Éfɛsɔs 5:23 - Kálar Nzyɛ̌m : Ejwán é Sáá

²³ Ebě, mʉrʉ̂m, nye ó lʉ́ mʉ́má wé, mpʉ̌ Krîst dí lʉ́ Mbɛ̌r-Nzyɛ̌m yɨ́. Krîst mʉr tɨ̂ʼ ó dí Tiʼbʉr ɨ́ pâʼ Mbɛ̌r-Nzyɛ̌m, dí nyʉ̂l nyé wɨ́.

Kálara Zyɛ̌m Edwán é mpʉ̌n

²³ Ebe, mʉrʉm, nye ó lʉ mo myɛl, mpʉ Krɨst ndɨ lʉ Mbɛr-Zyɛm ɨ. Krɨst nye mʉr tɨʼ ó ndɨ Tiʼbʉr é nko paʼ Mbɛr-Zyɛm, ndɨ nyʉl we e.

Éfɛsɔs 5:23 ပူးပေါင်းရင်းမြစ်များ

Kolosi 1:18

Mɨ́ná jwɨ́ʼ gá Mbɛ̌r-Nzyɛ̌m e nyʉ̂l mʉr nó, lɛ́ɛ́, Krîst ó dí lʉ̂. Twiʼ dwân, yé á táare ó e nye. Nye ó mʉr esôʼ á pah, duho lɨ́ odwe nyá. Mpʉ nyé dí nó yɨ́, nye ó dí elaǎ sá yɨ́yɛ̂h ɨ́ medile.

Éfɛsɔs 4:15

Tó kœb ó, mɨ́ná lɛ́ɛ́ gá otyeetye tʉ́ŋlʉ̌ kpɛ̌l nó, mɨná bé ógwɨ́e le ebwaʼ gâ, tótôʼ, tó pyâl ɨ́ jɔʼ mɨ́ná ngá di gá mbɨmá ɨ́ Krîst tʉ́ŋlʉ̌, mʉr pá dǐ lʉ̂ gá wɨ́ná nyá.

1 Tesalonika 1:10

Bé lɨ́lɛ́ɛ́ ntémé ó, bɨ̌n mû ó lɨ́ ebóno Mwân mé Nzyɛ̌m ngá duho ɨ́ jʉ́o kʉ́ nyá. Nye ó waá Nzyɛ̌m á pɛh, dwih lɨ́ odwe nyá. Yésʉs waá ó b'á tíʼ mɨná gâ, lɨ́ esâ ó Nzyɛ̌m sá alɛ̂ʼle mɨ́ná gá nkpaa nyé ɨ́ móhó nyé ótíʼe mílɔ̌b wɨ́. Móhó waá, wé mû ó kúno epyâl.

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

1 Korɛnt 6:13

Bé lɨ́lɛ́ɛ́ ntémé ó: «Mede, mê tɨ̂ʼ ó, lɨ́ esú é mo. Mo ntémé, lɨ́ esú é méde.» Yé ó nó. Sâ gwár, Nzyɛ̌m ógbah bíbyɛ̂h, ebě, nyʉ̂l mʉr, nyé abe ó, nye díʼee lœʼá ɨ́ nzɨ̌ bijoó. Nye tɨ̂ʼ ó, lɨ́ esú lé éséa e Tî Yésʉs syɛ́ɛ́. Tî Yésʉs, ntémé, nye tɨ̂ʼ ó, lɨ́ esú é ményʉ́l gá mɨ́ná.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Éfɛsɔs 5:24

Nó ó, jwɨʼ gwár mpʉ̌ Mbɛ̌r-Nzyɛ̌m dí esâ Krîst mejóʼo yɨ́, bʉbá, bé ɨ́ jala le esâ ójʉ́m bɔ́ɔ́ mejóʼo ɨ́ sá yɨ́yɛ̂h.

Mɨngwiha 19:7

Mɨná sóhaa gá ɨ́ buo buo. Mɨná gúmlaa gá nye, ebě, jɔʼ yé, yɨ́ pyâl! Mâ Nteme múo nzě bâ mʉ́má wé! Mʉmá waá mû ó kʉmsá!