Éfɛsɔs 5:18 - Kálar Nzyɛ̌m : Ejwán é Sáá

¹⁸ Mʉ̌r sá apuro ményoʼ, ebě, mʉr dí elɔ̂ʼwa lɨ́ ede ményoʼ nyá, nyě dímlé ó lʉ́ wé. Diʼee gá lwɨ́ŋlá e Sísǐm mé Nzyɛ̌m.

Kálara Zyɛ̌m Edwán é mpʉ̌n

¹⁸ Afwaʼ ga monwoʼ. Mé esa ó, mʉr dimla tiʼ modile ye. Diʼe ga yɛɛ lwɨŋla e Mbɨambɨa Sisim.

Éfɛsɔs 5:18 ပူးပေါင်းရင်းမြစ်များ

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

Lʉkas 1:15

Ebě, nye óbe ó ánɨ̂nɨ̂n mʉr ɨ́ míh mé Dâ Nzyɛ̌m. Nye ákóʼó de ményoʼ me dí epura má. Nye óbe ó lwɨ́ŋlá e Sísǐm mé Nzyɛ̌m, nye dína ɨ́ mo nyɔ́ŋ.

1 Korɛnt 5:11

Me bé ó, me tílaa bɨ̌n ó, bɨ̌n ayɨ́ be e ndwáala e mʉr dí elɛ́ɛ ó, nye ó mbûʼla, nyɨɛ yɨ́ɛ lɨ́ esâ bímolá, nkʉ̂ waá dí e mpuo bigwɨ́má nyá, nkʉ̂ mʉr dí edwe bíkpɛʼkpɛ̂ʼ bí ónzyɛ̌m kûm nyá. Bɨ̌n bé ayɨ́ be e ndwáala e mʉr melwɨ́ɨ, nkʉ̂ nyʉnyóʼ, nkʉ̂ ndíblʉ̌. Bɨ̌n bé ayɨ́ pûhla mébô lɨ́ ede e mimbi mi bʉ̂r myaá.

Mɨlʉmlʉ 11:24

Banabâs á be ó mbɨambɨa mʉr, lwɨ́ŋlá e Sísǐm mé Nzyɛ̌m ndu e búʼó. Bʉr ɨ́ buo buo, bé á si dyɛ̂ʼwo e Tî Yésʉs.

1 Tesalonika 5:7

Ebě, baá o dí ejâ bíjô bá, bé já ó, ɨ́ pum. Minyʉnyóʼ, myé puro ményoʼ ó, ɨ́ pum.

Lʉkas 12:45

Syɛ̂l mesâ waá sí jwɨʼ ɨ́ lémé wé tʉ́ŋlʉ̌ ó: “Yé ó go ó, Sɔ́ŋ wǎm álɨ̌ búla” nɛ́ɛ: nye óbɛ̌m táare ébî bʉ́ʉ́ ósyɛ̂l o mésâ, bʉbá e bʉrʉ̂m. Nye bɛ̌m táare ntémé ede méde le menyoʼ, le epuro ményoʼ.

Lʉkas 11:13

Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

1 Korɛnt 6:10

mindíblʉ̌, bʉr o bígwɨ́má, minyʉnyóʼ, bʉr o mélwɨ́ɨ, baá dí edɛn bímɔnɨ́ byé onkán bá: bʉr baá, bé álîʼ e nkɔb nyɔ́ɔ́ ɨ́ Mpóʼo mé Nzyɛ̌m.

Títos 1:6

Go ópɛ̂h tyɛ̂b esôʼ Mbɛ̌r-Nzyɛ̌m ó, mʉr dí apǎ dweŋɔɔ mébě nyá. Nye díʼee njɨ e mʉmá ngwár. Bwán bé, bé díʼee bʉr o dí edyêʼ koo e Yésʉs bá. Bʉr, bé ajala le elɛ́ɛ, dumo e bwân bé ó, bé lɨ́ elɔ̂ʼwa lɨ́ esâ ébébe. Bé sá alɛ́ɛ ntémé ó, bɨ́ɛ bé asâ sɔ́ŋ wɔ́ɔ́ mejóʼo.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

1 Korɛnt 11:21

Jɔʼ bɨ́n mû lɨ́ edɨ́ɨ́ lɨ́n laá yɨ́, mʉr nyɨnyɛ̂h jaá susuo ó, njɨ nyɨɛ dêʼ. Tó kœb ó, nyâ, nyé abe e péh dœʼ; nyʉ́ʉ́ nyɨɛ ɨ́ mpur menyoʼ.

Mataos 23:25

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ esohlo bísʉ́á le bikɔ̂b nko míkoo. Tó kœb ó, bɨ̌n bí kaale bísʉ́á byaá e bisá bɨ́n á pa dɛn bí, mpʉ bɨ́n dí, agʉ́a émâr míléme yɨ́.

Mataos 24:49

Nye óbɛ̌m táare ébî bʉ̂r ó njoo yé, nzě de méde le menyoʼ, bé e minyʉnyóʼ.

Yʉanes 2:10

Nye e né ó: «Mʉr nyɨnyɛ̂h, nyě nyɛɛ́ dwe ó, menyoʼ mempâ. Píe tɨ̂, maá me dí pâʼ e tɨ̂ʼ má, ɨ́ jɔʼ bʉ̂r o nzɔ́ɔ óbe, bé mû sí buú bɛble yɨ́. Sâ gwár, gua bé ɨ́ komo ményoʼ me dí ɨ́ mbɨa má, kumo ɨ́ báánâ.»