Éfɛsɔs 6:18 - Kálar Nzyɛ̌m : Ejwán é Sáá

¹⁸ Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

Kálara Zyɛ̌m Edwán é mpʉ̌n

¹⁸ Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

Éfɛsɔs 6:18 ပူးပေါင်းရင်းမြစ်များ

1 Tesalonika 5:17

Jɨʼlaa gá e Nzyɛ̌m ɨ́ bijɔʼ bíbyɛ̂h.

Kolosi 4:2

Jɨjɨʼlaa gá e Nzyɛ̌m ɨ́ jɔʼ yɨ́yɛ̂h. Tirwaa gá syɛ́ɛ́ mínjɨʼla. Dwéʼ gá nye nzyǒo ɨ́ bisá nyé dí esâ bɨ́n bí.

Filipi 4:6

Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

1 Timotɛ 2:1

Sá ésôʼ mé nyɛ́ɛ́ lɛ́ɛ gó yɨ́, yé ó, go jɨ̂ʼlaa e Nzyɛ̌m lɨ́ esú é bʉ̂r bɨ́bɛ̂h. Go e jáʼ nyé sá yɨ́yɛ̂h lɨ́ esú é bʉ̂r oswîh. Go e dwé nyé ntémé nzyǒo.

Yʉ̂d 1:20

Bɨ̌n bɨɛ, bʉr ó kpɛ̌l bâm, búʼó bɨ́n dí e yé, yaá dí tí yɨ́, nʉaa gá pîm ɨ́ búʼó yaá. Jɨjɨʼlaa gá ntémé e nzɨ̌ Sísǐm mé Nzyɛ̌m.

Markus 14:38

Diʼee gá ɨ́ mpʉ̂n. Jɨʼlaa gâ, bé ámû jaá bóblo bɨ́n, bɨ̌n duma. Sísǐm mʉ̂r, wé lɨ́ egwɨ̂m ésâ bísyɛ́ɛla bimpâ. Nyʉ̂l nyɨɛ, ɨ́ tyɛʼ.»

Lʉkas 21:36

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Mataos 26:41

Diʼee gá ɨ́ mpʉ̂n. Jɨʼlaa gâ, bɨ̌n ámû jaá bóblɔɔ, bɨ̌n ntɔ̂ʼ duma. Sísǐm mʉ̂r, wé damá gwɨ̂m ésâ bísyɛ́ɛla bimpâ, bipúno bíɛ, byé ɨ́ tyɛʼ.»

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

Markus 13:33

Bɨ̌n a bâʼ! Atô gá ɨ́ jô, ebě, bɨ̌n bé agʉ́ǎ jɔʼ yaá.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

Mɨlʉmlʉ 1:14

Bɨ́bɛ̂h, bé á sisyɛŋa léme ngwár ó, bé tirwo ó e syɛ́ɛ́ mínjɨʼla. Tɨ̂ʼ ntémé, yé á be ó le obûʼla o bʉ́bá, le nyɔ̌ŋ mé Yésʉs, Maria, ti e bɨ́ɔɔ́ le okɛ́l mé Yésʉs.

Lʉkas 22:46

Nye ntɔ̂ʼ jɨm bê, le elɛ́ɛ e bé ó: «Bɨ̌n bé lɨ́ ejâ bíjô ɨ́ yé? Gbɔlwaa gá sí. Jɨʼlaa gâ, bɨ̌n ámû duma ɨ́ mebʉ́blá.»

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

2 Timotɛ 1:3

Me lɨ́ edwě Nzyɛ̌m nzyǒo ɨ́ jɔʼ yɨ́yɛ̂h. Me lɨ́ esâ sɨ́n lɨ́ esâ mínjɨʼla ɨ́ lɔ̌b gô, móhó e pum. Mě séá nyé syɛ́ɛ́ yaá ó e mipahlá mí léme mi dí ɨ́ pyɛɛɛ mí, jwɨʼ gwár mpʉ bímpám byâm, byé á sɨsâ nye yǎ yɨ́.

