Éfɛsɔs 4:28 - Kálar Nzyɛ̌m : Ejwán é Sáá

²⁸ Mʉr á bɨbe ndíblʉ̌ nyá, nye gwáʼaa díbe. Nye séaa syɛ́ɛ́ dí e nyɔm yɨ́, e mebó mé, ɨ́ mbi dí ó, nye díʼee e sá nyé ósúʼo báántéʼenteʼe o bʉ̂r e yé yɨ́.

Kálara Zyɛ̌m Edwán é mpʉ̌n

²⁸ Mʉr a be-be ndiblʉ ɨ, nye gwaʼa díbe. Nye sea syɛɛ ndɨ e nyɔm ɨ, e mobo me, é mbi ndɨ ó, nye diʼe e sa nye ógul baanteʼenteʼe e ye e.

Éfɛsɔs 4:28 ပူးပေါင်းရင်းမြစ်များ

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

Yʉanes 12:6

(Nye á bé alɛ́ɛ nó ɨ́ lɔ̌b nkóó nyé á jɨ̂ʼ baántéʼenteʼe o bʉ̂r nyɨ́. Nye á lwib nó ó, ebě, nye á be ó ndíblʉ̌. Nye ó b'á bɨbaʼle ekúró lɔ́ɔ́, le edidíbě sá bʉ̂r, bé á gbɨgbâ tɨ̂ʼ yɨ́.)

Lʉkas 19:8

Nó ó Zakéyos á nze tyɛ̂b, le elɛ́ɛ e Tî Yésʉs ó: «Dâ ɛ̌, paá bee! Me múo nzě bɛ̂ʼ bísá byâm ɨ́ bipéh bíbá. Me ónʉa yɨ̂ʼ pêh, tó dwe báántéʼenteʼe o bʉ̂r. Yé bé me á bě sí sâ míkóo, nʉǎ mɔnɨ́ kwá nyʉ́ʉ́ mʉ̂r nó, me óbwóolo nyé yǎ, ntɔ̂ʼ kɛ̌l bím mɔnɨ́ yaá nzɔʼ lɛ̂l tɨ̂ʼ kʉ́.»

2 Korɛnt 8:12

Ebě, bɨ́n dwé mʉ̂r yʉ́ʉ́ sɔ̂ʼ e bisʉhʉʉ nó, Nzyɛ̌m ókǎm ndwéá waá, jwɨʼ e mebi bɨ́n dí e tɨ̂ʼ má. Nye ájwɨʼ wé e sá bɨ́n dí abe e yé yɨ́.

2 Korɛnt 8:2

Bé á si kʉ bóblɔɔ e nzɨ̌ mitúú bé á sia e myé mí. Damá be ɨ́ nyɨna le entéʼe lɔ́ɔ́, bisʉhʉʉ byɔ́ɔ́, byé á si kʉ nyɨ̂n ɨ́ ponó e nzɨ̌ mingúlá myɔ́ɔ́.

Rôm 12:13

Dwéʼ gá bʉr o mé Nzyɛ̌m bisâ bi dí esâ bé sɔ́ɔlʉ bí. Nʉnʉa gá ojwóo o dí epyâl kwá nyɨ́n bá mbɨ̂mbɨá.

Yʉanes 13:29

Ɨ́ mpʉ yé dí ó Yʉ́das ó b'á be lɨ́ ebaʼle ékúró yɨ́, bʉr ɨ́ buo buo, bé á be lɨ́ ejwɨʼ ó, Yésʉs á lómo nye ó, nye tôʼ bwâm sá yé óbe bé e nyɔm ɨ́ nzɔɔ yɨ́, nkʉ̂ ntɔ̂ʼ ó, nye súʼaa baántéʼenteʼe o bʉ̂r.)

Lʉkas 3:8

Gúmáá gá mimpaŋ mi mpúmó mi dí ejala e bʉr o mû sí dwira míléme bá. Atáare gá le elɛ́a páʼ nyɨ́n ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

1 Korɛnt 4:12

Bɨ̌h bé lɨ́ eséǎ syɛ́ɛ́ dí ɨ́ lele lele yɨ́, lɨ́ esáǎ twiʼ yɨ́h, bɨ̌h bʉr o tɨ̂. Jɔʼ bé dí elwɨ́ɨ bɨ́h yɨ́, bɨ̌h bɨɛ̌ sʉ bé ó, metyɛʼ me mpóm. Jɔʼ bé dí etíble bɨ́h yɨ́, bɨ̌h bé lɨ́ edûhwo bê.

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

Títos 3:14

Yé jɨ ó, bʉr o dí ɨ́ páʼ gá wɨ́ná bá, bé jɨ́ʼɨɨ elóŋlo bísyɛ́ɛla bimpâ. Nó yaá ó bɨ́n ngá gwá súʼo báántéʼenteʼe ompâ yɨ́. Mʉ̌r sá abîr ó, nye tíʼaa ɨ́ sí yɨ̂ʼ, agúmo mpúmó.