Éfɛsɔs 5:32 - Kálar Nzyɛ̌m : Ejwán é Sáá

³² Wâm mbeá, mɛm Pɔ̂l ó wɨ̂: mɛ̌m bee ó, lwǐb ódîm nɨ̌ lɛ́ʼlé mɨ́ná gá ó, mveʼlě sá nɨ́nɨ́ɨ́ yɨ̂: lɔ̌b ébâ, wé mveʼle ó, Krîst, bé e Mbɛ̌r-Nzyɛ̌m.

Kálara Zyɛ̌m Edwán é mpʉ̌n

³² Lwib odim nɨ, yé elɛʼle bɨna ga ó bwaʼbwaʼ sɔʼɔ. Yé ó sa yé a taare folɔ, yaa ndɨ etiibe e Krɨst bé e Mbɛr-Zyɛm ɨ.

Éfɛsɔs 5:32 ပူးပေါင်းရင်းမြစ်များ

Mɨngwiha 21:2

Me á si bee ntémé nkana dí tí yɨ́: edwán é Yerʉ́zalɛm. Me á bee yé ó, ɨ́ jɔʼ yé á be, yé mû sí duho kwá mé Nzyɛ̌m ɨ́ jʉ́o kʉ́, sulo sí yɨ́. Yé á be ó kʉmsá mpʉ̌ bíŋ mʉ́má dí edweŋɔɔ bísá bí nyaŋá ó, yé óbwâm, tô nko njʉ̂m wé dí yɨ́.

2 Korɛnt 11:2

Ebě, me lɨ́ ebaʼ bɨ́n, mbɔʼ waá lɨ́ esyɛŋa e waá mé Nzyɛ̌m. Mbɔʼ waá, wé ó, ebě, sɔ́má yɨ́n, yé ó mpʉ̌ bíŋ éséhe mé á lîʼle kwá mé njʉ̂m wé yɨ́. Njʉ̂m waá, nye ó Krîst.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 3:29

Mbɛ̂l mʉmá ó dí e mʉmá. Só mé mbɛ̂l nyɨɛ títyɛ́b ɨ́ puuu ó, nye nkʉ̂ gʉ́a jôʼlo étyêl me mbɛ̂l. Nye lɨ́ ebuú soho lɨ́ ejóʼo étyél lé. Nó yaá ó mé dí ebuú soho ɨ́ báánâʼ yɨ́.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

1 Timotɛ 3:8

Jwɨʼ gwár e gwár yaá ntémé ó le odiâkɔn. Bé ɨ́ jala le edwe ményʉ́l mɔ́ɔ́ medile. Bé ayɨ́ di le ocábcab. Bé ajala le elɔ̂ʼwa ɨ́ menyoʼ, nkʉ̂ sáa bímɔnɨ́ byɔ́ɔ́ ɨ́ menzɨ̌ me dí onzyɛ́h ónzyɛ́h má.

Éfɛsɔs 5:31

Yê cɛmá ó: Sá tɨ̂ʼ ó mʉ́rʉ̂m óbɔ́ʼa e sɔ́ŋ, bé e nyɔ̌ŋ wé, tó pûhla e mʉmá wé yɨ́. Bé e nɔ́ɔ́ obá, bé ójaá kǎ sûʼla ó, ebɔ̂b e nzyeŋle, pʉ́m le ebo, púno gwár.

Éfɛsɔs 5:33

Yé ntémé, yê ɨ́ páʼ wɨ́n ó: mʉrʉ̂m nyɨnyɛ̂h, nye ɨ́ jala le ekpɛl mʉ́má wé ánta nye mpʉ nyé dí ekpɛl nyé mʉr tɨ̂ʼ yɨ́. Mʉmá, nye dwáawaa njʉ̂m wé.