Éfɛsɔs 6:19 - Kálar Nzyɛ̌m : Ejwán é Sáá

¹⁹ Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Kálara Zyɛ̌m Edwán é mpʉ̌n

¹⁹ Jwɨʼla ga nteme e Zyɛm é l'efu lam, ó nye dweʼ me mokan me lwibɨ, abaawe sɔʼɔ e mʉr ɨ. Me pɛʼla lwib odim lé etiibe e Mbɨambɨa Lɔɔ ɛ, bʉr gʉŋa we é kpɛhla.

Éfɛsɔs 6:19 ပူးပေါင်းရင်းမြစ်များ

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

Mɨlʉmlʉ 4:29

Nó ó, Dâ ɛ̌, ɨ́ báánâ, jóʼáá mpʉ bé mû kǎ bɛ̂ŋ bɨ́h yɨ́. Dibɨɨ ósyɛ̂l o mésá bô nzɨ̌ ó, bé lɛ́yɨɨ lɔ́ɔ́ gô ɨ́ kpɛŋlɛm, abáawǒ sɔ̂ʼ.

2 Tesalonika 3:1

Bɨ́ɔɔ́ bɨ́h! Okɛ́l bɨ́h! Bɨ̌h kǎ cɛmá bɨ́n ó, bɨ̌n jɨ̂ʼlaa e Nzyɛ̌m ɨ́ lɔ̌b wɨ́h, ó lɔ́ɔ́ dí edumo e Tî Yésʉs wɨ́, wé tôʼ dóló le emyaŋlǎ kám e kám, ó bʉr dwêʼ lɔ́ɔ waá dúu, dû mpʉ bɨ́n bɨɛ dí egúmlo wé yɨ́.

1 Tesalonika 5:25

Bɨ́ɔɔ́ bâm! Okɛ́l bâm! Jɨʼlaa gá e Nzyɛ̌m ɨ́ lɔ̌b wɨ́h.

Ebrœ̂ 13:18

Sáʼ gá sɨ́n ɨ́ minjɨʼla ɨ́ lɔ̌b wɨ́h. Ɨ́ wɨ́h pâʼ, bɨ̌h bé lɨ́ egʉ́a ó, bɨ̌h dú ó, kʉ̌ tyen dí tîtyěl wɨ́. Bɨ̌h bé lɨ́ ekʉ́ gʉ́a ntémé ó, mipahlá mílémé míh, myé ó njɨ myaá mi dí ɨ́ pyɛɛɛ mí.

Mɨlʉmlʉ 4:31

Le bé á sil ejɨʼla e Nzyɛ̌m, le ntɔ̂ʼ gúmó bé á syɛŋa yɨ́, yé á kubla. Sísǐm mé Nzyɛ̌m nzě lóno bɨ́bɛ̂h ɨ́ miléme, bé ntɔ̂ʼ táare élɛ́ɛ̌ lɔ́ɔ́ mé Nzyɛ̌m ɨ́ kpɛŋlɛm, abáawo bá yʉ́ʉ́ sɔ̂ʼ.

1 Tesalonika 2:2

Bɨ̌n bé lɨ́ egʉ́a ntémé mpʉ bɨ́h á bɔma e túú le cére ɨ́ Fílipi, bɨ̌h dína apǎ pyâl kwá nyɨ́n yɨ́. Jɔʼ bɨ́h á pyâl ɨ́ sɔ́má yɨ́n yɨ́, Nzyɛ̌m wɨ́h á si gbâ bɨ̌h menyan ɨ́ miléme ó, bɨ̌h lɛ́yɨɨ bɨ̌n Mbɨambɨa Lɔ́ɔ́ mé Krîst témé bʉr o dí elwímla e bɨ̌h bá.

2 Korɛnt 8:7

Bɨ̌n bé ó okúmá ó bʉ̂r ɨ́ míh mé Nzyɛ̌m, laa bʉ́ʉ́ bʉ̂r. Bɨ̌n buú laa bʉ́ʉ́ bʉ̂r ó: ɨ́ mpwaʼ búʼó yɨ́n, ɨ́ lɛ́á bɨ́n bé lɨ́ elɛ́ɛ̌ lɔ́ɔ́ mé Nzyɛ̌m wɨ́, ɨ́ ngwɨ́á ótyeetye wɨ́n, ɨ́ bím bɨ́n dí egbâ ményʉ́l mɨ́n ɨ́ syɛ́ɛ́ mé Nzyɛ̌m yɨ́, le ɨ́ bím bɨ́n dí ekpɛl bɨ́h yɨ́. Mpʉ yé dí nó yɨ́, sɨ́sáʼ gá mbɨambɨa syɛ́ɛ́ yaá e milémé mín mímyɛ̂h, ntémé ntaa bʉ́ʉ́ bʉ̂r.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

Mɨlʉmlʉ 28:31

Nye ntémé á be lɨ́ etúnǒ lɔ́ɔ Mpóʼo mé Nzyɛ̌m, le elɛ̂ʼlě sá dí edumo e Tî Yésʉs-Krîst yɨ́, ɨ́ hwɨ́m, abáawǒ sɔ̂ʼ, abe e mʉr kámlé nyê.

