Éfɛsɔs 5:28 - Kálar Nzyɛ̌m : Ejwán é Sáá

²⁸ Nó, ɨ́ páʼ ójʉ̂m, bé kpɛ́lɨɨ bʉbá bɔ́ɔ́ jwɨʼ gwár e gwár e mpʉ bé dí ekpɛl bé bʉr o tɨ̂ʼ yɨ́. Waá nyɨnyɛ̂h kpɛ́l mʉ́má wé nyá, nyě kpɛ̌l ntémé ó nyʉ̂l nyé nye mʉr tɨ̂.

Kálara Zyɛ̌m Edwán é mpʉ̌n

²⁸ No ó, é nko paʼ ojʉm, bé kpɛlɨ bʉba bɔɔ jwɨʼ gwar e gwar mpʉ bé lé ekpɛl bé bʉr o tɨʼ ɨ. Waa nyiwɛh ndɨ ekpɛl myɛl ɨ, nye ó waa ndɨ ekpɛl nye mʉr tɨʼ ɨ.

Éfɛsɔs 5:28 ပူးပေါင်းရင်းမြစ်များ

Éfɛsɔs 5:25

Bɨ̌n bʉrʉ̂m, mʉr nyɨnyɛ̂h, nye kpɛ́lɨɨ mʉmá wé mpʉ̌ Krîst á kpɛl Mbɛ̌r-Nzyɛ̌m yɨ́. Nye á si dwe twiʼ yé, lɨ́ ebúra e Mbɛ̌r-Nzyɛ̌m.

Mataos 19:5

Nye nzě báʼǎ lɛ́ɛ ó: «Sá tɨ̂ʼ ó mʉ́rʉ̂m óbɔ́ʼa e sɔ́ŋ e nyɔ̌ŋ, tó pûhla e mʉmá wé yɨ́. Bɨ́bɛ̂h obá, bé óbe ó, ebɔ̂b e nzyeŋle, pʉ́m le ebo.

Éfɛsɔs 5:33

Yé ntémé, yê ɨ́ páʼ wɨ́n ó: mʉrʉ̂m nyɨnyɛ̂h, nye ɨ́ jala le ekpɛl mʉ́má wé ánta nye mpʉ nyé dí ekpɛl nyé mʉr tɨ̂ʼ yɨ́. Mʉmá, nye dwáawaa njʉ̂m wé.

Éfɛsɔs 5:31

Yê cɛmá ó: Sá tɨ̂ʼ ó mʉ́rʉ̂m óbɔ́ʼa e sɔ́ŋ, bé e nyɔ̌ŋ wé, tó pûhla e mʉmá wé yɨ́. Bé e nɔ́ɔ́ obá, bé ójaá kǎ sûʼla ó, ebɔ̂b e nzyeŋle, pʉ́m le ebo, púno gwár.

Éfɛsɔs 5:29

Abe e mʉr dí enwim nyʉ̂l nyé, nye mʉr tɨ̂. Nye lɨ́ edwidwe nyʉ̂l nyé mede le ebaʼle nyê. Mbi ngwár waá ó Krîst dí ebaʼlě Mbɛ̌r-Nzyɛ̌m yɨ́.

1 Pyɛr 3:7

Ɨ́ jwɨʼ gwár yaá, bɨ̌n bɨɛ ojʉ̂m, diʼee gá mbɨ̂mbɨá, bɨ̌n e bʉbá bɨ́n. Bɨ̌n e gʉ́á ó, le mʉmá, le mʉrʉ̂m, mʉmá ó dí ɨ́ tyɛʼ, laa mʉ́rʉ̂m. Dwéʼ gá bé dúu, ebě, bɨ́ɛ ntémé óbi émbɨǎ Nzyɛ̌m á kɛʼ baá nyé á tíʼ bá lɨ́. Lé ó dí nkɔb líʼe nyɔ́ɔ́. Bɨ́n óbe, atíʼe nó wá, yé óbɛ̌m kɔbla bɨ́n ɨ́ jɔʼ bɨ́n dí ejɨʼla e Nzyɛ̌m yɨ́.