Éfɛsɔs 6:21 - Kálar Nzyɛ̌m : Ejwán é Sáá

²¹ Tisikôs, mɨ́ɔɔ́ kpɛ̌l gá wɨ́ná, dí diâkɔn ɨ́ Tî Yésʉs nyá, nye ntémé ó dí mʉr ebúʼlɔɔ. Nye ólɛ́ɛ bɨ́n sá yɨ́yɛ̂h dí edumo e me yɨ́, le ɨ́ lɔ̌b syɛ́ɛ́ mé mû lɨ́ eséa yɨ́.

Kálara Zyɛ̌m Edwán é mpʉ̌n

²¹ Mɨɔ kpɛl ga wina Tisikos, ndɨ syɛl mosa é zyɛŋa wɔɔ boo Da Yesʉs ɨ, nye nteme mʉr ebuʼla. Nye ólɛɛ bɨn sa yiyɛh lé etiibe e me e, le é lɔb syɛɛ me mu lé esea ɛ.

Éfɛsɔs 6:21 ပူးပေါင်းရင်းမြစ်များ

Mɨlʉmlʉ 20:4

Sópatros, mwân mé Píros, mʉr Bére, tó lîʼlɔɔ bé e Arîstark, ndu e Sekúndos, bʉr ó Tesaloníka. Gáywis, mʉr Dɛ́rbe, ndu e Timotɛ̂, Tisikôs, bé e Trofímos, bʉr ó Azía, bé á si to lîʼle nyé ntémé.

2 Timotɛ 4:12

Mɨ́ lómǒ Tisikôs Éfɛsɔs.

Títos 3:12

Páʼ Artémas bé e Tisikôs, me ólómlo gó mʉr ngwár ɨ́ sɔ́má yɔ́ɔ́. Ɨ́ jɔʼ mʉ̂r tɨ̂ʼ ókumo kwá nyǒ yɨ́, go e sá mímbi mímyɛ̂h ó, go tôʼ kœb mé ɨ́ Nikɔ́pɔlis, ebě, mɨ́ tíʼe ɨ́ lémé wâm ó, kóló, yé ólaa mé ó gʉ̂.

2 Pyɛr 3:15

Jɔʼ yɨ́yɛ̂h bɨ́n béé ó, Tî gá wɨ́ná, nyé apǎ báʼǎ nze yɨ́, lɛ́yɨ́ɨ́ gá ɨ́ bijɔʼ byaá ó: «Nye ɨ́ buo bíhwó ɨ́ páʼ bʉ́ʉ́ ósyɛ̂l bé ébébe, lɨ́ esú ó, nye tíʼɨɨ bê.» Nó ntémé ó, mɨ́ɔɔ́ kpɛ̌l gá wɨ́ná Pɔ̂l á cɛma bɨ̌n yɨ́. Nye á cɛma nó ó, lɨ́ ocwóó Nzyɛ̌m á dwe nye wɨ́.

1 Pyɛr 5:12

Bɨ̌h e Silâs ó dí ecɛma bɨ́n bwá mékaná mâ. Mɛ̌m bee ó, nye me ó mʉr ebúʼlɔɔ. Mě cɛmá bɨ́n ó e gwɨ́má égbâ bɨ́n nkul ɨ́ miléme. Mě boʼlo ntémé ó, mpam bɨ́n mû lɨ́ ebi ɨ́ nzɨ̌ mé Yésʉs nyɨ́, nye ó mpam mpâ mé Nzyɛ̌m.

Filemɔŋ 1:16

Ebě, ɨ́ báánâ, nyé akǎ be gó túʼǎ. Nye lɨ́ entaǎ túʼǎ. Nye mû ó mɨ́ɔɔ́ kpɛ̌l wɨ́ná. Mɛm pǎ nyɛɛ́ kpɛl nyé ɨ́ buo buo, á dwɛʼra e gua! Go ókpɛl ntémé nye, ntaa sʉ́ŋa, ebě, bɨ̌n e né, bé ó bɨ́ɔɔ́ e bɨ́ɔɔ́ ɨ́ mpúhlá gá nyɨ́ná e Tî Yésʉs, bɨ̌n ntémé bɨ́ɔɔ́ ɨ́ nkǒ páʼ bípúno.

1 Timotɛ 4:6

Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.

Kolosi 1:7

Yé ó mpʉ bɨ́n á jóʼo lɔ́ɔ waá e nzɨ̌ mé Epafrâs yɨ́. Nye ó mʉr bɨ́h e né dí eséǎ syɛ́ɛ́ Nzyɛ̌m, waá bɨ́h dí ekpɛl nyá. Nye ó mʉr ebúʼlɔɔ dí ekʉ́ séa e Krîst lɨ́ esú lɨ́n nyá.

1 Korɛnt 4:17

Sɨ́ǎ yaá ó mé á lómlo bɨ̌n Timotɛ̂, mwâ kpɛ̌l wǎm yɨ́. Nye ntémé ó dí mʉr ebúʼlɔɔ ɨ́ Tî Yésʉs. Nye ó ngá jɨm bín bitɔŋlá ɨ́ kʉ̌ tyen mé dí edû ɨ́ mpúhlá nyɨ́h e Krîst wɨ́. Mě lɛ́ʼlé Mbɛ̌r-Nzyɛ̌m ɨ́ gúmó yɨ́yɛ̂h ó, bé dúʼoo kʉ̌ tyen ngwár waá.

Filipi 1:12

Nó ó, bɨ́ɔɔ́ bâm, mě gwɨ́m ó, bɨ̌n gʉ́ŋaa ó, sá yé á pyâl me yɨ́, yé ó b'á tíne Mbɨambɨa Lɔ́ɔ ó, wé báʼa myaŋla.