Éfɛsɔs 4:31 - Kálar Nzyɛ̌m : Ejwán é Sáá

³¹ Akǎ sâ gá otié. Pɛʼɛɛ gá ebúʼ, le nkpaa ɨ́ miléme. Syɛ́hláá gá megô ndu e melwɨ́ɨ. Pɛʼɛɛ gá ebébe é léme ɨ́ milémé mín.

Kálara Zyɛ̌m Edwán é mpʉ̌n

³¹ Pɛʼɛ ga edwie e leme e l'empime é mɨleme min. Adi ga okpɔɔ, e bʉr o montɛɛ ndwe e baanya-movoʼ. Pɛʼɛ ga mobebe mɨmɛh.

Éfɛsɔs 4:31 ပူးပေါင်းရင်းမြစ်များ

Kolosi 3:8

Nó ó, ɨ́ báánâ, paá kǎ bîr gá bé bisyɛ́ɛla byaá bíbyɛ̂h: nkpaa, ebúʼ, ebébe é léme, melwɨ́ɨ le mekǎn mé ésɔ́m. Byé sá aduho ɨ́ num wɨ́n.

1 Pyɛr 2:1

Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Kolosi 3:19

Ojʉ̂m, kpɛlɨɨ gá bʉbá bɨ́n. Asâ gá bé ebébe é léme.

Jacques 3:14

Sâ gwár, yé bé bɨ̌n bé lɨ́ esâ égú le epɨra e bʉr ɨ́ milémé mín nó, ayɨ́ nkʉ́na gá dwêh. Milɔ́ɔ́ bíbɛr myaá, myé ó kwahaá tʉ̂toʼó.

Éfɛsɔs 4:26

“Lémé lónó bɨ́n ɨ́ nkpaa nó, sá asâ gá yɨ́ɛ syóm.» Mʉ̂r kóbló bɨ́n ebúʼ nó, sá abîr gá ó, ebúʼ laá díʼee bɨ̌n ɨ́ miléme, tó pyâl ɨ́ medwíne mé pum.

1 Yʉanes 3:12

Mɨná bé ayɨ́ be gá mpʉ mé Kayɨ̂n. Nye á duho ó kwá mé Sátan. Nye nzě jʉ̂ mɨ́ɔɔ́ wé, Ábɛl. Nye á pʉgʉ jʉ̂ nye ɨ́ wáǎ lɔ̌b? Ebě, bisyɛ́ɛla mé Kayɨ̂n, byé á be ó, onzyɛ́h ónzyɛ́h; byaá me mɨ́ɔɔ́ wé, tîtyěl.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

1 Korɛnt 14:20

Bɨ́ɔɔ́ bâm! Okɛ́l bâm! Ayɨ́ kǎ pahle gá mpʉ bwá ó ntwǒm. Bɨ̌n bé óbɛ̌m baŋa bwá ó ntwǒm ɨ́ mpʉ bé dí asâ ébébe é léme yɨ́. Sâ gwár, ɨ́ nkǒ páʼ mípahlá mín míɛ, diʼee gá mpʉ ótɔ́má bʉ̂r.

1 Timotɛ 5:13

Nó ntémé, bé ámû jaá jɨ̂ʼ édi lɨ́ ontwii. Bé ámû jaá tô le etô mímbɛ̌r e mímbɛ̌r myɛ̂h, le esâ mpǔʼ, le elwib bílwǐb bi dí asiŋa bí.

Galásia 5:20

ngúmlá bíkpɛʼkpɛ̂ʼ bí ónzyɛ̌m, sɛ́á mímǐr mí éleme, ntémé páʼ bʉ̂r e bʉr, megô, nzwíí, ebúʼ, gwɨ́má épɨra e bʉr, nzyɛ́ɛ́lá mecwíí, mpɔ́ʼá menkɔ̌m,

1 Korɛnt 5:8

Mɨná bé ayɨ́ bwal gá nzɔɔ gá nyɨ́ná nyaá lɨ́ edě blêr dí e njʉ̌m levure yɨ́. Blêr yaá, yé mveʼle ó, ebébe é léme le jélé. Mɨná bwálaa gá nzɔɔ gá nyɨ́ná lɨ́ edě blêr dí abe e levure yɨ́. Yɨ́haá blêr, yé ó lwǐb ótyeetye dí apûhla e mikóo yɨ́.

