Éfɛsɔs 5:15 - Kálar Nzyɛ̌m : Ejwán é Sáá

¹⁵ Nó gwá dwɛ̂ʼ gá kʉ̌ tyen bɨ́n dí edû wɨ́. Atiʼe gá mpʉ bígʉʼlʉgʉ́. Tiʼaa gá mpʉ mípɨpɨ́ʼ.

Kálara Zyɛ̌m Edwán é mpʉ̌n

¹⁵ Ebe no, gʉa dwɛʼ ga mbi ebò e cyen bɨn lé ekœʼ œ. Akœʼ ga ebò e cyen mpʉ bɨgʉ, njɨ mpʉ mɨpɨpɨʼ.

Éfɛsɔs 5:15 ပူးပေါင်းရင်းမြစ်များ

Kolosi 4:5

Tiʼaa gá le ocwóó ɨ́ míh mé bʉ̂r o dí abe ókrǐsten bá. Yé díʼee bɨ̌n jɔʼ bɨ́n jálá le esâ nó yɨ́.

Jacques 3:13

Wáa mʉ̂r ɨ́ sɔ́má yɨ́n dí le ocwóó? Wáa mʉ̂r dí egʉ́a mékaná, sâ bínzololo? Yé jala ó, mʉr waá gʉ́ŋaa elɛ̂ʼle ócwóó wé ɨ́ nzɨ̌ mbɨambɨa kʉ̌ tyen nyé dí edû yɨ́. Nye sâʼ bisyɛ́ɛla bimpâ. Nye díʼee le njwɨr dí ɨ́ tala tala wɨ́. Mpaŋ ócwóó ó tɨ̂ʼ wɨ́.

Filipi 1:27

Sâ gwár, dúʼóó gá kʉ̌ tyen dí ejala e bʉr o dí ebúʼlǎ Mbɨambɨa Lɔ́ɔ́ mé Krîst bá wɨ́. Bɨ́n sá nó wá, me ókpɛl éjóʼǒ lɔ́ɔ́ búʼó yɨ́n ó, bɨ̌n dína ó ɨ́ mpúhlá e nzɨ̌ Sísǐm ngwár. Bɨ̌n bé lɨ́ egbâ nkûl lɨ́ edi e léme ngwár, le etye ɨ́ nzɨ̌ búʼó mpʉ̌ Mbɨambɨa Lɔ́ɔ dí elɛ̂ʼle yɨ́. Mě damá nze, nzě bee bɨ́n, nkʉ̂ ntémé di wâ, me ójóʼo yɨ́ɛ lɔ́ɔ́ tɨ̂.

1 Korɛnt 14:20

Bɨ́ɔɔ́ bâm! Okɛ́l bâm! Ayɨ́ kǎ pahle gá mpʉ bwá ó ntwǒm. Bɨ̌n bé óbɛ̌m baŋa bwá ó ntwǒm ɨ́ mpʉ bé dí asâ ébébe é léme yɨ́. Sâ gwár, ɨ́ nkǒ páʼ mípahlá mín míɛ, diʼee gá mpʉ ótɔ́má bʉ̂r.

1 Timotɛ 6:9

Tó kœb ó, bʉr o b'á tíʼe ɨ́ milémé myɔ́ɔ́ ó, bé óbi bísâ ɨ́ buo buo bá, bé lɨ́ eduma ɨ́ mebʉ́blá. Bé lɨ́ eswam bé bʉr o tɨ̂ʼ enkɔ́máá ɨ́ twíí. Bé lɨ́ emɛ́rɔɔ ɨ́ mpila bígwɨ́má ɨ́ buo buo. Bʉr o dí edû bígwɨ́má byaá bá, bé dú ó, sá dí ajwɨ̂ʼ yɨ́, le yaá dí edulo mítúú ɨ́ nyʉ̂l mʉr yɨ́. Bé e mbi bígwɨ́má dí edímle mʉ̂r, le ejʉ̂ nyé wɨ́.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

Mataos 10:16

«Paá bee gâ: mɨ́ lómo bɨ́n mpʉ bínteme páʼ onkœœ! Nó, gwá di gá le ocwóó. Cɨ́áá gá mpʉ ónyʉ́a. Bɨ̌n a tálá míléme mpʉ mépɨbaa.

