Éfɛsɔs 5:16 - Kálar Nzyɛ̌m : Ejwán é Sáá

¹⁶ Séáá gá mbɨ̂mbɨá ɨ́ mpǎŋ bijɔʼ bi dí epyâl bɨ́n bí, ebě, melú mɨ́ná dí etiʼe gá mâ, mé ɨ́ bébe.

Kálara Zyɛ̌m Edwán é mpʉ̌n

¹⁶ Gʉa bɨlan ga e mopʉla mɨmɛh bɨn lé ebi ɨ, ebe, molu bɨna lé etiʼe ga ma, mé é bebe.

Éfɛsɔs 5:16 ပူးပေါင်းရင်းမြစ်များ

Kolosi 4:5

Tiʼaa gá le ocwóó ɨ́ míh mé bʉ̂r o dí abe ókrǐsten bá. Yé díʼee bɨ̌n jɔʼ bɨ́n jálá le esâ nó yɨ́.

Yʉanes 12:35

Yésʉs, nye e bé ó: «Njʉl, wé dína lɨ́ epǎn myɛ́n kwá nyɨ́n njɨ mâ jɔʼ. Bʉŋlaa gá ɨ́ jɔ̌ʼ njʉl dína lɨ́ epǎn myɛ́n yɨ́, ebě, edúrʉ́ʉ́, lé ámû jaá go bɨ́n, ebě, mʉr dí etô le entíma lɨ́ edúrʉ́ʉ́ nyá, nyé agʉ́ǎ nko nyé dí etô yɨ́.

Éfɛsɔs 6:13

Sá tɨ̂ʼ ó mé dí elɛ́ɛ bɨ́n ó, nʉaa gá bisá bí dɔ̂m ɨ́ mebó mé Nzyɛ̌m yɨ́. Bébebébe móhó, wé ópyâl bɨ́n nó, bɨ̌n bé óbe e nkul elwímla. Bɨ́n óbe, sí lwímla, ɨ́ lwímla lwímla, ntaǎ sá yɨ́yɛ̂h nó, bɨ̌n bé otyɛ̂b mekʉ̌ sí ɨ́ sɨ́ŋ, apɨ́ŋla ɨ́ jɔʼ ébébe yaá.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

Rôm 13:11

Sáʼ gá nó, ebě, bɨ̌n bé lɨ́ egʉ́ǎ jɔʼ mɨ́ná gá mû tɨ̂ʼ yɨ́. Ɨ́ báánâ, yé ó jɔʼ bɨ́n jálá le ejɨma ɨ́ bijô yɨ́. Jɔ̌ʼ Nzyɛ̌m á boo pɛ̂h ó, nyě tǐʼ ó mɨ́ná gá yɨ́, yé mû ó kúno epyâl. Yé akǎ cɛrǎ mpʉ yé á nyɛɛ be ɨ́ jɔʼ mɨ́ná bé á nyɛɛ bûʼla gá yɨ́.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

1 Korɛnt 7:26

Ɨ́ lɔ̌b mítúú mɨ́ná dí esia gá e myé ɨ́ báánâʼ mí, mě beé ó, mʉ̌r mbɨa ó, tityɛ̂b njɨ ɨ́ tyé gwár Nzyɛ̌m á pa tyêl nye tɨ̂ʼ yɨ́.

Éfɛsɔs 6:15

Diʼee gá minkʉmsá lɨ́ esú ó, bɨ̌n túnaa Mbɨambɨa Lɔ́ɔ dí egbâ bʉ̂r mepyɛbla ɨ́ miléme wɨ́. Túnó waá, wé díʼee bɨ̌n mpʉ óngʉb.

Mataos 25:17

Waá ntémé á nʉa mebɨ́ʼ bímɔnɨ́ mebá nyá, nzě bi mʉ́ʉ́ mébá.