Mɨlʉmlʉ 19:8

Lɨ́ ongɔn olɛ̂l, Pɔ̂l á be ó lɨ́ etʉ̂to ɨ́ mpáh minjɨʼla oYúden lɨ́ edwidwe bé milɛ́ʼlá, abe e bʉ́á, ɨ́ lɔ̌b Mpóʼo mé Nzyɛ̌m, le esáa édulo bʉ̂r o b'á jʉ̂joʼlo nye bá.

Mɨlʉmlʉ 13:46

Nó ó Pɔ̂l bé e Banabâs, bé á lwib e bé ɨ́ kpɛŋlɛm, abáawo mʉ̂r ó: «Yé á jɨ ó, lɔ́ɔ́ mé Nzyɛ̌m, wé nyɛ́ɛ túnɔɔ kwá nyɨ́n, oYúden. Sâ gwár, bɨ̌n bɨɛ, bɨ́ beně lɔ́ɔ waá, bɨ̌n bɨɛ lɨ́ ebee ó, bɨ̌n bé ajala le ebǐ twǐʼ njʉ̌m dǐ. Yé bé nó wá, beyɨɨ gá, bɨ̌h bɨ́ laa, lɨ́ etó túnǒ lɔ́ɔ́ mé Nzyɛ̌m waá ɨ́ mesí mé bʉ̂r oswîh.

Filemɔŋ 1:22

Me lɨ́ egwɨ̂m ó, go kómlaa me ntɔ́ɔ mbɛ̌r ɨ́ jɔ̌ʼ Onezímos ópyâl gʉ̂ʼ yɨ́, ebě, me lɨ́ ebúʼla ó, Nzyɛ̌m ósâ mɨ́ná mpam ɨ́ nzɨ̌ minjɨʼla mín. Nye ódwe mé jɔʼ énze gʉ̂ʼ kwá nyɨ́n.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

2 Korɛnt 3:12

Sâ yaá ó mílémé míh mû sí lóno ɨ́ mpûʼla yɨ́. Mpûʼla nyaá ó dí edwe bɨ́h nkul elwib ɨ́ hwɨ́m, adwáawǒ sɔ̂ʼ.

1 Korɛnt 1:5

Ɨ́ mpúhlá nyɨ́n e nɔ́ɔ́, bɨ̌n bé á si tiʼe ɨ́ mepwaʼ, mimbi mímyɛ̂h. Medihre e medihre me tɨ̂ʼ, mé á be ó gúmó nyé á dwe bɨ̌n ngwɨ́á ɨ́ páʼ mélab ndu e ngwɨ́á bísɔ̂ʼ yɨ́.

Mɨlʉmlʉ 14:3

Pɔ̂l, bé e Banabâs, bé á si bu bea ɨ́ Ikóniʉm, lɨ́ ekʉ́ gwá lwib ɨ́ kpɛŋlɛm, abáawo mʉ̂r, e nkul mé Tî Yésʉs. Mpʉ bʉ̂r, bé á be lɨ́ ejóʼǒ lɔ́ɔ́ mé Yésʉs nyé á ntɨh ɨ́ mpam nyé yɨ́, nó ntémé ó bé á bee mesimá nyé á ntɨh má. Yésʉs á bʉboʼlo lɔ́ɔ́ wɔ́ɔ́ ó e nzɨ̌ mesimá maá, ti e bisá bí ékâm nyé á sâ e nzɨ̌ bʉr o mílʉ́mlʉ́ bé bí.

