Éfɛsɔs 5:27 - Kálar Nzyɛ̌m : Ejwán é Sáá

²⁷ Ebě, nye á kpɛl ó, nye tyélɨɨ wé ɨ́ míh mé ɨ́ nkɛ́lɛm: abe le ebar, nkʉ̂ milur, nkʉ̂ yʉ́ʉ́ sɔ̂ʼ dí ɨ́ bébe yɨ́. Wé ójaá gúmo ó, njɨ e né, abe e sá ébébe nyé ónwâhle wé e tɨ̂.

Kálara Zyɛ̌m Edwán é mpʉ̌n

²⁷ Ebe, nye a kpɛl ó, wé nkʉʼ cyɛb é mih me é ncyɛh-ncyɛh: abe e l'ebar, nkʉ mɨlur, nkʉ yʉʉ sɔʼɔ ndɨ é bebe e. Wé ókʉ ka gumo ó njɨ e nye, abe e sa ebebe nye a ngbaa nwahle we e tɨ.

Éfɛsɔs 5:27 ပူးပေါင်းရင်းမြစ်များ

Kolosi 1:22

Nó ó, ɨ́ báánâ, Nzyɛ̌m, nyɨ́ sâ sáá páʼ nyɨ́n le onɔ́ɔ́, ó bɨ̌n nkʉ̂ pyâl ɨ́ míh mé e miléme ɨ́ sɔ́ɔ́ɔ́, abe e mebě, abe e sá ébébe nyé ódwe bɨ́n mebě e tɨ̂ʼ yɨ́. Nye á sâ saá nyaá ó, ɨ́ nzɨ̌ Mwân wé ɨ́ jɔʼ nyé á bîr twiʼ yé, le ekam ó, nyʉ̂l bipúno nyé, nye dwêʼ yɨ́.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

1 Pyɛr 1:19

ɨ́ metié mé Yésʉs-Krîst. Mé ó dí ndwéá dí ɨ́ buo ódimé wɨ́. Yésʉs-Krîst á be ó mpʉ mâ nteme dí abe e dyɛ̂m, abe ntémé e metyɛ́l nyá.

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

2 Korɛnt 11:2

Ebě, me lɨ́ ebaʼ bɨ́n, mbɔʼ waá lɨ́ esyɛŋa e waá mé Nzyɛ̌m. Mbɔʼ waá, wé ó, ebě, sɔ́má yɨ́n, yé ó mpʉ̌ bíŋ éséhe mé á lîʼle kwá mé njʉ̂m wé yɨ́. Njʉ̂m waá, nye ó Krîst.

Kolosi 1:28

Sá tɨ̂ʼ ó bɨ́h dí etúnǒ lɔ́ɔ́ mé Krîst páʼ bʉ̂r bɨ́bɛ̂h yɨ́. Bɨ̌h bé lɨ́ ecɨ̂l mʉ̂r nyɨnyɛ̂h. Bɨ̌h bé lɨ́ elɛ̂ʼle bʉ̂r bɨ́bɛ̂h le ocwóó wɨ́wɛ̂h, ó bɨ̌h nkʉ̂ tyêl bé ɨ́ míh mé Nzyɛ̌m, bé osí pǎ gwá tɔ́ma ɨ́ mipáʼ mímyɛ̂h ɨ́ nzɨ̌ mé Krîst.

2 Korɛnt 4:14

Ebě, bɨ̌h bé lɨ́ ekʉ́ gʉ́a ó, waá á pɛh Tî Yésʉs, dwih nyé lɨ́ odwe nyá, nye ntémé ópɛh mɨ́ná gá le onɔ́ɔ́. Nyé otyêl mɨ́ná gá ɨ́ míh mé, ɨ́ gúmó Yésʉs dí yɨ́.

Yʉ̂d 1:24

Kûm, mpwaʼ, nkul le jwɨ́ɨ, byé díʼee e mʉr dí e nkul ekamle e bɨ̌n ó, bɨ̌n sá atwe, waá ntémé dí e nkul etyêl bɨ́n ɨ́ míh mé, abe e sá ébébe nyé óboʼlo bɨ́n e tɨ̂, le bisʉhʉʉ ɨ́ buo buo nyá.

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

Yʉ̂d 1:21

Baʼlaa gá bicwiʼ bín, lɨ́ edi baá Nzyɛ̌m dí ekpɛl bá. Bɨ̌n e bónó móhó Tî gá wɨ́ná Yésʉs-Krîst ngá báʼǎ nze wɨ́. Nye ónze ó, nzě jɨ̂ʼ mɨ́ná gá nkoó. Bónáá gá nye. Nye ódi e bɨ̌n ó, tô tóʼ, tó pyâl pyáláa ɨ́ twǐʼ njʉ̌m dǐ.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

Mɨngwiha 14:4

Bɨ́haá, bé á bé akúna e bʉbá, nkʉ̂ lœʼ ményʉ́l mɔ́ɔ́. Bé dína ó bibíŋ. Bé á be lɨ́ edû Mâ Nteme gúmó yɨ́yɛ̂h nyé á tʉtô yɨ́. Bé ó baá Nzyɛ̌m á dwih ɨ́ mpila ébébe bá. Bɨ́ɛ ó dí tôm á twámɔɔ Nzyɛ̌m, bé e Mâ Nteme wɨ́.