Filipi 1:4

Jɔʼ yɨ́yɛ̂h mé dí ejɨʼla lɨ́ esú lɨ́n yɨ́, mě jɨʼlá ó e bisʉhʉʉ.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Mɨlʉmlʉ 12:5

Nó yaá ó Pétrus á baʼlɔɔ ɨ́ mbʉʼ yɨ́. Bʉr ó Mbɛ̌r-Nzyɛ̌m bɨ́ɛ, bé á be ó lɨ́ esâ sɨ́n lɨ́ ejɨʼla e Nzyɛ̌m lɨ́ esú lé.

Filemɔŋ 1:5

ebě, mě jʉ́jóʼó bé lɨ́ elɛ́ɛ ɨ́ páʼ gô ó, go lɨ́ ekʉ́ dyɛ̂ʼwo e Tî Yésʉs, le ekpɛl óbûʼla bɨ́bɛ̂h.

Mɨlʉmlʉ 10:2

Bé e mbɛ̌r bʉ̂r wé wɨ́wɛ̂h, bé á be ó otîtyěl o bʉ̂r. Bé ntémé bé á be lɨ́ edwáawǒ Nzyɛ̌m. Nye á be lɨ́ ebuú súʼo báántéʼenteʼe o bʉ̂r óYúden, le ejɨʼla e Nzyɛ̌m ɨ́ bijɔʼ ɨ́ buo buo.

Mɨlʉmlʉ 6:4

Bɨ̌h bɨɛ ókǎ tirwo ó, njɨ e syɛ́ɛ́ mínjɨʼla, le yaá élɛ́ɛ mílɔ̌b mé Nzyɛ̌m.»

Éfɛsɔs 3:18

Nó ntémé ó, bɨ́n e bʉr o mé Nzyɛ̌m bɨ́bɛ̂h ngá bi nkûl egʉ́ǎ kpɛ̌l ápurapúrǎ Krîst dí e yé ɨ́ páʼ gá nyɨ́ná yɨ́. Bɨ̌n gʉ́ŋaa mpʉ̌ kpɛ̌l yé dí esúʼo mɨ́ná gá ɨ́ menzɨ̌ mɨ́mɛ̂h yɨ́: le ebére kʉ́, le esulo sí, le ebwǎʼ bwaʼáa, le ejaá jaŋáa yɨ́.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

Éfɛsɔs 2:22

Tî Yésʉs ó dí esâ ntémé ó, bɨ̌n tyélɔɔ ɨ́ bityé bín tɨ̂, misumá lɨ́ odiá Nzyɛ̌m ngá di tɨ̂ʼ wɨ́. Sísǐm wé ó dí elɛ̂ʼle bígúmó bɨ́n jálá le etyɛ̂b ɨ́ nzumó mbɛ̌r waá bí.

Lʉkas 3:37

Lámɛk, mwân mé Matusála; Matusála, mwân mé Énɔk; Énɔk, mwân mé Yárɛd; Yárɛd, mwân mé Malelɛ̂l; Malelɛ̂l, mwân mé Kayɨnân;

Kolosi 1:4

Nó ó, bɨ̌h bé á si jóʼo lɔ́ɔ́ búʼó bɨ́n dí ebúʼlǎ Yésʉs-Krîst, le kpɛ̌l bɨ́n dí ekpɛl óbûʼla yɨ́.

Galásia 4:6

Nzyɛ̌m á ntɨh mɨná gá Sísǐm Mwân wé ó, ebe bɨ́n dí nye bwân. Nye mû ó sí nî ɨ́ milémé gá míná. Nye ó dí etitíne mɨ́ná gá ó, mɨná jɨ̂ʼlaa gá e Nzyɛ̌m, le elɛ́ɛ ó: «Abba, Dâ!»

Lʉkas 3:26

Nagaî, mwân mé Máat; Máat, mwân mé Matatías; Matatías, mwân mé Semeyɨ̂n; Semeyɨ̂n, mwân mé Yósek; Yósek, mwân mé Yodâ;

Kolosi 1:3

Ɨ́ jɔʼ yɨ́yɛ̂h bɨ́h dí ejɨʼla e Nzyɛ̌m lɨ́ esú lɨ́n yɨ́, bɨ̌h bé lɨ́ edwe nyé nzyǒo, nyɨɛ mʉr dí Sɔ́ŋ mé Tî gá wɨ́ná Yésʉs-Krîst nyá.