Éfɛsɔs 6:12 - Kálar Nzyɛ̌m : Ejwán é Sáá

¹² Ebě, yé abe ó, mɨná tɛ́l gá ó e bʉr ó sí yɨ̂. Mɨná lwímlá gá ó, le misísǐm mi dí milʉ̂ mí, le myaá mi nkûl, le myaá mi dí ejwɨ́ɨ ɨ́ mpóʼo edúrʉ́ʉ́ lɨ̂ʼ mí, le meleme me dí páʼ jʉ́o le ejwoo má.

Kálara Zyɛ̌m Edwán é mpʉ̌n

¹² Ebe, yé abe ó, bɨna tɛl ga ó e bʉr o bɨpuno le motié. É l'ocyecye, bɨna bé elwimla ga ó e bɨcye bɨnɨnɨ bɨnâ mɨsisim mɨ apum: le mɨsisim mɨnɨnɨ, le myaa mɨ nkul, le myaa ndɨ e mojwɨ̀ʼa mo edurʉ ɨ, le myaa ndɨ é jobo e l'ejyoo le ebantɛn ɨ.

Éfɛsɔs 6:12 ပူးပေါင်းရင်းမြစ်များ

Kolosi 1:13

Nzyɛ̌m, nyɨ́ dwih mɨ́ná gá le onɔ́ɔ́ ɨ́ mpél édúrʉ́ʉ́, ntɛŋ mɨ́ná gá ɨ́ mpóʼo Mwâ kpɛ̌l wé dí ejwɨ́ɨ nyɨ́.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Kolosi 2:15

Nzyɛ̌m, nyɨ́ par mísísǐm mí édúrʉ́ʉ́ le meleme bisá bí dɔ̂m bé á be e byé bí. Nye á ntaa bé ó, ɨ́ jɔ̌ʼ Krîst á dwe ɨ́ kolôs yɨ́. Nyɨ́ líʼe mísísǐm myaá ɨ́ gœr gœ́r, lúʼo nkûl, ɨ́ míh mé bʉ̂r ɨ́ kpɛŋlɛm.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Éfɛsɔs 1:21

Nzyɛ̌m á dil nye ɨ́ mecwɨ́ɨ́ mé jwɨ́ɨ yaá ó, kʉ́ misísǐm mí édúrʉ́ʉ́ mi dí milʉ̂ mí, le myaá mi dí e nkul jwɨ́ɨ mí, le myaá mi dí e pîm mí, le myaá mi dí e menkul ménɨ́nɨ́ɨ́ mí. Krîst ó dí e díe e dí ɨ́ buú gúmlɔɔ lɨ́. Díe laá ó dí elaa míé mɨ́mɛ̂h bʉ̂r dí ekɛn ɨ́ mpóʼo sí yɨ̂ʼ má, le maá bé ókɛn ɨ́ mpóʼo ngá tyélɔɔ nyɨ́ má.

Rôm 8:38

Yé ó nó. Mɨ́ kʉ́ gʉ́a ó, damá be éswie, damá bě twiʼ, damá be bééngeles, damá be mísísǐm mí édúrʉ́ʉ́ mi dí e jwɨ́ɨ mí, damá be ɨ́ báánâ, damá be ɨ́ bijɔʼ bi dí enze bí, damá be báányâ-nkul,

Éfɛsɔs 3:10

Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

Éfɛsɔs 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nzyɛ̌m, nyɨ́ sʉ mɨ́ná gá metyɛʼ me mpóm ɨ́ mpúhlá gá nyɨ́ná e Krîst. Nyɨ́ kam ntémé ó, mɨná bíʼee gá mimbi métyɛʼ me mpóm mé Sísǐm mé Nzyɛ̌m mɨ́mɛ̂h me dí eduho ɨ́ jʉ́o kʉ́ má. Nyě sá mɨ́ná gá nó ó,

1 Korɛnt 15:50

Bɨ́ɔɔ́ bâm! Okɛ́l bâm! Mě kʉ́ lɛ́ɛ bɨ́n ó, ntʉ̌ sá dí bipúno e metié yɨ́, dí e nkul enʉǎ diá ɨ́ Mpóʼo mé Nzyɛ̌m, jala e nkɔb líʼe nyé. Sá dí edwe, bo yɨ́, yé abe e nkul elîʼ e sá dí edǐ njʉ̌m dǐ e njʉ̌m dǐ yɨ́.

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.

Yʉanes 16:11

Nye ólɛ̂ʼle bé tíʼá mílɔ̌b mé Nzyɛ̌m, ebě, Nzyɛ̌m, nyɨ́ boó tíʼě lɔ̌b me njwɨ́ɨ sí yɨ̂, le edwe nyé mebě.

Lʉkas 22:53

Me á bɨbe dʉ́ó lɨ́lɛ̂h ó, témé sɔ́má yɨ́n ɨ́ mpáh Nzyɛ̌m, bɨ̌n l'akɛl mé mbô ɨ́ nyʉ̂l. Nó bɨ̌n ka mɛ́r mé ɨ́ báánâʼ ó, ebě, lɨ̂ʼ éwala mû ó laá lɨ́n e laá mpóʼo mé Sátan.»

Lʉkas 13:24

«Gbáʼ gá nkul lɨ́ enî lɨ́ ebê dí ɨ́ mána lɨ́. Mě lɛ́ɛ́ bɨ́n ó: bʉr ɨ́ buo buo, bé ógwɨ̂m énî tɨ̂, bɨ́ɛ abe e nkul.

2 Timotɛ 2:5

Bʉ̂r obá sá nzwámlá nó, mʉr ngá bórɔɔ̌ káráá mpʉ myɛ́na nyá, óbe ó njɨ waá ngá sila nyʉ́ʉ́, dû mpʉ bé á pa tyêl metié mé éjwɨʼla ménkul maá yɨ́ nyá.

Mataos 16:17

Yésʉs ntɔ̂ʼ lɛ́ɛ e né ó: «Go ó e metyɛʼ me mpóm, Simon Bar-Yónas. Ntʉ nyʉ̂l bipúno le metiê gwíh gó sâ yaá. Yê bé ó Sɔ́ŋ wǎm dí ɨ́ jʉ́o kʉ́ nyá. Nye ô lɛ́ʼlé gó yǎ.

Ebrœ̂ 12:4

Mpʉ bɨ́n dí elwímla e njwɨr ébébe wɨ́n yɨ́, bɨ̌n bé apǎ gwá lwímla e wé mbɨ̂mbɨá. Sá tɨ̂ʼ ó étó é métié lɨ́n, dína apǎ tɔ́ba sí yɨ́.

Markus 4:19

Sâ gwár, mitúú mí sí le gwɨ́má ókúm le ogbaa, byé á si dímle bé ɨ́ nzɨ̌ mikóo myɔ́ɔ́. Bé lɨ́ ebuú tyel mílémé kʉ́ lɨ́ ebi e bísá bí sí yɨ̂. Bisâ byaá, byé ntɔ̂ʼ kâʼ Mbɨambɨa Lɔ́ɔ, wé l'akǎ gúm tô dóló.

2 Korɛnt 11:14

Nó ó, sâ yaá, yé abě sá ékâm, ebě, Sátan mʉr tɨ̂, nye lɨ́ eboó liliŋa éngeles mentyɛnwa.