Éfɛsɔs 5:24 - Kálar Nzyɛ̌m : Ejwán é Sáá

²⁴ Nó ó, jwɨʼ gwár mpʉ̌ Mbɛ̌r-Nzyɛ̌m dí esâ Krîst mejóʼo yɨ́, bʉbá, bé ɨ́ jala le esâ ójʉ́m bɔ́ɔ́ mejóʼo ɨ́ sá yɨ́yɛ̂h.

Kálara Zyɛ̌m Edwán é mpʉ̌n

²⁴ No ó, jwɨʼ gwar e gwar mpʉ Mbɛr-Zyɛm lé esa Krɨst mojoʼo e, bʉba, bé ejala le esa ojʉm bɔɔ mojoʼo é mozi mɨmɛh.

Éfɛsɔs 5:24 ပူးပေါင်းရင်းမြစ်များ

Éfɛsɔs 5:33

Yé ntémé, yê ɨ́ páʼ wɨ́n ó: mʉrʉ̂m nyɨnyɛ̂h, nye ɨ́ jala le ekpɛl mʉ́má wé ánta nye mpʉ nyé dí ekpɛl nyé mʉr tɨ̂ʼ yɨ́. Mʉmá, nye dwáawaa njʉ̂m wé.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

Kolosi 3:20

Bwân, sáʼ gá obyɛ̂l bɨ́n mejóʼo, ebě, Tî Yésʉs, nye lɨ́ ebeě syɛ́ɛla yaá mbɨ̂mbɨá.

Títos 2:9

Bitúʼǎ, byé ɨ́ jala le edi ɨ́ jwɨ́ɨ́ ósɔ́ŋ bɔ́ɔ́ ó, ɨ́ bijɔʼ bíbyɛ̂h. Byé sáŋaa menzɨ̌ ó, ojwɨ́ɨ́ bɔ́ɔ́, bé béyɨɨ bisyɛ́ɛla byɔ́ɔ́ mbɨ̂mbɨá. Byé ayɨ́ do e bê.

Kolosi 3:22

Bitúʼǎ, sáʼ gá ojwɨ́ɨ́ bɨ́n mejóʼo ɨ́ sá yɨ́yɛ̂h. Asâ gá bé mejóʼo njɨ ɨ́ jɔʼ bé dí edwɛ̂ʼ bɨ́n yɨ́. Syɛ́ɛla yaá, yé lɨ́lɛ́ʼlé ó, bɨ̌n kolo bé ó, koláa. Bɨ̌n bʉr o dí edwáawo Tî Yésʉs bá, sáʼ gá nye mejóʼo e milémé mín mímyɛ̂h.

Lʉkas 10:17

Bʉr mekám nzaangbá le obá baá, mpúla bé á búla nyɨ́, bisʉhʉʉ, byé á be bé ɨ́ miléme ó lwɨ́ŋlá. Bé ó: «Dâ ɛ̌, meleme, mé lɨ́ esâ bɨ́h mejóʼo ɨ́ jɔʼ bɨ́h dí eso mé e nzɨ̌ díé lô yɨ́!»

Éfɛsɔs 5:23

Ebě, mʉrʉ̂m, nye ó lʉ́ mʉ́má wé, mpʉ̌ Krîst dí lʉ́ Mbɛ̌r-Nzyɛ̌m yɨ́. Krîst mʉr tɨ̂ʼ ó dí Tiʼbʉr ɨ́ pâʼ Mbɛ̌r-Nzyɛ̌m, dí nyʉ̂l nyé wɨ́.

Éfɛsɔs 5:25

Bɨ̌n bʉrʉ̂m, mʉr nyɨnyɛ̂h, nye kpɛ́lɨɨ mʉmá wé mpʉ̌ Krîst á kpɛl Mbɛ̌r-Nzyɛ̌m yɨ́. Nye á si dwe twiʼ yé, lɨ́ ebúra e Mbɛ̌r-Nzyɛ̌m.