Éfɛsɔs 5:11 - Kálar Nzyɛ̌m : Ejwán é Sáá

¹¹ Mʉ̌r sá akǎ báʼǎ nʉa ntœ́b ɨ́ bisyɛ́ɛla bí édúrʉ́ʉ́. Bisyɛ́ɛla byaá, byé abe e nyɔm. Tinaa gá nkɔb nyɨ́n nyaá. Bɨ̌n a gwíh syóm dí tɨ̂ʼ wɨ́.

Kálara Zyɛ̌m Edwán é mpʉ̌n

¹¹ Mʉr beʼ l'atœb bɨsyɛɛla bɨ apum, sa ndɨ abe e nyɔm ɨ. Pyɛlɨ ga bɨdweʼle ndɨ elɛʼle ó, bʉr o ndɨ esa bɨsyɛɛla byaa ɛ, bé e mobe.

Éfɛsɔs 5:11 ပူးပေါင်းရင်းမြစ်များ

Rôm 13:12

Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

1 Timotɛ 5:20

Baá dí etô le esâ syóm dóló bá, cɨ́lɨ́ɨ́ bé ɨ́ kpɛŋlɛm. Jɔʼ yaá ó bʉ́ʉ́ bʉ̂r ó sɔ́má yaá ngá jóʼo bʉ́á yɨ́.

2 Tesalonika 3:6

Bɨ́ɔɔ́ bɨ́h! Okɛ́l bɨ́h! Bɨ̌h bé lɨ́ etɨ́e bɨ́n ɨ́ díé mé Tî Yésʉs-Krîst ó: bɨ̌n syɛ̂hlaa mɨ́ɔɔ́ wɨ́n nyɨnyɛ̂h dí esâ épɨ̂h nyá. Cɛraa gá e né, ebě, nyé anʉa métum bɨ́h á líʼe bɨ̌n e mé má, gbâ ɨ́ nkɔb.

Rôm 16:17

Nó ó, bɨ́ɔɔ́ bâm, me lɨ́ ejɨʼla e bɨ̌n ó, bɨ̌n e báʼ bʉ̂r o dí egbâ nzyɛ́ɛ́lá mecwíí páʼ bʉr e bʉr, le baá dí egbâ mebɔ̌ʼ ɨ́ nzɨ̌ me bʉ́ʉ́ bʉ̂r bá. Bé lɨ́ esâ nó ó, bé nkʉ̂ kamle e milɛ́ʼlá bɨ́n á dweŋɔɔ mí. Diʼee gá ncɛrá e bê.

Mɨngwiha 18:4

Me á si jóʼo nyʉ́ʉ́ twíí lɨ́ eduho ɨ́ jʉ́o kʉ́, lɨ́ elɛ́ɛ ó: Bʉr bâm, duhaa gá náǎ. Adi gá páʼ bʉr ónɨ̌, lɨ́ ekpɛ́ɛ ó, bɨ̌n bé ámû jaá syɛŋa e bé lɨ́ esâ mísyóm jwɨʼ gwár, sia ntémé e bintɨ́ʼá bimpwár bé ósia e byé bí.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.

2 Tesalonika 3:14

Mʉ̂r bé asâ bɨ́h mejóʼo ɨ́ jɔʼ bé jóʼó métwɨ́ɨ́ bɨ́h dí etɨ́e bɨ́n ɨ́ mekaná mâʼ má nó, nʉaa gá nye díe. Bɨ̌n bé ayɨ́ be e ndwáala e né. Ɨ́ mbi waá ó nyé ójóʼo sôn yɨ́.

Rôm 6:21

Wáǎ nyɔm bɨ́n á bi, duho ɨ́ misyóm bɨ́n á sɨsâ mí? Bɨ̌n mû ɨ́ báánâʼ ó, lɨ́ ejóʼo sôn lɨ́ esímsa bísyɛ́ɛla bí ébébe byaá. Ndumló bísyɛ́ɛla byaá wɨ́ɛ, wé ó eswie.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

2 Timotɛ 3:5

Bé ójaá dwidwě Nzyɛ̌m kûm ó, njɨ ɨ́ bikonó mínum byɔ́ɔ́. Tó kœb ó, bé ópɨpɨr ó, pɨrɨ́ɨ le ekɛ́la nkûl dí ɨ́ búʼó gá yɨ́ná nyɨ́. Bɨ̌n bé ayɨ́ be e ndwáala e mbi bʉ̂r waá.

Galásia 6:8

Mʉr dí edû njwɨr myâ gá wɨ́ná nyá, óbi éswie duho ɨ́ bisyɛ́ɛla bi tɨ̂. Tó kœb ó, waá dí edû sá Sísǐm mé Nzyɛ̌m dí ekpɛl yɨ́ nyá, óbǐ twǐʼ njʉ̌m dǐ. Sísǐm mé Nzyɛ̌m ó dí entɨh nyé twiʼ yaá.

1 Tesalonika 5:7

Ebě, baá o dí ejâ bíjô bá, bé já ó, ɨ́ pum. Minyʉnyóʼ, myé puro ményoʼ ó, ɨ́ pum.

Lʉkas 3:19

Nó yé á be náǎ ó, ngóvina Erôd á be ó sí dɛ̌n Erodiâd, myaá tʉ́l wé, di e né. Nye ntémé á be ó sí sâ byúú bísá bí ébébe é buo buo. Jɔʼ yaá yíyɛ̂h, Yʉánɛs á bɨbe ó, lɨ́ elɨlɛ̂ʼle nyé mebébe nyé á be lɨ́ esɨsâ má.

Éfɛsɔs 5:7

Nó, anʉa gá ntœ̌b ɨ́ bisyɛ́ɛla bi bʉ̂r ónɨ̌.

Éfɛsɔs 4:22

Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Mataos 18:15

Yésʉs, nye e bé ó: «Mɨ́ɔɔ́ gǒ sí sâ syóm nó, tóʼ, tó sáa nyê. Go e lɛ́ʼlé nyé syóm waá, bɨ̌n e nɔ́ɔ́ obá. Nyé sí jóʼo gó nó, gʉ́ŋáá ó, gʉ́ pɛʼ mɨ́ɔɔ́ gǒ ɨ́ syóm.

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Éfɛsɔs 5:12

Yé ɨ́ buú sâ mɨ́ná gá sôn lɨ́ etwóolo bísyɛ́ɛla bé dí esâ ɨ́ mesǒ bí, damá be ó, mɨná jaá túbo gá ó, njɨ míe!

Kolosi 1:12

Bɨ̌h bé lɨ́ edwě Nzyɛ̌m Sɔ́ŋ nzyǒo, ebě, bɨ̌n bé á si bi nyɨ́n nkɔ̂b líʼe ɨ́ Mpóʼo nyé, jwɨʼ gwár e gwár e bʉ́ʉ́ bʉ̂r bɨ́bɛ̂h o dí egúmo e né bá. Bɨ̌n le onɔ́ɔ́ ó b'á tyenɔɔ ɨ́ myɛ́n.

1 Timotɛ 5:22

Alɨ̌ kɛl mʉ̂r mebô, lɨ́ etyêl nyé ɨ́ dǐ ɨ́ Mbɛ̌r-Nzyɛ̌m. Nó ntémé, anʉa ntœ́b ɨ́ bisyɛ́ɛla bí ébébe byé onkán. Ɨ́ páʼ kʉ̌ tyen gó dí edû wɨ́, wé díʼee abe e mebě.