Filipi 1:10 - Kálar Nzyɛ̌m : Ejwán é Sáá

¹⁰ Sá tɨ̂ʼ ó bɨ́n ngá gʉ́a épɛ̂h bísâ bi dí ɨ́ buú mbɨa bí yɨ́. Ɨ́ jɔʼ Krîst óbáʼǎ nze yɨ́, nye ókœb ó, bɨ̌n mû ó e miléme ɨ́ sɔ́ɔ́ɔ́, abe e mebě.

Kálara Zyɛ̌m Edwán é mpʉ̌n

¹⁰ Ebe no ó bɨn bé óbe e nkul edweʼe sa ndɨ é bul jɨŋɔ ɛ. É dobo Krɨst óbula ze e, nye ókœb ó, bɨn mu ó bʉr o b'ocyecye, abe e mobe.

Filipi 1:10 ပူးပေါင်းရင်းမြစ်များ

Rôm 12:2

Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

1 Tesalonika 3:13

Nye gbâʼ bɨ̌n nkul ɨ́ miléme ó, myé díʼee bɨ̌n ɨ́ sɔ́ɔ́ɔ́, abe e mebě ɨ́ mpǒm mé mʉr dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá. Diʼee gá nó, tó kumo ɨ́ jɔʼ Tî gá wɨ́ná Yésʉs óbáʼǎ nze yɨ́. Nye ónze ó, bé e bʉr bɨ́bɛ̂h dí egúmo e né bá.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

Rôm 2:18

Guá lɨ́lɛ́ɛ́ ó mpʉ métié maá, mé á bu tɨ́e go yɨ́, go mû ó lɨ́ ekʉ́ gʉ́ǎ sá Nzyɛ̌m dí egwɨ̂m ó, go sâʼ yɨ́. Yé lɨ́ edwe gó nzɨ̌ epɛ̂h sá yɨ́yɛ̂h dí ɨ́ mbɨa yɨ́.

Éfɛsɔs 5:10

Gʉ́ŋáá gá sá Tî Yésʉs dí ebeě mbɨ̂mbɨá yɨ́.

1 Yʉanes 4:1

Bʉr ó kpɛ̌l bâm, ayɨ́ bûʼla gá kám e kám mʉr nyɨnyɛ̂h bɨ́n jóʼó lɨ́ edwe bʉ̂r milɛ́ʼlá nyá. Tááráá ébóblo gá bʉr baá, bɨ̌n nkʉ̂ gʉ́a, nkʉ̂ misísǐm bé dí e myé mí, myé lɨ́ eduho kwá mé Nzyɛ̌m, ebě, ogwíha o mílɔ̌b o bíbɛr, bé mû ó sí buo ɨ́ sí yɨ́yɛ̂h.

Filipi 1:6

Me lɨ́ ekʉ́ gʉ́ǎ sá yɨ̂: ó Nzyɛ̌m, nyɨ́ táare édwir mílémé mín mbɨ̂mbɨá. Me lɨ́ egʉ́a ntémé ó, nye ótô le esâ nó, tó pyâl ɨ́ jɔʼ nyé ósîl ékomlo bɨ́n ɨ́ dʉ́ó Yésʉs-Krîst óbáʼǎ nze yɨ́.

1 Tesalonika 5:21

Timlaa gá bisá bíbyɛ̂h. Sá dí ɨ́ mbɨa yɨ́, mɛ́rɨ́ɨ́ gá yé ɨ́ kpɨ́ɨ́ɨ́.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

Mɨngwiha 2:2

“Me lɨ́ egʉ́ǎ lelelelě syɛ́ɛ́ bɨ́n dí eséa yɨ́, ndu e mbi bɨ́n dí edûhwo mítúú wɨ́. Me lɨ́ egʉ́a ntémé ó, bɨ̌n bé adûhwo ósyɛ̂l bé ébébe. Bɨ̌n bɨ́ pahle bʉ̂r o dí elɛ́ɛ ó, bé ó bʉr o mílʉ́mlʉ́ mé Yésʉs bá, bɨ́ɛ yɨ́ɛ abe bê. Bɨ̌n bɨ́ kʉ́ bee ó, bé ó baányâ-bibɛr.

