Éfɛsɔs 5:8 - Kálar Nzyɛ̌m : Ejwán é Sáá

⁸ Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

Kálara Zyɛ̌m Edwán é mpʉ̌n

⁸ Molu pihe, bɨn bé a be-be ó é l'edurʉ. No ó, banana, bɨn mu ó é myɛn, duho é zyɛŋa win boo Da Yesʉs. No ó, kœʼœ ga ebò e cyen ndɨ ejala e bʉr o ndɨ é myɛn ɨ.

Éfɛsɔs 5:8 ပူးပေါင်းရင်းမြစ်များ

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Kolosi 1:13

Nzyɛ̌m, nyɨ́ dwih mɨ́ná gá le onɔ́ɔ́ ɨ́ mpél édúrʉ́ʉ́, ntɛŋ mɨ́ná gá ɨ́ mpóʼo Mwâ kpɛ̌l wé dí ejwɨ́ɨ nyɨ́.

Yʉanes 12:46

Mɛm á nze ɨ́ sí yɨ̂ʼ ó, me pánaa myɛ́n, ó mʉr nyɨnyɛ̂h dí edyêʼ koo e me nyá, nkʉ̂ duho lɨ́ edúrʉ́ʉ́, tô pyâl ɨ́ myɛ́n.

Éfɛsɔs 4:18

Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.

Yʉanes 12:36

Dyɛ́ʼwáá gá e njʉl waá ɨ́ jɔʼ wé dína lɨ́ epǎn myɛ́n yɨ́. Nó yaá ó bɨ́n ngá sûʼla bʉ̂r ó myɛ́n yɨ́.» Jɔ̌ʼ Yésʉs á be ɨ́ lwib nó yɨ́, nye nzě laa, tó swab bê.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Lʉkas 16:8

Sɔ́ŋ waá nzě sêʼlě bɨ́bla mbɔ̂ʼlʉ ekúró waá, ebě, nye á si kûhlo mepɨʼ nó, ebě, bʉr ó sí yɨ̂, bé lɨ́ ekʉ́ gwá kûhlo mépɨʼ páʼ nyɔ́ɔ́, laa bʉ̂r o mé Nzyɛ̌m.»

Éfɛsɔs 6:12

Ebě, yé abe ó, mɨná tɛ́l gá ó e bʉr ó sí yɨ̂. Mɨná lwímlá gá ó, le misísǐm mi dí milʉ̂ mí, le myaá mi nkûl, le myaá mi dí ejwɨ́ɨ ɨ́ mpóʼo edúrʉ́ʉ́ lɨ̂ʼ mí, le meleme me dí páʼ jʉ́o le ejwoo má.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

Lʉkas 1:79

Nye ókʉn ntémé menzɨ̌ me bʉ̂r o b'á bɨbe lɨ́ edúrʉ́ʉ́ bá. Baá bé á bɨbe ɨ́ ka sóo bá, bé mû ó, sí tiʼe. Nye ólɛ̂ʼle mɨ́ná gá mpʉ mɨ́ná jálá le edûdu gá kʉ̌ tyen mpâ, mɨ́ná gá le onɔ́ɔ́ nkʉ̂ didi ɨ́ mepyɛbla yɨ́.»

2 Korɛnt 6:14

Akǎ báʼǎ bâʼra gá e bʉr o dí adyɛ̂ʼwo e Nzyɛ̌m bá, ebě, wáǎ mbi mpúhlá tîtyěl mʉr, bé e bɨ́bla mʉ̂r dí tɨ̂ʼ nyɨ́? Ngɨ́ngéŋ le edúrʉ́ʉ́, byé e nkul epûhla nyá?

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Rôm 2:19

Go jwɨʼ ó, go ó jálá le elɛ̂ʼle báántím nzɨ̌. Nkʉ̂ ó, go ó jálá le ekʉn bʉ̂r o dí lɨ́ edúrʉ́ʉ́ bá nzɨ̌.

Yʉanes 1:9

Njʉl waá wé omér ó b'á pan mpǎŋ myɛ́n. Wé lɨ́ epǎn myɛ́n ɨ́ sí yɨ̂, lɨ́ ekʉn bʉ̂r bɨ́bɛ̂h nzɨ̌ twiʼ.

Mataos 4:16

Kúl bʉ̂r yé á be lɨ́ entima lɨ́ edúrʉ́ʉ́ yɨ́, yɨ́ beě myɛ́n ɨ́ bwaʼbwaʼ. Bʉr bé á be lɨ́ edi ɨ́ nkom nkom bá, bɨ́ beě myɛ́n lɨ́ epan ɨ́ sí yɔ́ɔ́!”

Galásia 5:25

Yé bé yê tyeetye ó, mɨná dí gá ɨ́ mpúhlá e Sísǐm mé Nzyɛ̌m nó, mɨná dúʼoo gá nzɨ̌ Sísǐm mé Nzyɛ̌m dí etɨ́e gá mɨná nyɨ́.

Rôm 1:21

Damá jóʼǒ mpʉ bé á kʉ gʉ́a ó, Nzyɛ̌m, nye ó tɨ̂ʼ yɨ́, bé á bé adwe nyé kûm jálá e né nyɨ́, nkʉ̂ pʉgʉ́ bá dwe nyé nzyǒo. Bé á jaa pɨpahle sɔ̂ʼ ó, njɨ bisâ bi dí abá be e nyɔm bí. Bé ó bigʉʼlʉgʉ́, lúʼo pɨ̂ʼ. Milémé myɔ́ɔ́, myé jaá di ó, njɨ lɨ́ edúrʉ́ʉ́.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Mɨlʉmlʉ 17:30

Jɔʼ myâ, bimpám bín, byé á be ó minjéʼe-Nzyɛ̌m. Nzyɛ̌m nyɨɛ á bé anyɛɛ́ nʉa bíjɔʼ bʉ̂r, bé á be ɨ́ gʉʼla bí byaá, gbâ ɨ́ nkɔb. Nó ó, ɨ́ báánâ, nye mû ó sí kǎ jébe bʉ̂r bɨ́bɛ̂h ɨ́ bigúmó bíbyɛ̂h ó, bé túmaa mikoo e misyóm myɔ́ɔ́ le edwira míléme.

Mataos 3:8

Gúmáá gá mimpaŋ mi mpúmó mi dí ejala e miléme mû sí dwira mí.

Yʉanes 12:35

Yésʉs, nye e bé ó: «Njʉl, wé dína lɨ́ epǎn myɛ́n kwá nyɨ́n njɨ mâ jɔʼ. Bʉŋlaa gá ɨ́ jɔ̌ʼ njʉl dína lɨ́ epǎn myɛ́n yɨ́, ebě, edúrʉ́ʉ́, lé ámû jaá go bɨ́n, ebě, mʉr dí etô le entíma lɨ́ edúrʉ́ʉ́ nyá, nyé agʉ́ǎ nko nyé dí etô yɨ́.

Rôm 13:12

Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

Kolosi 1:12

Bɨ̌h bé lɨ́ edwě Nzyɛ̌m Sɔ́ŋ nzyǒo, ebě, bɨ̌n bé á si bi nyɨ́n nkɔ̂b líʼe ɨ́ Mpóʼo nyé, jwɨʼ gwár e gwár e bʉ́ʉ́ bʉ̂r bɨ́bɛ̂h o dí egúmo e né bá. Bɨ̌n le onɔ́ɔ́ ó b'á tyenɔɔ ɨ́ myɛ́n.