Éfɛsɔs 6:14 - Kálar Nzyɛ̌m : Ejwán é Sáá

¹⁴ Nó, tyɛ́bɨ́ɨ́ gá ɨ́ tyé dɔ̂m, mekʉá ɨ́ binyâ. Bɨ̌n a dí le otyeetye. Wé óbe bɨ́n ó mpʉ káná dɔm, dí yémlá ɨ́ sɨ́ŋ lɨ́ odyɛ́m nyá. Diʼee gá ntémé otîtyěl o bʉ̂r. Otîtyěl waá, wé díʼee bɨ̌n mpʉ mímbór bínkóho bé dí ebwâr, myaá dí ekamle e bɨr mí.

Kálara Zyɛ̌m Edwán é mpʉ̌n

¹⁴ Ebe no, cyɛba ga é nkʉʼʉ é cye dɔm yin. Bɨn bé à bwar ocyecye tɔɔ kana dɔm yɨma é kubo. Diʼe ga nteme e l'ocɨcyel tɔɔ bɨnkoho bé lé ebuuro bɨr e tɨʼ ɨ.

Éfɛsɔs 6:14 ပူးပေါင်းရင်းမြစ်များ

1 Tesalonika 5:8

Sâ gwár, mɨná gá bé ó bʉr ó móhó. Mɨná bé ɨ́ jala le emâr gá miléme. Mɨná dyɛ̂ʼwaa gá e Nzyɛ̌m, le ekpɛl bʉ̂r. Búʼó ndu e kpɛ̌l, byé bâʼlaa mɨná gá mpʉ mímbór bínkóho mi dí ebaʼle nyʉ̂l nkɔ́ɔ́ mí. Mpûʼla, nye lónaa bɨ̌n ɨ́ miléme lɨ́ ebónǒ twǐʼ njʉ̌m dǐ. Mpûʼla nyaá, nye óbánǎ baʼle mɨ́ná gá mpʉ̌ búró bínkóho dí ebaʼlě lʉ́ nkɔ́ɔ́ yɨ́.

Lʉkas 12:35

«Píláá gá menkwán. Bɨ̌n e túmó méláma mɨ́n.

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

2 Korɛnt 6:7

túnó bɨ́h dí etúno ótyeetye wɨ́, nkǔl nɨ́nɨ́ɨ́ mé Nzyɛ̌m, bisá bí mɔ̂m bɨ́h dí elwímla dɔ̂m lɨ́ esú lé ótîtyěl mé Nzyɛ̌m e tɨ̂ʼ bí, bîʼ le ejʉ̂m, byúú le emyɛ̌l,

Éfɛsɔs 5:9

Mě lɛ́ɛ́ nó ó, ebě, bʉr o dí ɨ́ myɛ́n bá bɨɛ, bé lɨ́ egúmo mímbi mi mpúmó mímyɛ̂h: membɨa, otîtyěl, le otyeetye.

Mɨngwiha 9:17

Ɨ́ mpʉʼ ó mé á bee esimá laá yɨ́: me á si bee bikablá, ndu e bʉr o b'á be ɨ́ mikoo myɔ́ɔ́ kʉ́ bá. Bé á bubwâr ó mimbór mí dɔ̂m, wɨ̂ʼ pâʼ ɨ́ cʉʼ mpʉ̌ siʼe, gúú pâʼ ɨ́ mpʉ nyʉ̂l jʉ́o. Gúú pâʼ ntémé, pɨé e pɨé. Milʉ́ bíkablá, myé á be ó mpʉ mílʉ́ míngbampɨɨ. Júluu le siʼe ndu e pir, byé á be lɨ́ eduduho ɨ́ minum bíkablá byaá.

Mɨngwiha 9:9

Bé á bě e byúú bísɔ̂ʼ ó, ɨ́ mempɨr mpʉ mímbór mí nkóho mi dɔ̂m. Mempabaá mɔ́ɔ́, mé á duduo ó, ɨ́ mpʉ̌ duú bíkálîʼ bi dɔ̂m bi dí edâʼrɔɔ e bikablá ɨ́ buo buo bí.

Rôm 13:12

Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

Éfɛsɔs 6:13

Sá tɨ̂ʼ ó mé dí elɛ́ɛ bɨ́n ó, nʉaa gá bisá bí dɔ̂m ɨ́ mebó mé Nzyɛ̌m yɨ́. Bébebébe móhó, wé ópyâl bɨ́n nó, bɨ̌n bé óbe e nkul elwímla. Bɨ́n óbe, sí lwímla, ɨ́ lwímla lwímla, ntaǎ sá yɨ́yɛ̂h nó, bɨ̌n bé otyɛ̂b mekʉ̌ sí ɨ́ sɨ́ŋ, apɨ́ŋla ɨ́ jɔʼ ébébe yaá.