Éfɛsɔs 5:21 - Kálar Nzyɛ̌m : Ejwán é Sáá

²¹ Sɨ́sáʼ gá mejóʼo páʼ nyɨ́n, ebě, bɨ̌n bé lɨ́ edwáawǒ Krîst.

Kálara Zyɛ̌m Edwán é mpʉ̌n

²¹ Filɨ ga monyʉl si paʼra win, ebe, bɨn bé edwaabe Krɨst.

Éfɛsɔs 5:21 ပူးပေါင်းရင်းမြစ်များ

Filipi 2:3

Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Éfɛsɔs 5:24

Nó ó, jwɨʼ gwár mpʉ̌ Mbɛ̌r-Nzyɛ̌m dí esâ Krîst mejóʼo yɨ́, bʉbá, bé ɨ́ jala le esâ ójʉ́m bɔ́ɔ́ mejóʼo ɨ́ sá yɨ́yɛ̂h.

Éfɛsɔs 5:22

Bɨ̌n bʉbá, sáʼ gá mejóʼo le ojʉ́m bɨ́n mpʉ bɨ́n dí esâ Tî Yésʉs mejóʼo yɨ́.

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

1 Pyɛr 2:17

Dwéʼ gá bʉr bɨ́bɛ̂h dúu. Kpɛlɨɨ gá bɨ́ɔɔ́ gá bɨ́ná. Jwááwáá gá Nzyɛ̌m. Dwéʼ gá njwɨ́ɨ sí yɨ́n dúu.

1 Timotɛ 3:4

Tyɛ̂b esôʼ Mbɛ̌r-Nzyɛ̌m mbɨa ó, di mʉ̂r dí egwá jwɨ́ɨ̌ mbɛ̌r bʉ̂r wé nyá. Bwán bé, bé ɨ́ jala le esâ nyé mejóʼo, lɨ́ elɛ̂ʼlě mpʉ bé jálá le edwe ményʉ̂l medile yɨ́.

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

1 Timotɛ 2:11

Yé jala ó, mʉmá díʼee ɨ́ puuu ɨ́ jɔʼ nyé dí ejɨ̂ʼ mílɛ́ʼlá yɨ́. Nye sâʼ lɛ̂ʼla wé mejóʼo e menzɨ̌ mɨ́mɛ̂h.

1 Korɛnt 16:16

bɨ̌n sâʼ mimbi mi bʉ̂r mínɨ̌ mejóʼo, bé e bʉr o bé e boo nɔ́ɔ́ dí eséa e nkul bá.

1 Pyɛr 2:13

Sáʼ gá otyɛ̂b bé ésôʼ o dí etyélɔɔ bá mejóʼo, ɨ́ lɔ̌b mé Tî Yésʉs. Sáʼ gá njwɨ́ɨ sí yɨ́n mejóʼo, ebě, nye ó dí lʉ́ ótyɛ̂b bé ésôʼ bɨ́bɛ̂h.

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

2 Korɛnt 5:11

Bɨ̌h bɨ́ gʉ́ǎ sá dí esâ ó, mʉr jóʼaa Nzyɛ̌m bʉ́á yɨ́. Sá tɨ̂ʼ ó bɨ́h dí etô le edulo bʉ̂r yɨ́. Nzyɛ̌m, nyɨ́ kʉ́ gʉ́ǎ mpʉ bɨ́h dí yɨ́. Mpûʼla, nye me ɨ́ léme ó, mipahlá mílémé mín, mí gʉ́a bɨ́h ntémé nó.