Éfɛsɔs 5:26 - Kálar Nzyɛ̌m : Ejwán é Sáá

²⁶ Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

Kálara Zyɛ̌m Edwán é mpʉ̌n

²⁶ Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.

Éfɛsɔs 5:26 ပူးပေါင်းရင်းမြစ်များ

Yʉanes 15:3

Bɨ̌n mû ó mipubá ɨ́ lɔ̌b mílɛ́ʼlá mê dwé bɨ́n mí.

Ebrœ̂ 10:22

nó mɨ́ná jálá le esîhle gá bǎʼ e Nzyɛ̌m, abe e mesónó ɨ́ miléme, e milémé lwɨ́ŋlá e búʼó yɨ́. Milémé gá míná, myé mû ó mipubá. Menyʉ́l gá mɨ́ná mɨ́ɛ, mé mé ó minjwɨá e medíbé me dí ɨ́ ntyɛ́h ntyɛ́h má.

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

Éfɛsɔs 6:17

Biʼee gá twǐʼ njʉ̌m dǐ. Yé díʼee bɨ̌n mpʉ̌ ntʉ́m dɔ̂m. Bɨ̌n e nʉ́á lwǐb mé Nzyɛ̌m. Yé díʼee bɨ̌n mpʉ pâsôŋ Sísǐm mé Nzyɛ̌m dí etímle bɨ́n nyá.

1 Yʉanes 5:6

Yésʉs-Krîst, nye ó mʉr á duŋɔɔ e medíbé, báʼǎ duŋɔɔ e metié lɨ́ eswie ɨ́ kolôs nyá. Nye á bé anzě duŋɔɔ̌ njɨ e medíbé mé omér. Ndubó wé, wé á be ó e medíbé ndu e metié. Sísǐm mé Nzyɛ̌m ó dí eboʼlo ɨ́ lɔ̌b ndubó wé. Nyě boʼló nó ó, ebě, nyě le otyeetye.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

1 Pyɛr 3:21

Medíbé maá, mé mveʼle ó, ndubó dí etíʼ bɨ́n ɨ́ báánâʼ wɨ́. Ndubó gá wɨ́ná, wé atíʼ mɨ́ná gâ ɨ́ lɔ̌b wé dí epɛʼ mɨ́ná gá mebomo. Wé tíʼ mɨ́ná gá ó, ebe wé dí gwɨ́má yɨ́ná ó, Nzyɛ̌m púbaa mɨná gâ, tó kumo ɨ́ milémé gá míná tʉ́ŋlʉ̌, ó mipahlá mi tɨ̂ʼ nkʉ̂ di ɨ́ pyɛɛɛ. Wé pubo mɨ́ná gá miléme myaá ó, ɨ́ nzɨ̌ pahá sóo mé Yésʉs-Krîst.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Mɨlʉmlʉ 22:16

Nó ó, gǒ kǎ bóno yé ɨ́ báánâ? Gbɔlwaa sí. Go e dúŋɔɔ, jwɨɔɔ ɨ́ páʼ bísyɛ́ɛla bí ébébe byô, lɨ́ ekɛn díé mé Yésʉs.”»

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

Yʉ̂d 1:1

Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Yʉanes 17:7

Bé lɨ́ egʉ́a ɨ́ báánâʼ ó, sá yɨ́yɛ̂h gó á dwe me yɨ́, yé á duho ó kwá nyǒ.

Jacques 1:18

Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

Yʉanes 15:8

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Yʉanes 13:10

Yésʉs, nye e né ó: «Mʉr mû sí boó jwɨa nyá, nyé akǎ jala le ebáʼǎ jwɨɔɔ, alaa ó njɨ mekʉ̌, ebě, nye ó nyʉ̂l nyɨnyɛ̂h njwɨá. Bɨ̌n bé ó minjwɨá. Sâ gwár, ntʉ bɨ́n bɨ́bɛ̂h dí minjwɨá.»

