Éfɛsɔs 6:9 - Kálar Nzyɛ̌m : Ejwán é Sáá

⁹ Bɨ̌n ojwɨ́ɨ, sáʼ gá bitúʼǎ bín bisyɛ́ɛla bimpwár bínɨ̌. Akǎ bɛ̂ŋ gá byê. Bɨ̌n bé ɨ́ jala le egʉ́a gá ó, njwɨ́ɨ wɨ́n le onɔ́ɔ́, bɨ̌n óbɛ̂h, nye ɨ́ jʉ́o kʉ́. Nye ádwááwó bʉ̂r mempǒm.

Kálara Zyɛ̌m Edwán é mpʉ̌n

⁹ Bɨn ojwɨʼa o molʉa ɛɛ! Saʼ ga molʉa mɨn bɨsyɛɛla bɨmpwar bɨnɨ. Daʼ bɛŋ ga be. Bɨn bé ejala le egʉa ó, Da Yesʉs, mʉr mu lé edi é jobo kʉ ɨ, nye ó ndɨ Tî win boo molʉa mɨn, bɨn bɨbɛh. Nye adwaabe bʉr é lɔb mompom mɔɔ.

Éfɛsɔs 6:9 ပူးပေါင်းရင်းမြစ်များ

Kolosi 3:25

Syɛ̂l ebébe nyɨɛ óbǐ sá dí ejala le ebébe lé yɨ́, ebě, Nzyɛ̌m, nyé abe lɨ́ edwáawo bʉ̂r mempǒm.

Mɨlʉmlʉ 10:34

Nó ó Pétrus á nze nʉa lwǐb. Nye ó: «Mɨ́ kʉ́ gʉ́ǎ tyeetye ɨ́ báánâʼ ó, Nzyɛ̌m, nye ágbá mbɔ́ʼ páʼ bʉ̂r e bʉr.

Rôm 2:11

Ebě, Nzyɛ̌m, nyé abe lɨ́ edwáawo bʉ̂r mempǒm.

Lʉkas 6:31

Mpʉ bɨ́n dí egwɨ̂m ó, bʉr sâʼ bɨ̌n yɨ́, sáʼ gá ntémé bé nó.

Mataos 7:12

«Mbi bɨ́n dí ekpɛl ó bʉr sâʼ bɨ̌n wɨ́, sáʼ gá bé ntémé nó. Nó ó dí cɛmá ɨ́ mekaná métié, le maá ógwíha o mílɔ̌b mé Nzyɛ̌m yɨ́.»

Jacques 2:13

Mʉ̂r bé ajɨ̂ʼ bʉ́ʉ́ bʉ̂r nkoó nó, ɨ́ jɔ̌ʼ Nzyɛ̌m ólwǐb lɔ̌b wé yɨ́, nye ájɨ̂ʼ nyé ntémé nkoó. Sâ gwár, mʉr dí ejɨ̂ʼ bʉ̂r nkoó nyá, nye ábáawǒ sɔ̂ʼ ɨ́ jɔ̌ʼ móhó élab, wé ópyâl yɨ́.

Jacques 2:8

Yé kʉ́ jala ó bɨ̌n dúʼoo etié me Njwɨ́ɨ gá wɨ́ná. Lé lɨ́ elɛ́ɛ ó: «Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.»

1 Korɛnt 1:2

Yésʉs-Krîst á si pubo bɨ̌n. Nzyɛ̌m á jébe bɨ̌n ó, bɨ̌n díʼee bʉr o dí egúmo e né bá, bɨ̌n e bʉr bɨ́bɛ̂h o dí ekɛn díé mé Tî gá wɨ́ná, Yésʉs-Krîst bigúmo bigúmo bá. Nye ó njwɨ́ɨ gá wɨ́ná le onɔ́ɔ́.

Yʉanes 13:13

Bɨ̌n jɨ́jébé mé ó: “Lɛ̂ʼla”, nkʉ̂ ntɔ̂ʼ “Tî Yésʉs”. Bɨ̌n bé lɨ́ ekʉ́ gwá jébe, ebě, me ó dí kwahaá nye.

Jacques 5:4

Bɨ̌n bé á bé ajána e bilóbila byé á lilî bipemé bín bí. Jóʼláá gá bipurá byɔ́ɔ́. Dâ Nzyɛ̌m, dí Njwɨ́ɨ bisɔ́má bí mɔ̂m nyá, nyɨ́ jóʼo bítím bí ókpɛma bô.

1 Korɛnt 7:22

Ebě, Tî Yésʉs sí jébě túʼǎ nó, go ó, yé mû ó nzyɛh ɨ́ Yésʉs tʉ́ŋlʉ̌. Mʉr á nyɛɛ bɨbe nzyɛh, waá Krîst á jébe nyá, mû ó túʼǎ mé Krîst píe njɨ́blɨ́ waá.

Mataos 24:51

Nye ódwe syɛ̂l mesâ waá bintɨ́ʼá jwɨʼ gwár e gwár e mpʉ nyé dí edwe báányâ-mikóo byǎ yɨ́: kpáa nyé mimyál mímbá. Gúmo yaá ó bé ngá jóno le epûʼlo médye yɨ́.»

Mataos 24:48

Yé ká be ó, nye ó bɨ́bla syɛ̂l mesâ nɛ́ɛ: nye ójwɨʼ ɨ́ lémé wé tʉ́ŋlʉ̌ ó: “Sɔ́ŋ wǎm, nye ó mpʉ̌ sá lɛ́ɛ́, nye álɨ̌ búla.”

Mataos 22:10

Osyɛ̂l o mésá bé ntɔ̂ʼ tô ɨ́ menzɨ̌ mɨ́mɛ̂h, tô le egôhlɔɔ bʉ̂r o bé á bʉbɔma e bé bá, le bibɨ́bla bi bʉ̂r le otîtyěl o bʉ̂r. Mbɛ̌r nzɔ́ɔ ebâ nzě lóno lɨ́ ojwóo ɨ́ lúrúdú.

Mataos 22:8

Píe tɨ̂, nye nzě lɛ́ɛ le osyɛ̂l o mésá bé ó: “Nzɔɔ ebâ nyɨɛ, nye mû ó kʉmsá. Nó bʉr o mé á báŋle bá, bé ajala le edi tɨ̂.

Kolosi 4:1

Bɨ̌n ojwɨ́ɨ, sɨ́sáʼ gá bitúʼǎ bín bisyɛ́ɛla bi dí tîtyěl, byaá bi dí ejala bí. Ajɨha gá ó, bɨ̌n ntémé, bé e wɨ́n njwɨ́ɨ, waá dí ɨ́ jʉ́o kʉ́ nyá!