Éfɛsɔs 5:27

Ebě, nye á kpɛl ó, nye tyélɨɨ wé ɨ́ míh mé ɨ́ nkɛ́lɛm: abe le ebar, nkʉ̂ milur, nkʉ̂ yʉ́ʉ́ sɔ̂ʼ dí ɨ́ bébe yɨ́. Wé ójaá gúmo ó, njɨ e né, abe e sá ébébe nyé ónwâhle wé e tɨ̂.

Yʉanes 1:47

Jɔ̌ʼ Yésʉs á bee Natanaɛ̂l lɨ́ enzě nko nyé á be yɨ́, nye ó: «Beyɨɨ gá nyɛ̂r Ɨ́zraɛ̂l ɨ́! Nyé abe e mikóo.»

Mataos 16:23

Yésʉs nzě dwira, le elɛ́ɛ e Pétrus ó: «Sátan, duhaa mé ɨ́ mîh. Go ó ebɔ̌ʼ e dí e nkul ebɨma mé ɨ́ léme lɨ́. Mipahlá myô, myé abe myaá mé Nzyɛ̌m, njɨ myaá mi bʉ̂r.»

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

Rôm 12:9

Kpɛ̌l, yé díʼee abe e mikóo. Nwimɨɨ gá sá yɨ́yɛ̂h dí ɨ́ bébe yɨ́. Kpɛlɨɨ gá sɔ̂ʼ njɨ yaá dí ɨ́ mbɨa yɨ́.

Rôm 8:7

Baá mílémé myɔ́ɔ́ dí edû njɨ njwɨr myâ bá, bé lɨ́ elwímla e Nzyɛ̌m, asâ métié mé mejóʼo. Milémé myɔ́ɔ́ abá be e nkul esâ métié maá mejóʼo.

Mataos 26:33

Pétrus, nye e né ó: «Damá jóʼǒ lɔ̌b gô, wé óbɨma bʉ̂r bɨ́bɛ̂h ɨ́ miléme le esâ ó, bé sâʼ ebébe, mɛm, me ákóʼó bɨm ébɔ̌ʼ.»

Filipi 1:16

Bé sá nó ó, ɨ́ lɔ̌b kpɛ̌l bé dí ekpɛl mé yɨ́, lɨ́ egʉ́a ó, Nzyɛ̌m á dil me wâʼ ó, me nkʉ̂ kamle e Mbɨambɨa Lɔ́ɔ.

Éfɛsɔs 6:24

Nzyɛ̌m sʉ́ʼoo bʉr bɨ́bɛ̂h o dí ekpɛl Tî gá wɨ́ná Yésʉs-Krîst, kpɛ̌l ápurapúra bá metyɛʼ me mpóm.

Éfɛsɔs 4:15

Tó kœb ó, mɨ́ná lɛ́ɛ́ gá otyeetye tʉ́ŋlʉ̌ kpɛ̌l nó, mɨná bé ógwɨ́e le ebwaʼ gâ, tótôʼ, tó pyâl ɨ́ jɔʼ mɨ́ná ngá di gá mbɨmá ɨ́ Krîst tʉ́ŋlʉ̌, mʉr pá dǐ lʉ̂ gá wɨ́ná nyá.

Galásia 5:11

Bɨ́ɔɔ́ bâm! Okɛ́l bâm! Yé bé me lɨ́ etô le etíne bʉ̂r dóló ó, bé tíʼɔɔ mpʉ́n nó, lɛ́ɛ́, bé abe lɨ́ ekǎ tíble mê. Waá dí etíne bʉ̂r ó, bé tíʼɔɔ mpʉ́n nyá, nyě sáá ó, nye dwíhɨɨ ebɔ̌ʼ Nzyɛ̌m á gbâ ɨ́ nzɨ̌ lɨ́. Ebɔ̌ʼ laá, lé ó mbi éswiě Krîst á dwe ɨ́ kolôs kʉ́ lɨ́.

