa bí yɨ́. Ɨ́ jɔʼ Krîst óbáʼǎ nze yɨ́, nye ókœb ó, bɨ̌n mû ó e miléme ɨ́ sɔ́ɔ́ɔ́, abe e mebě.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

1 Korɛnt 9:17

Yé bé mɛm mʉr tɨ̂ʼ ó b'á gbáa ó, mě séá ó mbǐ syɛ́ɛ́ wɨ̂ʼ nó, lɛ́ɛ́, yé ó syɛ́ɛ́ mé á gwa bóno myɛ́na, duho tɨ̂ʼ yɨ́. Mpʉ yé ká be ó, me á lómɔɔ ó lómáa, agbân gbánáa syɛ́ɛ́ yaá yɨ́, mě kʉ́ séa yé ó, lɨ́ esú lé élóŋlǒ lʉ́mlʉ́ waá.

Filipi 1:5

Ebě, mpʉ bɨ́n á syɛŋa mebô e me yɨ́, yé á be ɨ́ mbɨa. Bɨ̌n bé á si bâʼra e me lɨ́ etúnǒ Mbɨambɨa Lɔ́ɔ, táare ɨ́ dʉ́ó lé ésôʼ, kumo mûh.

Filipi 2:22

Bɨ̌n bʉr o tɨ̂, bé lɨ́ egʉ́ǎ mbɨambɨa kʉ̌ tyěn Timotɛ̂ á dû wɨ́ le mpʉ nyé dí me mpʉ mwân yɨ́, ebě, nyɨ́ dûhwǒ syɛ́ɛ́ bɨ́h e né dí eséa lɨ́ etúnǒ Mbɨambɨa Lɔ́ɔ yɨ́.

Filipi 4:3

Me lɨ́ ejɨʼla ntémé e go, mpǎŋ mɨ́ɔɔ́ wǎm, ó go tôʼ komlo bʉ́bá ónɨ̌, ó bé díʼee twíí, ebě, bé ó bʉr o bɨ́h le onɔ́ɔ́ bé á sia e túú lɨ́ etúnǒ Mbɨambɨa Lɔ́ɔ bá. Bé e Klemâŋ ti e bʉ́ʉ́ bʉ̂r, bé á si séa ntémé nó. Míé mɔ́ɔ́, mé ó micɛmá ɨ́ mekaná mé twiʼ tʉ́ŋlʉ̌.

Filipi 4:15

Bɨ̌n bʉr ó Fílipi, bɨ̌n bʉr o tɨ̂, bɨ̌n bé lɨ́ egʉ́a ɨ́ jɔʼ mé á duhǒ sí Masedónia, lɨ́ etáare étó túnǒ Mbɨambɨa Lɔ́ɔ yɨ́, bɨ̌n ó b'á be Mbɛ̌r-Nzyɛ̌m ngwár wé á susúʼo me wɨ́. Bɨ̌n omér ó b'á soho ɨ́ jɔʼ mé á bee embɨa yɨ́, nkʉ̂ súʼo mê ɨ́ jɔʼ mé á bɔma le ebébe yɨ́.