Éfɛsɔs 6:10 - Kálar Nzyɛ̌m : Ejwán é Sáá

¹⁰ Ekǎn lé épíhé mé mû o nzě lɛ́ɛ bɨ́n lɨ̂, lé ó, bɨ̌n gbâʼ nkul ɨ́ mpúhlá nyɨ́n e Tî Yésʉs. Biʼee gá pîm nɨ́nɨ́ɨ́, duho e né.

Kálara Zyɛ̌m Edwán é mpʉ̌n

¹⁰ Sa me lé eka tile bɨn é l'epihe e, yé ó: lela ga nkul é zyɛŋa win boo Da Yesʉs tʉŋlʉ, é mpwaʼ nkul we.

Éfɛsɔs 6:10 ပူးပေါင်းရင်းမြစ်များ

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

1 Korɛnt 16:13

Diʼee gá ɨ́ mpʉ̂n. Mʉ̌r sá apɨ́ŋla ɨ́ búʼó. Diʼee gá e lémé nkɔ́ɔ́. Diʼee gá e nkul.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

Éfɛsɔs 1:19

Mě jɨʼlá ntémé ó, bɨ̌n gʉ́ŋaa nkǔl nɨ́nɨ́ɨ́ nyé, nyaá dí entaǎ sá yɨ́yɛ̂h nyɨ́. Bɨ̌n gʉ́ŋaa ntémé mpʉ nyé dí enze mɨ́ná gá ɨ́ nkɔ̌m e nkǔl nɨ́nɨ́ɨ́ nyaá yɨ́. Nyě gbɨ́gbá nkûl nyé nyɨnyɛ̂h ó, lɨ́ esúʼo mɨ́ná gâ, bʉr o b'á dyêʼ koo e né bá.

Éfɛsɔs 3:16

Mě jɨʼlá e né ó, nye gbâʼ bɨ̌n nkul ɨ́ milémé mín tʉ́ŋlʉ̌ e nzɨ̌ Sísǐm wé lɨ́ esú ó, bɨ̌n díʼee e nkul nyaá ɨ́ miléme lwɨ́ŋlá, lɨ́ edû mpwâʼ kûm nyé.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

2 Timotɛ 2:1

Mwân wǎm, go náǎ ó e nkul dí eduho ɨ́ metyɛʼ me mpóm Nzyɛ̌m á sʉ go, ɨ́ nzɨ̌ mé Yésʉs-Krîst má nyɨ́.

Filipi 4:8

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

Filipi 3:1

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó, sohaa gá ɨ́ mpúhlá nyɨ́n e Tî Yésʉs. Yé akɔbla mé ó, me báʼa cɛmǎ sá mê nyɛɛ cɛmá bɨ́n yɨ́. Yé ntémé ó mé múo nzě sâ lɨ́ esú é nyɔm wɨ́n yɨ́.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

1 Yʉanes 2:14

Osɔ́ŋ, mě cɛmá bɨ́n ó, ebě, bɨ̌n bɨ́ gʉ́a mʉ̂r á boo be, kʉ́ e sí apǎ bě kuhá nyá. Biloʼo, mě cɛmá bɨ́n ó, ebě, bɨ̌n bé e nkul. Lwǐb mé Nzyɛ̌m, yé lɨ́ edi ɨ́ milémé mín. Bɨ̌n ntémé, bɨ̌n bɨ́ ntaǎ Sátan.