Éfɛsɔs 6:23 - Kálar Nzyɛ̌m : Ejwán é Sáá

²³ Nzyɛ̌m Sɔ́ŋ, bé e Tî Yésʉs-Krîst, bé gbâʼ bɨ̌n, bɨ́ɔɔ́ bɨ́h, mepyɛbla ɨ́ miléme, ti e kpɛ̌l ndu e búʼó.

Kálara Zyɛ̌m Edwán é mpʉ̌n

²³ Zyɛm Sɔŋ bé e Da Yesʉs-Krɨst, bé gbaʼ bɨn, obuʼla, motala é mɨleme ndwe e kpɛl, kumo e buʼo.

Éfɛsɔs 6:23 ပူးပေါင်းရင်းမြစ်များ

Galásia 6:16

Bʉr bɨ́bɛ̂h o dí edû nzɨ́ nyɨ̂ʼ bá, bé ó dí ɨ́ mpǎŋ bʉr o b'Ɨ́zraɛ̂l mé Nzyɛ̌m. Nzyɛ̌m gbâʼ bé mepyɛbla ɨ́ miléme. Nye jɨ́ʼɨɨ bé nkoó.

1 Pyɛr 5:14

Bɨ́báráá gá páʼ nyɨ́n le edwíila mémúʼ, ɨ́ kpɛ̌l bɨ́ɔɔ́ e bɨ́ɔɔ́ tʉ́ŋlʉ̌. Mepyɛbla, mé díʼee e bɨ̌n óbɛ̂h ɨ́ miléme, bɨ̌n, bʉr o dí ɨ́ mpúhlá e Yésʉs-Krîst bá.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

1 Timotɛ 1:14

Sá tɨ̂ʼ ó Dâ á sʉ me metyɛʼ me mpóm ɨ́ nkalá nkalá yɨ́. Nye á si gbâ me ntémé búʼó ti e kpɛ̌l ɨ́ léme, ɨ́ nzɨ̌ mé Yésʉs-Krîst.

Mɨngwiha 1:4

Yé ó mɛm Yʉánɛs ó dí ecɛma bɨ́n mekaná mâʼ nyá, bʉr ó Mbɛ̌r-Nzyɛ̌m dí ɨ́ binkana nzaangbá bi dí ɨ́ sí Azía bí. Nzyɛ̌m sʉ́ʼoo bɨ̌n metyɛʼ me mpóm le egbâ mépyɛbla ɨ́ milémé mín. Mé díʼee e bɨ̌n, duho e waá á boo be nyá. Nye ntémé ó dína. Nye ntémé ónze. Mé díʼee e bɨ̌n ntémé, duho e misísǐm nzaangbá dí ɨ́ mpǒm mecwɨ́ɨ́ mé jwɨ́ɨ́ mé Nzyɛ̌m mí.

1 Timotɛ 1:3

Diʼeě Éfɛsɔs mpʉ mé á tɨ́e go, ɨ́ jɔʼ mé á be, me mû kúno etô sí Masedónia yɨ́. Diʼee náǎ, go e tɨ́é bʉ̂r ó, bé sá adweela gúú mbǐ lɛ́ʼlá swîh.

2 Tesalonika 3:16

Nó ó, Tî gá wɨ́ná, mʉr dí egbâ mɨ́ná gá mepyɛbla ɨ́ miléme nyá, nye gbâʼ bɨ̌n mepyɛbla ɨ́ miléme ɨ́ bijɔʼ bíbyɛ̂h, le menzɨ̌ mɨ́mɛ̂h. Tî gá wɨ́ná díʼee e bɨ̌n óbɛ̂h.

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

1 Tesalonika 5:8

Sâ gwár, mɨná gá bé ó bʉr ó móhó. Mɨná bé ɨ́ jala le emâr gá miléme. Mɨná dyɛ̂ʼwaa gá e Nzyɛ̌m, le ekpɛl bʉ̂r. Búʼó ndu e kpɛ̌l, byé bâʼlaa mɨná gá mpʉ mímbór bínkóho mi dí ebaʼle nyʉ̂l nkɔ́ɔ́ mí. Mpûʼla, nye lónaa bɨ̌n ɨ́ miléme lɨ́ ebónǒ twǐʼ njʉ̌m dǐ. Mpûʼla nyaá, nye óbánǎ baʼle mɨ́ná gá mpʉ̌ búró bínkóho dí ebaʼlě lʉ́ nkɔ́ɔ́ yɨ́.

1 Korɛnt 1:3

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

1 Timotɛ 5:8

Nyʉ́ʉ́ mʉ̂r bé abaʼle mímbyɛ́l myé, kʉ́ buú be, baá ó mbɛ̌r bʉ̂r wé nɛ́ɛ: nye mʉr tɨ̂, nyɨ́ beně búʼó. Nye ɨ́ bébe, laa hááden.

Rôm 15:33

Nzyɛ̌m dí egbâ mɨ́ná gá mepyɛbla ɨ́ miléme nyá, nye díʼee e bɨ̌n óbɛ̂h. Amɛn.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

Éfɛsɔs 6:24

Nzyɛ̌m sʉ́ʼoo bʉr bɨ́bɛ̂h o dí ekpɛl Tî gá wɨ́ná Yésʉs-Krîst, kpɛ̌l ápurapúra bá metyɛʼ me mpóm.

3 Yʉanes 1:14

Mě bûʼlá ó, me mû ó kúno enzě bee gô. Mɨná bé ólwibla, le ebeela mémpǒm. Nzyɛ̌m gbâʼ go mepyɛbla ɨ́ léme. Osó bô dí wâʼ bá, bé lɨ́ esoho gô. Sohaa mé osó gá bɨ́ná, lɨ́ etwóolo bé míe.