Rôm 3:14

Lwǐb yɔ́ɔ́, yé ó lwɨ́ŋlá e meswomlʉ le otié.

Mɨngwiha 12:10

Píe tɨ̂, me á si jóʼo twíí ɨ́ jʉ́o kʉ́. Twíí nyaá á lɨlɛ́ɛ kʉ́kʉ́ ó: «Ɨ́ báánâ, Nzyɛ̌m, nyɨ́ kʉ́ tíʼ mɨ́ná gá mpǎŋ tíʼá! Nyɨ́ lɛ̂ʼle ó, nyě e nkul. Nye ó dí njwɨ́ɨ. Ɨ́ báánâ, mʉr nyé á lœm múló mé jwɨ́ɨ nyá, nyɨ́ lɛ̂ʼle ó, nye ó dí e nkul, ebě, bɨ́ so waá á nwâhle bɨ́ɔɔ́ gá bɨ́ná jɔʼ yɨ́yɛ̂h ɨ́ míh mé Nzyɛ̌m móhó e pum nyá. Bɨ́ guho nyé sí.

1 Yʉanes 3:15

Mʉr nyɨnyɛ̂h dí enwim mɨ́ɔɔ́ wé nyá, nye ó njʉ̂l bʉr. Bɨ̌n bé lɨ́ egʉ́a ntémé ó, kâr njʉ̂l bʉr ngwár dí e twǐʼ njʉ̌m dǐ ɨ́ nye mʉr tɨ̂ʼ ɨ́ jɔʼ yɨ́yɛ̂h.

Títos 2:3

Lɛ́yɨ́ɨ́ mísile mi bʉ́bá jwɨʼ gwár ó, bé dúʼoo mbǐ kʉ̌ tyen dí ejala e mʉr dí edwáawǒ Nzyɛ̌m nyá. Bé sá aswêʼ míé mé bʉ́ʉ́ bʉ̂r. Bé ayɨ́ lɔ̂ʼwa ɨ́ ndéá ményoʼ, nkʉ̂ di bítúʼǎ bi tɨ̂. Bé dwêʼ bʉr mimpaŋ mélɨ́,

2 Timotɛ 2:23

Diʼeě e mpaŋ ncɛ́rá e bʉr o dí egœ́a mpʉ bígʉʼlʉgʉ́, nkʉ̂ baá o dí abe lɨ́ enʉa mílɛ́ʼlá bá. Go ɨ́ jala le egʉ́a ó, milɔ̌b myaá, myé jaá byâ sɔ̂ʼ ó njɨ bitɔm.

1 Timotɛ 3:3

abě nyʉnyóʼ, abe mʉ̂r esweha. Nye ɨ́ jala le ebe ó e lémé mpâm, abe ányâ-bitɔm, abe e nzɔ́ɔ́ bísâ.

Mɨlʉmlʉ 21:30

Nkana yɨ́yɛ̂h, yé á be ó, yé mû ɨ́ gbǎ gbǎ. Bʉr nzě dua ɨ́ bigúmó bíbyɛ̂h e mikám. Mɛ́rɔɔ̌ Pɔ̂l, tô le edulɔɔ nyé sí e sí, pɛʼɔɔ nyé ɨ́ mpáh Nzyɛ̌m tʉ́ŋlʉ̌, diblɔɔ ntɔ̂ʼ mebê me tɨ̂.

2 Timotɛ 3:3

Bé óbe ó e cére. Bé óbuú sâ nzyéé ɨ́ jɔʼ bé dí e milɔ̌b yɨ́. Bé óswêʼ míé mé bʉ́ʉ́ bʉ̂r. Bé ágʉ́a émâr míléme. Bé óbe ó bʉr o méngʉ́ná. Bé óbene bísâ bi dí ɨ́ mbɨa bí.

Éfɛsɔs 4:22

Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Éfɛsɔs 4:25

Nó ó, mʉr, nyé ajala le ekǎ lɛ́ɛ mɨ́ɔɔ́ wé mʉr bibɛr. Nye lɛ́yɨɨ nye sɔ̂ʼ njɨ otyeetye, ebě, mɨná gá bé mû ó bitíl bí nyʉ̂l mpwár.