Éfɛsɔs 6:8 - Kálar Nzyɛ̌m : Ejwán é Sáá

⁸ Gʉ́ŋáá gá ó, mʉ̂r séá mpǎŋ syɛ́ɛ́ nó, Tî Yésʉs ódwe nyé myɛ́na tɨ̂, nyě damá bě túʼǎ, nkʉ̂ mʉr dí nzyɛh nyá.

Kálara Zyɛ̌m Edwán é mpʉ̌n

⁸ Gʉŋa ga ó, ǃɨ mʉr si sa syɛɛla ncwɨncwɨa nɛʼɛ, Da Yesʉs ódwe nye myɛna tɨ, nye dam be elʉa, nkʉ mʉr ndɨ é dia otî ɨ.

Éfɛsɔs 6:8 ပူးပေါင်းရင်းမြစ်များ

Kolosi 3:24

Gʉ́ŋáá gá ó, Tî Yésʉs ókʉ́ jána e bɨ̌n tɨ̂. Bɨ̌n bé óbi mémbɨa nyé dí ekomo bʉ̂r bé má. Mé óbe ó nkɔb líʼe nyɨ́n. Mpǎŋ njwɨ́ɨ bɨ́n dí eséa e né nyá ó dí Krîst.

Lʉkas 14:14

Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»

Kolosi 3:11

Ɨ́ twiʼ dwân yaá, adû gá bwá mímbɔ́ʼ bâ: Nyâʼ, nye ó Yúden; nyâʼ nyɨɛ, mʉr Grɛ̂s. Nyâʼ, nye ó tíʼá mpʉ́n; nyâʼ nyɨɛ, nyé abě tíʼá mpʉ́n. Nyâʼ, nye ó ayogoyogo. Nyâʼ, nye ó mʉr dí edweŋɔɔ nzóʼ nyá. Nyâʼ, nye ó túʼǎ; nyâʼ nyɨɛ, nye ó nzyɛh. Ebě, Krîst ó dí lʉ̂ sá yɨ́yɛ̂h. Sá yɨ́yɛ̂h, yé dyɛ́ʼwó ó e né.

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mataos 6:4

ebě, edwɛ́na lô, lé ɨ́ jala le esyɛ́ɛ ó ɨ́ mesǒ. Sɔ́ŋ gǒ dí ebeě sá yɨ́yɛ̂h dí solá yɨ́ nyá, ódwe gó mpǎŋ myɛ́na tɨ̂.»

Ebrœ̂ 10:35

Mʉ̌r sá amyǎh búʼó dí elɛ́ɛ nyé ó, nye óbɛ̌m sîhle kwá mé Nzyɛ̌m yɨ́. Búʼó yaá, yé óbe nyé ó e myɛ́na ménɨ́nɨ́ɨ́.

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

Mataos 6:1

«Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»

Lʉkas 6:35

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

1 Korɛnt 12:13

Mɨná gá óbɛ̂h, oYúden, nkʉ̂ bʉr o bíkûl biswîh; bitúʼǎ, nkʉ̂ onzyɛh o bʉ̂r, mɨná bé á si duŋɔɔ, ntɔ̂ʼ kǎ di nyʉ̂l mpwár e nzɨ̌ Sísǐm ngwár. Sísǐm ngwár ó b'á nze di ɨ́ milémé gá míná.

Kolosi 3:25

Syɛ̂l ebébe nyɨɛ óbǐ sá dí ejala le ebébe lé yɨ́, ebě, Nzyɛ̌m, nyé abe lɨ́ edwáawo bʉ̂r mempǒm.

Mataos 20:7

Bê nzě yala e né ó: “Ebě, mʉr bé ajébe bɨ́h bɨɛ ó, bɨ̌h tô séa nyé syɛ́ɛ́.” Nye e bé ó: “Bɨ̌n nyɨɛ ntémé, laŋaa gâ. Tó séa gá ɨ́ pemé yâm.”