Éfɛsɔs 4:30 - Kálar Nzyɛ̌m : Ejwán é Sáá

³⁰ Mʉr agbâ gá Sísǐm mé Nzyɛ̌m ebúʼ ɨ́ léme. Sísǐm waá, wé ó mpʉ̌ jwɨʼ nyé á gbâ ɨ́ bɨ̌n yɨ́. Nzyɛ̌m á gbâ bɨ̌n jwɨʼ yaá ó, bɨ̌n nkʉ̂ gʉ́a tɨ̂ʼ ó, nye ótáǎ góo, le edwih bɨ́n ɨ́ mpila ébébe, pɛʼ bɨ́n ɨ́ fá.

Kálara Zyɛ̌m Edwán é mpʉ̌n

³⁰ Mʉr asa syɛɛla ebebe yé ókwɨɨ Sisim mo Zyɛm ndɨ ti ɨ, empime é leme e. Sisim waa, wé ó mpʉ ejwɨʼ Zyɛm a gba é bɨn ɨ, ejwɨʼ lé elɛʼle ó, nye ódwih bɨn é mpila ebebe lɨn é pololo.

Éfɛsɔs 4:30 ပူးပေါင်းရင်းမြစ်များ

1 Tesalonika 5:19

Akamle gá Sísǐm mé Nzyɛ̌m ó, wé sâʼ bisyɛ́ɛla wé jálá le esâ ɨ́ sɔ́má yɨ́n bí.

Mɨlʉmlʉ 7:51

Étiene nzě lɛ́ɛ e bé ó: «Bɨ̌n bɨ́ kǎ buú lele mílʉ̂! Milémé mín, myé ó lwɨ́ŋlá le egʉʼla; megwǎl mɨ́n ntémé mindiblá. Bɨ̌n bé lɨ́ ebeně Sísǐm mé Nzyɛ̌m jɔʼ yɨ́yɛ̂h, kwahaá mpʉ bímpám gá bíná, byé á be lɨ́ esâ yɨ́.

Rôm 8:23

Yé abě njɨ nó. Nzyɛ̌m mû ó sí ntɨh mɨ́ná gá Sísǐm wé. Mɨná bé á nyɛɛ bi gá ó, etʉ́m laá. Damá jóʼo nó, milémé gá míná dína ó lɨ́ etíme. Yé ó nó, tó kumo ó, dʉ́ó Nzyɛ̌m ósîl étyêl mɨ́ná gá ɨ́ tyé bwán bé yɨ́. Dʉ́o laá ó nyé ngá dwih ményʉ́l gá mɨ́ná ɨ́ mpila ébébe yɨ́.

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Markus 3:5

Nó mpʉ nyé á to le edwɛ̂ʼ bɨ́bɛ̂h yɨ́, lémé wé ntɔ̂ʼ lóno ɨ́ nkpaa, ebě, milémé myɔ́ɔ́, myé á be ɨ́ buú lele lɨ́ ebúʼla. Nye e mbêl ó: «Syɛ́mɨ́ɨ́ mbó gô.» Mbêl ntɔ̂ʼ syɛ̂m mbô. Mbô, wé ntɔ̂ʼ sâ nyé mbɨ̂mbɨá.

Ebrœ̂ 3:10

Mpʉ bé á bóblo me nó yɨ́, me á si jóʼo ebúʼ e myǎ bʉ̂r waá. Nó ó mé á lɛ́ɛ ó: Bé lɨ́ eboó tô le edîm. Bé dína lɨ́ ekʉ́ jéʼe édû nzɨ́ mé dí etɨ́e bé nyɨ́.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Ebrœ̂ 3:17

Ɨ́ mimbû mekám ménâ myaá, Nzyɛ̌m á jóʼo ebúʼ le onzé? Nye á jóʼo ebúʼ ó e bʉr o b'á sâ syóm bá. Bɨ́haá ó b'á dwe, ntɔ̂ʼ debe ɨ́ lʉá e lʉá wɛ̂h.

1 Korɛnt 15:54

Nyʉ̂l dí ebo nyɨ́, nyé óbe, nye mû sí céne, liŋa nyaá dí abo nyɨ́ nó, nyaá dí e nkul edwe nyɨ́, nyé óbe, nye mû sí liŋa nyaá dí abe e nkul edwe nyɨ́ nó, ɨ́ jɔʼ yaá ó sá dí cɛmá yɨ́, yé ólwɨ́ŋlɨ yɨ́: Eswie, lɨ́ gbahɔɔ. Nzyɛ̌m, nyɨ́ búla le onkɔ́ɔ́!

Lʉkas 21:28

Jɔʼ bísyɛ́ɛla byaá, byé ótáare ésyɛ́ɛ yɨ́, sohaa gâ. Bɨ̌n e bɨ́r mîh kʉ́. Nzyɛ̌m óbe ó, nye mû kúno enzě táǎ góo, le edwih bɨ́n ɨ́ mpila ébébe.»

Yʉanes 3:33

Mʉr nyɨnyɛ̂h dí ekǎm mboʼlá wé nyá, nyě lɛ́ʼlé tɨ̂ʼ ó, Nzyɛ̌m ó dí le otyeetye.

Ebrœ̂ 10:29

Bʉr pǎ nyɛɛ́ jʉ́ŋɔɔ ɨ́ lɔ̌b ébɨ̌h bé sá métié mé Moyɨ̂z lɨ́, á dwɛʼra e mʉr dí etyéele Mwân mé Nzyɛ̌m sí mebo mé nyá! Nye ókʉ́ jala e bibɨ́bla bíntɨ́ʼá, laa náǎ, ɨ́ lɔ̌b jwɨʼ yé yɨ̂: metié Krîst á pyêl, lɨ́ esâ édwán é sáá e mé má, mé mû nye ó tʉ̂toʼó, nyɨɛ yɨ́ɛ sí pǎ pubɔɔ e tɨ̂! Bɨ̌n jwɨʼ nyá ɨ́ lɔ̌b mʉ̂r á pya Sísǐm mé Nzyɛ̌m wé á nyɛɛ sâ nye mpam wɨ́ nyá? Mʉr tɨ̂ʼ ókǎ sáŋɔɔ nyá ɛ́?