2 Korɛnt 8:8

Sá mé múo nzě lɛ́ɛ bɨ́n nɨ̌, yé abe bɨ́n bi ó, bɨ̌n sâʼ yê. Mě jaá kpɛl ó, njɨ elɛ̂ʼlě mpʉ̌ kpɛ̌l yɨ́n dí yaá mpâ yɨ́. Mě jwɨʼ yé ó e yaá bʉ́ʉ́ bʉ̂r, bé á be ɨ́ báná báná ó, bé lɛ̂ʼlaa Nzyɛ̌m yɨ́.

2 Korɛnt 6:3

Bɨ̌h bé agbâ mébɔ̌ʼ ɨ́ nzɨ̌, lɨ́ ebene ó, mʉr ámû jaá twe. Nó ntémé ó bɨ́h ngá séǎ syɛ́ɛ́, mʉr adwe bɨ́h mebě tɨ̂ʼ yɨ́.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

1 Korɛnt 10:32

Tiʼaa gá, mbi dí ó, bɨ̌n bé ákǎ sâ syɛ́ɛla ngá be ébɔ̌ʼ lé óbɨma óYúden le bʉr o bíkûl biswîh, nkʉ̂ ntɔ̂ʼ bʉr ó Mbɛ̌r-Nzyɛ̌m lɨ́!

1 Korɛnt 8:13

Yé bé mede mâm, mé ó ebɔ̌ʼ e dí e nkul ebɨma mɨ́ɔɔ́ wǎm ɨ́ léme lɨ́ nó, me ónzoó kam ó, me díʼee akǎ de tír. Me ámû jaá sâ ó, mɨ́ɔɔ́ wǎm bɨ́mɨɨ ebɔ̌ʼ ɨ́ léme, twe.

Rôm 16:17

Nó ó, bɨ́ɔɔ́ bâm, me lɨ́ ejɨʼla e bɨ̌n ó, bɨ̌n e báʼ bʉ̂r o dí egbâ nzyɛ́ɛ́lá mecwíí páʼ bʉr e bʉr, le baá dí egbâ mebɔ̌ʼ ɨ́ nzɨ̌ me bʉ́ʉ́ bʉ̂r bá. Bé lɨ́ esâ nó ó, bé nkʉ̂ kamle e milɛ́ʼlá bɨ́n á dweŋɔɔ mí. Diʼee gá ncɛrá e bê.

Rôm 7:22

Lémé wâm wɨ́wɛ̂h, me lɨ́ ekʉ́ jóʼo bísʉhʉ lɨ́ epɨpahle métié mé Nzyɛ̌m.

Rôm 7:16

Mé sá bísyɛ́ɛla mé dí akpɛl ésâ bí nó, nó yé lɛ́ɛ́ ó, mɨ́ kam ó, metié, mé ɨ́ mbɨa.

Mɨlʉmlʉ 24:16

Sá tɨ̂ʼ ó mé dí egbâ nkûl lɨ́ etiʼe ɨ́ míh mé Nzyɛ̌m le maá me bʉ̂r, e mipahlá mí léme mi dí ɨ́ pyɛɛɛ mí yɨ́.

Yʉanes 3:20

Mʉr nyɨnyɛ̂h dí esâ syóm nyá, nye lɨ́ ekpɛ́ɛ̌ njʉl. Nyé abe lɨ́ enze ɨ́ gúmó wé dí yɨ́, ebě, nyě kpɛ́ɛ́ ó, misyóm myé, myé ámû jaá gwíhǎ kʉ̌l.

Filipi 2:16

Bɨ̌n bé ólɛ̂ʼle bé milɔ̌b mí twiʼ. Nó ó mé óbe e sá énkʉ́na tɨ̂ʼ ɨ́ móhó Krîst óbáʼǎ nze wɨ́. Me ógʉ́a ɨ́ jɔʼ yaá ó, lelelelě syɛ́ɛ́ mé á séa yɨ́, yé á bé adwě ntuʼ.