Rôm 10:8

Mekaná mé Nzyɛ̌m mɨ́ɛ lɛ́ɛ́ ó: Lɔ́ɔ́ mé Nzyɛ̌m, wé ó bǎʼ e go. Wé ó, ɨ́ num gô tʉ́ŋlʉ̌. Wé ó dí ɨ́ lémé gô tʉ́ŋlʉ̌ wɨ́. Lɔ́ɔ́ ngwár e ngwár waá, wé ó waá bɨ́h dí etúno ó, bʉr bûʼlaa wé wɨ̂.

2 Korɛnt 11:2

Ebě, me lɨ́ ebaʼ bɨ́n, mbɔʼ waá lɨ́ esyɛŋa e waá mé Nzyɛ̌m. Mbɔʼ waá, wé ó, ebě, sɔ́má yɨ́n, yé ó mpʉ̌ bíŋ éséhe mé á lîʼle kwá mé njʉ̂m wé yɨ́. Njʉ̂m waá, nye ó Krîst.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Ebrœ̂ 4:12

Lwǐb mé Nzyɛ̌m, yé ó sá dí kublakúbla yɨ́. Yé e nkul! Yé ntémé, yé ɨ́ bábla, laa pâsoŋ dí njebá myoo mipáʼ mímbá yɨ́. Ɨ́ jɔ̌ʼ Nzyɛ̌m dí elwib yɨ́, lwǐb yé, yé lɨ́ ekʉ́ bánǎ syɛ̂h bípúno, tó kumo ɨ́ mebɨ̌l, ntɔ̂ʼ pin bítíl bí nyʉ̂l ɨ́ mebʉó. Yé lɨ́ ekpâhlǎ gúmó léme ndu e sísǐm dí edira yɨ́. Yé lɨ́ epahle le egbâ mbɔ́ʼ ɨ́ miléme ndu e bijwɨʼ gá bíná.

Ebrœ̂ 10:14

Nyɨɛ á jaa dwe ó njɨ ndwéá ngwár, bʉr o b'á be ó, bé púbɔɔ bá, bé ntɔ̂ʼ pubɔɔ mbɨ̂mbɨá ɨ́ mipáʼ mímyɛ̂h. Bé ódidi nó ó, njʉ̌m dǐ e njʉ̌m dǐ.

Ebrœ̂ 10:29

Bʉr pǎ nyɛɛ́ jʉ́ŋɔɔ ɨ́ lɔ̌b ébɨ̌h bé sá métié mé Moyɨ̂z lɨ́, á dwɛʼra e mʉr dí etyéele Mwân mé Nzyɛ̌m sí mebo mé nyá! Nye ókʉ́ jala e bibɨ́bla bíntɨ́ʼá, laa náǎ, ɨ́ lɔ̌b jwɨʼ yé yɨ̂: metié Krîst á pyêl, lɨ́ esâ édwán é sáá e mé má, mé mû nye ó tʉ̂toʼó, nyɨɛ yɨ́ɛ sí pǎ pubɔɔ e tɨ̂! Bɨ̌n jwɨʼ nyá ɨ́ lɔ̌b mʉ̂r á pya Sísǐm mé Nzyɛ̌m wé á nyɛɛ sâ nye mpam wɨ́ nyá? Mʉr tɨ̂ʼ ókǎ sáŋɔɔ nyá ɛ́?

Ebrœ̂ 13:12

Yésʉs á kʉ be ntémé ó nó. Nye á to sia e mitúú ó, ɨ́ nkanǎ kʉ̌l. Nye á sâ nó ó, nye púbaa kúl bʉ̂r yé e metié mé nye mʉr tɨ̂.

2 Pyɛr 1:9

Sâ gwár, mʉr dí asâ bísyɛ́ɛla bimpâ byaá nyá, mejwôʼlʉ mé, mé atô lɨ́ ejaa. Nye ó mpʉ ántím. Nye lɨ́ ejɨha ó, Nzyɛ̌m á be ó sí pubo nyê, lɨ́ epɛʼ mísyóm nyé á be e myé mélú mé épíhe mí.