1 Tesalonika 5:15

Mʉr abwóolo ébébe le ebébe. Sáʼ gá bisyɛ́ɛla bimpâ páʼ nyɨ́n e bʉr bɨ́bɛ̂h.

Lʉkas 24:25

Nó ó Yésʉs á nze lɛ́ɛ e bé ó: «Bɨ̌n bigʉʼlʉgʉ́, bɨ̌n bé ɨ́ buo mésónó, alɨ̌ bûʼlǎ lɔ́ɔ́ ógwíha o mílɔ̌b bé, bé á cɛma wɨ́.

Galásia 3:3

Wáǎ mbi bígʉʼlʉgʉ́ bɨ́n dí wɨ̂? Bɨ̌n nyɨɛ sí pǎ táare étiʼe ɨ́ nkul dí eduho e Sísǐm mé Nzyɛ̌m nyɨ́. Nó ó bɨ̌n kǎ kpɛl éswâhle ó e nkul dí eduho ɨ́ nyʉ̂l bipúno nyɨ́?

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!

Mataos 27:24

Mpʉ̌ Pilátos á bee ó, bé á bé akpɛl éjóʼo nyé yɨ́, le ebee ntémé ó, entumo e bʉ̂r, lé ámû sâ bíntʉ̌ yɨ́, nó ó nyé á nze nʉa medíbé, nzě jwɨɨ mébó mé ɨ́ mpǒm entumo e bʉ̂r laá. Nye ó: «Mé anʉa ntœ́b ɨ́ metié me mʉ̂r nyâ! Lɔ̌b wɨ́n ó nɨ̌!»

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Mataos 8:4

Yésʉs nzě lɛ́ɛ e né ó: «Alɛ́ɛ mʉ̂r lɔ̌b wɨ̂. Sâ gwár, tóʼ kwá opara. Tó lɛ̂ʼle bé nyʉ̂l. Go e dwé míndwéá Moyɨ̂z á boo cɛma tɨ̂ʼ ɨ́ metié mé mí, ndwéá gô nkʉ̂ lɛ̂ʼle bʉ̂r ó, gʉ́ tiʼe.»

Éfɛsɔs 5:33

Yé ntémé, yê ɨ́ páʼ wɨ́n ó: mʉrʉ̂m nyɨnyɛ̂h, nye ɨ́ jala le ekpɛl mʉ́má wé ánta nye mpʉ nyé dí ekpɛl nyé mʉr tɨ̂ʼ yɨ́. Mʉmá, nye dwáawaa njʉ̂m wé.

Kolosi 1:9

Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

Galásia 3:1

Bɨ̌n bʉr ó Galásia bé ó bigʉʼlʉgʉ́. Nzé á bana kʉ́a bɨ̌n? Báb, bé á si kʉ gwa lɛ̂ʼle bɨ̌n ɨ́ micɛmá, bɨ̌n nzě bee ɨ́ sʉ́lʉ́lʉ́ mpʉ̌ Yésʉs-Krîst á jʉ́ŋɔɔ ɨ́ kolôs kʉ́ yɨ́.

Mataos 27:4

Nye ó: «Mɨ́ sâ syóm, ebě, me sí bɛ́ma métié me mʉ̂r á be akúnwo e mpɨŋ nyá!» Nó ó bé á yala e né ó: «Á bɨ̌h bɨɛ, bé e wáǎ lɔ̌b tɨ̂? Lɔ̌b gô ó nɨ̌!»

Mataos 25:2

Bîʼ bítɛ̂n, byé á be ó bigʉʼlʉgʉ́. Byúú bítɛ̂n, ocwóó.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.