Éfɛsɔs 6:17 - Kálar Nzyɛ̌m : Ejwán é Sáá

¹⁷ Biʼee gá twǐʼ njʉ̌m dǐ. Yé díʼee bɨ̌n mpʉ̌ ntʉ́m dɔ̂m. Bɨ̌n e nʉ́á lwǐb mé Nzyɛ̌m. Yé díʼee bɨ̌n mpʉ pâsôŋ Sísǐm mé Nzyɛ̌m dí etímle bɨ́n nyá.

Kálara Zyɛ̌m Edwán é mpʉ̌n

¹⁷ Biʼe ga tiʼ molu mo mpoʼ mɨmɛh. Tiʼ molu mo mpoʼ mɨmɛh, yé ó tɔɔ kʉŋʉ dɔm lé ekamle e lʉ nkɔɔ ɛ. Bɨn bé à nʉa lɔɔ Zyɛm tɔɔ fòŋ Mbɨambɨa Sisim lé egœm é pɔb, ze timle bɨn ɨ.

Éfɛsɔs 6:17 ပူးပေါင်းရင်းမြစ်များ

Ebrœ̂ 4:12

Lwǐb mé Nzyɛ̌m, yé ó sá dí kublakúbla yɨ́. Yé e nkul! Yé ntémé, yé ɨ́ bábla, laa pâsoŋ dí njebá myoo mipáʼ mímbá yɨ́. Ɨ́ jɔ̌ʼ Nzyɛ̌m dí elwib yɨ́, lwǐb yé, yé lɨ́ ekʉ́ bánǎ syɛ̂h bípúno, tó kumo ɨ́ mebɨ̌l, ntɔ̂ʼ pin bítíl bí nyʉ̂l ɨ́ mebʉó. Yé lɨ́ ekpâhlǎ gúmó léme ndu e sísǐm dí edira yɨ́. Yé lɨ́ epahle le egbâ mbɔ́ʼ ɨ́ miléme ndu e bijwɨʼ gá bíná.

Mɨngwiha 19:15

Pasoŋ dí njebá ɨ́ bábla bábla ɨ́ lya lyá lyá yɨ́, nye á duho nye ó, ɨ́ num, ebě, nye óŋmɛ̂h bíkúl bíbyɛ̂h e tɨ̂. Nye ópɨpála bé ó e nkul jwɨ́ɨ ɨ́ lele lele mpʉ̌ súmǔ nkóho. Nye ómân bé mpʉ bé dí emân mpúmó ɨ́ pǎr yɨ́. Nó yé dí elɛ̂ʼle ó, mpʉ̌ lémé mé Nzyɛ̌m, Nzyɛ̌m nkul nyɨnyɛ̂h, wé á ka lóno ɨ́ nkpaa yɨ́.

1 Tesalonika 5:8

Sâ gwár, mɨná gá bé ó bʉr ó móhó. Mɨná bé ɨ́ jala le emâr gá miléme. Mɨná dyɛ̂ʼwaa gá e Nzyɛ̌m, le ekpɛl bʉ̂r. Búʼó ndu e kpɛ̌l, byé bâʼlaa mɨná gá mpʉ mímbór bínkóho mi dí ebaʼle nyʉ̂l nkɔ́ɔ́ mí. Mpûʼla, nye lónaa bɨ̌n ɨ́ miléme lɨ́ ebónǒ twǐʼ njʉ̌m dǐ. Mpûʼla nyaá, nye óbánǎ baʼle mɨ́ná gá mpʉ̌ búró bínkóho dí ebaʼlě lʉ́ nkɔ́ɔ́ yɨ́.

Mɨngwiha 2:16

Ebe nó, túmáá gá mikoo e mebébe mɨ́n. Bɨ̌n e dwírá míléme. Bɨ́n bé asâ nó wá, mé okpâhwǎ nze kwá nyɨ́n. Mé olwímla e bʉr baá e pasoŋ dí eduho ɨ́ num wâm nyá.»

Mɨngwiha 12:11

Bɨ́ɔɔ́ gá bɨ́ná ntémé, bɨ́ ntaa nyé ɨ́ nkul ɨ́ nzɨ̌ metié mé Mâ Nteme, ti e mboʼlá bé á boʼlo, dumo e Yésʉs wɨ́. Bé á bé alíʼa lɨ́ ebîr bícwiʼ byɔ́ɔ́. Bé á si jʉ́ŋɔɔ ɨ́ lɔ̌b mboʼlá wɔ́ɔ́ waá.

Mɨngwiha 1:16

Lɨ́ ekœ́h lé éjʉ́m lé, nye á be ó le ocwícwén nzaangbá. Nye ntémé e pasoŋ, njebá myoo mipáʼ mímbá. Pasoŋ waá, nye á duho nye ó, ɨ́ num. Mpǒm nyé, nye á pɨpan ó, ɨ́ keleb keleb, mpʉ̌ mbah dʉ́o dí epan témé móhó wɨ́.

Mataos 4:4

Yésʉs ntɔ̂ʼ lɛ́ɛ ó: «Yê cɛmá ɨ́ Mekaná mé Nzyɛ̌m ó: Mʉr, nyé abe e nkul etiʼě njɨ ɨ́ lɔ̌b méde mé omér. Nyě tiʼé ó, lɨ́ ekǎn lɨ́lɛ̂h dí epyâl ɨ́ num mé Nzyɛ̌m lɨ́. »

Mataos 4:7

Yésʉs nzě yala. Nye e né ó: «Heʼé! Ebě, yê cɛmá ntémé ó: “Ayɨ́ bóblǒ Dâ, dí Nzyɛ̌m gǒ nyá.”»

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

Ebrœ̂ 6:5

Bé á be lɨ́ ebibi ntémé lɔ́ɔ́ mé Nzyɛ̌m dí ɨ́ buú mbɨa wɨ́, jóʼo ménwǎn me tɨ̂. Bɨ́ɛ, bé á si nyɛɛ dweŋɔɔ mbi nkûl ngá dweŋɔɔ ɨ́ mpóʼǒ Nzyɛ̌m ngá tyêl nyɨ́ wɨ́.