Éfɛsɔs 6:20 - Kálar Nzyɛ̌m : Ejwán é Sáá

²⁰ Me, mʉr milʉ́mlʉ́, mû kɛ́ʼá ménkara ó, ɨ́ lɔ̌b Mbɨambɨa Lɔ́ɔ. Jɨʼlaa gá e Nzyɛ̌m, ó me pâʼlaa wé ɨ́ hwɨ́m mpʉ wé jálá le epâʼlɔɔ yɨ́.

Kálara Zyɛ̌m Edwán é mpʉ̌n

²⁰ Yé ó é modila mo Krɨst ó me mu é nkara é lɔb Mbɨambɨa Lɔɔ ɛ. Jwɨʼla ga e Zyɛm, ó me pɛʼla we é kpɛŋlɛm, abe e bʉa, mpʉ wé lé ejala le epɛʼlɔ ɛ.

Éfɛsɔs 6:20 ပူးပေါင်းရင်းမြစ်များ

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.

Kolosi 4:4

Jɨʼlaa gá e Nzyɛ̌m, ó me túnaa wé, pâʼla mékǎn mpʉ yé dí ejala yɨ́.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Mɨlʉmlʉ 26:29

Pɔ̂l, nye ó: «Damá jóʼo ɨ́ báánâ, nkʉ̂ ɨ́ melû me dí enze má, mě jɨʼlá e Nzyɛ̌m ó, abe lɨ́ esú lô, go omér. Mě jɨʼla ntémé ó, lɨ́ esú lɨ́n, bʉr bɨ́bɛ̂h dí ejôʼlo mé múh bá ó, bɨ̌n díʼee mpʉ mé dí yɨ̂. Sâ gwár, abe yɨ́ɛ mikɛ́ʼá ménkara mpʉ mé dí e mé yɨ̂.»

1 Yʉanes 3:16

Mbi wɨ̂ʼ ó mɨ́ná dí edweʼe gá sá dí kpɛ̌l mpâ yɨ́: Yésʉs-Krîst á si dwe twiʼ yé lɨ́ esú gá lɨ́ná. Nó ntémé ó mɨ́ná dí gá e mempʉ́lá kwá bʉ́ʉ́ óbûʼla yɨ́. Mɨná jáná gá mempʉ́lá maá ó, lɨ́ edwe bícwiʼ gá bíná lɨ́ esú é bɨ́ɔɔ́ gá bɨ́ná.

2 Timotɛ 1:16

Tî Yésʉs lɛ̂ʼlaa mbɛ̌r bʉ̂r mé Onesíforos membɨa mɨ́mɛ̂h, ebě, nye á si bu cwɨ́a e me, nzɔʼ nzɔʼ. Nyé abá jóʼo sôn ebe mé dí ɨ́ mbʉʼ e menkara,

1 Tesalonika 2:2

Bɨ̌n bé lɨ́ egʉ́a ntémé mpʉ bɨ́h á bɔma e túú le cére ɨ́ Fílipi, bɨ̌h dína apǎ pyâl kwá nyɨ́n yɨ́. Jɔʼ bɨ́h á pyâl ɨ́ sɔ́má yɨ́n yɨ́, Nzyɛ̌m wɨ́h á si gbâ bɨ̌h menyan ɨ́ miléme ó, bɨ̌h lɛ́yɨɨ bɨ̌n Mbɨambɨa Lɔ́ɔ́ mé Krîst témé bʉr o dí elwímla e bɨ̌h bá.

Filipi 1:20

Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...

Mɨlʉmlʉ 28:31

Nye ntémé á be lɨ́ etúnǒ lɔ́ɔ Mpóʼo mé Nzyɛ̌m, le elɛ̂ʼlě sá dí edumo e Tî Yésʉs-Krîst yɨ́, ɨ́ hwɨ́m, abáawǒ sɔ̂ʼ, abe e mʉr kámlé nyê.

Mɨlʉmlʉ 28:20

Lɔ̌b waá ó mé á be lɨ́ ekpɛl ébee bɨ́n, le elwib e bɨ̌n wɨ́. Mě káʼɔ́ɔ́ ménkara mâʼ ó, njɨ ɨ́ lɔ̌b mpûʼla dí bʉr o b'Ɨ́zraɛ̂l ɨ́ miléme nyɨ́.»

Mɨlʉmlʉ 5:29

Nó Pétrus, bé e bʉr o mílʉ́mlʉ́, bé á nze yala e bé ó: «Bɨ̌h bé ɨ́ jala le esâ Nzyɛ̌m mejóʼo, abe bʉ̂r.

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.

Filemɔŋ 1:10

Mě jɨʼlá e go ó, dumo e mwân wǎm Onezímos mê byá ɨ́ mbʉʼ wɨ̂ʼ nyá. Me byá nyé ó, ɨ́ nzɨ̌ elɛ́ɛ nyé Mbɨambɨa Lɔ́ɔ.

Mɨlʉmlʉ 21:33

Nó njwɨ́ɨ bisója á sîhlě bǎʼ e Pɔ̂l, nzě mɛ̂r nyê, nye ntɔ̂ʼ dwe nkûl ó, bé káʼaa nye e mikʉ̂kɔ̌b mimbá. Nó nyé á dî mbi mʉ̂r nyé á be wɨ́, ndu e sá nyé á pʉgʉ sâ yɨ́.

2 Korɛnt 3:12

Sâ yaá ó mílémé míh mû sí lóno ɨ́ mpûʼla yɨ́. Mpûʼla nyaá ó dí edwe bɨ́h nkul elwib ɨ́ hwɨ́m, adwáawǒ sɔ̂ʼ.

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

Filemɔŋ 1:9

Damá jóʼo nó, mě dǐ, alwib e go mpʉ́nʉ̌ ó, ebe mé dí ekpɛl gô. Mě jɨʼlá e go ó, jɨʼláa. Me ó dí elwib e go, mɛm Pɔ̂l, dí tɔ́má mʉr e go nyá. Mě báánâʼ ɨ́ mbʉʼ ó, tɨ̂ ɨ́ búʼó dí edumo e Yésʉs-Krîst yɨ́.