Éfɛsɔs 6:24 - Kálar Nzyɛ̌m : Ejwán é Sáá

²⁴ Nzyɛ̌m sʉ́ʼoo bʉr bɨ́bɛ̂h o dí ekpɛl Tî gá wɨ́ná Yésʉs-Krîst, kpɛ̌l ápurapúra bá metyɛʼ me mpóm.

Kálara Zyɛ̌m Edwán é mpʉ̌n

²⁴ Mocyɛʼ mo mpom mo Zyɛm, mé swɨŋɨ é mʉr nyiwɛh lé ekpɛl Tî ga wina Yesʉs-Krɨst kpɛl apurapura ɛ.

Éfɛsɔs 6:24 ပူးပေါင်းရင်းမြစ်များ

Mataos 22:37

Yésʉs nzě yala e né ó: «Etié e dí elaa mʉ́ʉ́ ɨ́ medile lɨ́, lé ó: “Kpɛlɨɨ̌ Dâ, dí Nzyɛ̌m gǒ nyá, le lémé gô wɨ́wɛ̂h, le sísǐm gô wɨ́wɛ̂h le pɨʼ nyǒ nyɨnyɛ̂h!”

2 Korɛnt 8:12

Ebě, bɨ́n dwé mʉ̂r yʉ́ʉ́ sɔ̂ʼ e bisʉhʉʉ nó, Nzyɛ̌m ókǎm ndwéá waá, jwɨʼ e mebi bɨ́n dí e tɨ̂ʼ má. Nye ájwɨʼ wé e sá bɨ́n dí abe e yé yɨ́.

Títos 3:15

Sɔ́má yâm yɨ́yɛ̂h, yé lɨ́ esoho gô. Sohaa ósó gá bɨ́ná, baá o dí ɨ́ buú kpɛl bɨ́h ɨ́ mpúhlá gá nyɨ́ná bá. Nzyɛ̌m sʉ́ʼoo bɨ̌n óbɛ̂h metyɛʼ me mpóm mé.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

2 Timotɛ 4:22

Tî Yésʉs díʼee e go ɨ́ sísǐm. Nzyɛ̌m sʉ́ʼoo bɨ̌n metyɛʼ me mpóm.

2 Korɛnt 13:14

Ncwɨ́ncwɨ́a mé Tî Yésʉs-Krîst, le kpɛ̌l mé Nzyɛ̌m Sɔ́ŋ ti e mpúhlá mé Sísǐm mé Nzyɛ̌m, byé díʼee e bɨ̌n óbɛ̂h.

2 Korɛnt 8:8

Sá mé múo nzě lɛ́ɛ bɨ́n nɨ̌, yé abe bɨ́n bi ó, bɨ̌n sâʼ yê. Mě jaá kpɛl ó, njɨ elɛ̂ʼlě mpʉ̌ kpɛ̌l yɨ́n dí yaá mpâ yɨ́. Mě jwɨʼ yé ó e yaá bʉ́ʉ́ bʉ̂r, bé á be ɨ́ báná báná ó, bé lɛ̂ʼlaa Nzyɛ̌m yɨ́.

Mataos 28:20

Bɨ̌n a lɛ́ʼlé bê, ó bé bâʼlaa bisá bíbyɛ̂h mé á boo lɛ́ɛ bɨ̌n bí. Gʉ́ŋáá gá ó: me ódi e bɨ̌n melú mɨ́mɛ̂h, tó pyâl pyáláa ɨ́ jɔʼ mpóʼo sí yɨ̂ʼ ósíe yɨ́.»

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Ebrœ̂ 13:25

Nzyɛ̌m sʉ́ʼoo bɨ̌n óbɛ̂h metyɛʼ me mpóm.

Kolosi 4:18

Mě kʉ́ cɛma ékǎn lɨ̂ʼ ó e mbó wâm: Ajɨha gá ó, me ó ɨ́ mbʉʼ. Metyɛʼ me mpóm mé Nzyɛ̌m, mé díʼee e bɨ̌n.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Éfɛsɔs 6:23

Nzyɛ̌m Sɔ́ŋ, bé e Tî Yésʉs-Krîst, bé gbâʼ bɨ̌n, bɨ́ɔɔ́ bɨ́h, mepyɛbla ɨ́ miléme, ti e kpɛ̌l ndu e búʼó.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.