Mɨlʉmlʉ 9:27

Nó ó Banabâs nyɨɛ á nze nʉa nye, bé e nɔ́ɔ́ ntɔ̂ʼ tô nko bʉ̂r o mílʉ́mlʉ́, bé á be yɨ́. Nye ntɔ̂ʼ lɛ́ɛ bé mpʉ̌ Saʉ̂l á bee Tî Yésʉs téme-nzɨ̌ yɨ́, le elɛ́ɛ bé ntémé ekǎn Tî Yésʉs á cɨ nye lɨ́. Nye ntɔ̂ʼ lɛ́ɛ ntémé mpʉ̌ Saʉ̂l á tô Damâs, lɨ́ etô le elwib mílɔ̌b mé Nzyɛ̌m ɨ́ díé mé Yésʉs, abe e bʉ́á yɨ́.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

2 Korɛnt 7:4

Mpûʼla, nye ó me ɨ́ léme ɨ́ lɔ̌b wɨ́n. Bɨ̌h bé e nkul enkʉ́na ɨ́ buo buo ɨ́ lɔ̌b wɨ́n. Me mû ó lwɨ́ŋlá e nkul ɨ́ léme. Damá jóʼǒ mpʉ bɨ́h dídí ɨ́ bintɨ́ʼá tʉ́ŋlʉ̌ yɨ́, bisʉhʉʉ byâm, byé lɨ́ entaa sʉ́ŋa.

2 Korɛnt 1:11

ebě, bɨ̌n bé ósúʼo bɨ́h ɨ́ nzɨ̌ minjɨʼla mín. Nó Nzyɛ̌m ó ngá buú dweŋɔɔ nzyóo ɨ́ jɔʼ bʉ̂r ɨ́ buo buo, bé óbe, bé mû sí sâ nyé minjɨʼla ɨ́ lɔ̌b wɨ́h yɨ́.

1 Korɛnt 2:7

Bɨ̌h lɛ́ʼlé ó, ocwóó mé Nzyɛ̌m dí solá wɨ́. Wé ó sá Nzyɛ̌m á sol bʉr yɨ́. Nye dína apǎ kuho kʉ́ e sí, nye á boo tíʼe ɨ́ lémé wé ó, nyě dwé mɨ́ná gá ó ocwóó waá, ti e kûm tɨ̂.

Rôm 15:30

Nó ó, bɨ́ɔɔ́ bâm, sá mé dí edî bɨ́n ɨ́ díé mé Tî gá wɨ́ná, Yésʉs-Krîst, le ɨ́ kpɛ̌l Sísǐm mé Nzyɛ̌m dí egbâ ɨ́ milémé gá míná yɨ́, yé ó, mɨná lwímlaa gá ɨ́ nzɨ̌ minjɨʼla lɨ́ esú lâm.

Mɨlʉmlʉ 18:26

Nye nzě táare élwib ɨ́ mpáh minjɨʼla oYúden tʉ́ŋlʉ̌ ɨ́ kpɛŋlɛm, abáawo mʉ̂r. Jɔ̌ʼ Prǐska, bé le Akílas, bé á jóʼo nye yɨ́, bê nzě nʉa nyê, ntɔ̂ʼ kʉ́ gwá tɨ́ɔɔ nyé nzɨ̌ mé Nzyɛ̌m.

Mɨlʉmlʉ 4:13

Bʉr ó bʉm ntɔ̂ʼ kâm lɨ́ ebeě mpʉ̌ Pétrus, bé e Yʉánɛs, bé á lwib ɨ́ kpɛŋlɛm, abáawǒ sɔ̂ʼ yɨ́. Bé á be lɨ́ ekâm ntémé mpʉ bé á lwilwib lɨ́ otîtyěl, bɨ́ɛ yɨ́ɛ abe bʉ̂r o b'á sâ sʉkʉ́lʉ bá yɨ́. Bê nzě kǎ dweʼe ó, bé á kʉ be ó, bʉr ó sɔ́má mé Yésʉs.

Mɨlʉmlʉ 2:4

Bɨ́bɛ̂h, bé á be ó, bé mû lwɨ́ŋlá e Sísǐm mé Nzyɛ̌m. Bé ntɔ̂ʼ táare élwib bílwǐb biswîh, byaá Sísǐm mé Nzyɛ̌m wé á dwe bé nkul ó, bé lwíbɨɨ bí.

Mɨlʉmlʉ 9:29

Nye á si lwib ntémé le oYúden bé á lwilwib grɛ̂k bá, bê nzě gɔ́na le edo e bê. Bɨ́ɛ jaá sɨ̂saǎ njɨ ó, bé jʉ́ ó nye.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

2 Korɛnt 6:11

Bɨ́ɔɔ́ bɨ́h! Okɛ́l bɨ́h! Bʉr ó Kórɨnt ɛ̌! Bɨ̌h bé á si lwib e bɨ̌n ɨ́ hwɨ́m, asǒl sɔ̂ʼ. Bɨ̌h bé lɨ́ ekpɛl bɨ́n ɨ́ buo buo.

Éfɛsɔs 3:9

Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.