Éfɛsɔs 4:3 - Kálar Nzyɛ̌m : Ejwán é Sáá

³ Sísǐm mé Nzyɛ̌m tyɛ́bɨɨ bɨ̌n ɨ́ miléme, ó bɨ̌n díʼee e mepyɛbla páʼ nyɨ́n. Mépyɛbla maá, mé ódi bɨ́n simá ɨ́ miléme nó, sɔ́má gá yɨ́ná, yé ójaá di ó, njɨ gwár. Gbáʼ gá nkul, ó bɨ̌n díʼee lémé ngwár nó.

Kálara Zyɛ̌m Edwán é mpʉ̌n

³ Mbɨambɨa Sisim, nye cyɛba bɨn é mɨleme, ó bɨn diʼe é motala paʼra win. ǃƗ mɨleme min, myé óbe si loŋlo e motala maa nɛʼɛ, mbɛr Zyɛm wina, wé ódi ó njɨ egwar, abɔʼa-bɔʼa.

Éfɛsɔs 4:3 ပူးပေါင်းရင်းမြစ်များ

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

1 Tesalonika 5:13

Bɨ̌n bé ɨ́ jala le edwe bé dúu, le ekpɛl bé ɨ́ lɔ̌b syɛ́ɛ́ yɔ́ɔ́ bé dí eséa yɨ́. Tiʼaa gá ɨ́ mepyɛbla páʼ nyɨ́n tʉ́ŋlʉ̌.

Éfɛsɔs 4:4

Nyʉ̂l mé Krîst, nye ó mpwár. Sísǐm mé Nzyɛ̌m, nye ó ngwár. Mpûʼla mpwár ó dí bɨ̌n ɨ́ miléme, táare ɨ́ jɔ̌ʼ Nzyɛ̌m á jébe bɨ̌n yɨ́.

Éfɛsɔs 4:13

Ɨ́ mbi waá ó, mɨ́ná gá óbɛ̂h ngá be gá ɨ́ mpúhlá, cɨɨ ɨ́ nzɨ̌ búʼó gwár yɨ́. Mɨná bé ógʉ́a gá Mwân mé Nzyɛ̌m ɨ́ pébébé. Mɨná bé ópʉʼa gá lɨ́ ontwǒm, tô gá lɨ́ obwam. Mɨná bé ócéne gá ɨ́ mipáʼ mímyɛ̂h, lɨ́ esûʼlǎ nʉǎ tyé mé Krîst mʉr tɨ̂.

Markus 3:24

Kúl bʉ̂r yɨ́yɛ̂h dí ebɔ́ʼa témé tɨ̂, wɨ̂ʼ pâʼ lwímla e gúú wɨ́, yé ákóʼó johlo.