Éfɛsɔs 6:6 - Kálar Nzyɛ̌m : Ejwán é Sáá

⁶ Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.

Kálara Zyɛ̌m Edwán é mpʉ̌n

⁶ Mʉr asea syɛɛ njɨ é jɔʼ bé lé epala nye e. Mʉr beʼ l'asea é l'efu e moseʼla mo bʉr. Mpʉ bɨn mu osyɛl o mosa mo Krɨst ɨ, sea ga e be syɛɛ, lé eloŋlo gwɨma mo Zyɛm, e mɨleme min mimyɛh.

Éfɛsɔs 6:6 ပူးပေါင်းရင်းမြစ်များ

1 Tesalonika 2:4

Yé á be ó mpʉ̌ Nzyɛ̌m dí ekpɛl yɨ́. Nye ó b'á nyɛɛ bóblo bɨ̌h, ntɔ̂ʼ kǎ gʉ́a ɨ́ pébébé ó, bɨ̌h bé ó bʉr o jálá le egwá baʼlě Mbɨambɨa Lɔ́ɔ́ wé bá. Sá tɨ̂ʼ ó bɨ́h dí etúno wé mpʉ nyɨ́ɛ ógwá kpɛl yɨ́. Bɨ̌h bé asáa élwib ɨ́ mbi bʉ̂r dí ekpɛl mí. Bɨ̌h túnó wé ó, lɨ́ edû gwɨ́má mé Nzyɛ̌m, nyɨɛ mʉr dí epahle bíjwɨʼ mílémé gá míná nyá.

Galásia 1:10

Nó ó, báánâ, nzê nó yé lɛ́ʼlé ó, nkam bʉr ó mé dí esáa ɛ̌? Nkʉ̂ ó, nyaá mé Nzyɛ̌m ɨ́? Mě cɛmá nó ó, lɨ́ esáa nkâm mé Nzyɛ̌m. Nzê me mû sáa ó, me sâʼ mpʉ bʉ̂r dí egwɨ̂m yɨ́ ɛ́? Yé bé mě dú ó, bigwɨ́má bí bʉ̂r nó, lɛ́ɛ́, mé akǎ be syɛ̂l mesâ mé Krîst.

Éfɛsɔs 5:17

Mʉ̌r sá agʉʼla. Sáŋáá gá ó, bɨ̌n jɨ́ʼɨɨ bisyɛ́ɛla Tî Yésʉs á tíʼe ɨ́ lémé wé ó, bɨ̌n sâʼ bí.

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

Filipi 2:12

Nó, osó bâm ɛ̌, bɨ̌n bé á be ó sí sâ Nzyɛ̌m mejóʼo ɨ́ jɔʼ mɨ́ná bé á be gá gúmo gwár yɨ́. Nó ɨ́ báánâ, ɨ́ mpʉ mé dí akǎ be kwá nyɨ́n yɨ́, bɨ̌n bé ɨ́ jala le etô dóló le esâ nó. Nzyɛ̌m, nyɨ́ tiʼ bɨ́n. Nó, séáá gá e bʉ́á le osâʼsâʼ lɨ́ esú ó, bɨ̌n dúʼoo kʉ̌ tyen waá.

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Ebrœ̂ 10:36

Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

Kolosi 1:9

Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

Mataos 7:21

«Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

1 Yʉanes 2:17

Sí yɨ̂, le bisá bíbyɛ̂h bʉ̂r dí egwɨ̂m tɨ̂ʼ bí, byé lɨlaa ó laŋáa. Nó ó, mʉr dí esâ sá Nzyɛ̌m á tɨ́e yɨ́ nyá, nyě tíʼé ó, njʉ̌m dǐ e njʉ̌m dǐ.

Rôm 6:17

Mɨná dwêʼ gá Nzyɛ̌m nzyǒo. Bɨ̌n bʉr o b'á nyɛɛ be bitúʼǎ bí syóm bá, bɨ̌n mû ɨ́ báánâʼ ó, sí sâ méjóʼo e milémé mín mímyɛ̂h, lɨ́ edû mbi mílɛ́ʼlá mû lɨ́ ebaʼle bɨ́n mí.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

1 Pyɛr 2:15

Sá Nzyɛ̌m dí egwɨ̂m ɨ́ wɨ́n pâʼ yɨ́, yé ó: bɨ̌n sâʼ bisyɛ́ɛla bimpâ, bɨ̌n díblaa bigʉʼlʉgʉ́ minum, byé l'akǎ lwǐb sá dí asiŋa ɨ́ lɔ̌b wɨ́n yɨ́.

1 Tesalonika 4:3

Ebě, sá Nzyɛ̌m dí ekpɛl yɨ́, yé ó, bɨ̌n díʼee bʉr o dí egúmo e né bá. Ebe nó, syɛ́hláá gá esâ bímolá.

Markus 3:35

Mʉr nyɨnyɛ̂h dí esâ sá Nzyɛ̌m dí ekpɛl yɨ́ nyá ó dí wǎm mɨ́ɔɔ́, wǎm kɛ́l ndu e wǎm nyɔ́ŋ.»

1 Korɛnt 7:22

Ebě, Tî Yésʉs sí jébě túʼǎ nó, go ó, yé mû ó nzyɛh ɨ́ Yésʉs tʉ́ŋlʉ̌. Mʉr á nyɛɛ bɨbe nzyɛh, waá Krîst á jébe nyá, mû ó túʼǎ mé Krîst píe njɨ́blɨ́ waá.