Éfɛsɔs 4:22 - Kálar Nzyɛ̌m : Ejwán é Sáá

²² Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Kálara Zyɛ̌m Edwán é mpʉ̌n

²² Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Éfɛsɔs 4:22 ပူးပေါင်းရင်းမြစ်များ

Rôm 6:6

Mɨná bé lɨ́ egʉ́a gá ó, ɨ́ jɔʼ bé á jʉ̂ Yésʉs-Krîst, lɨ́ ebomlo nyé e binzâŋ, le ebɨ́nɔɔ nyé ɨ́ kolôs kʉ́ yɨ́, Nzyɛ̌m á si bomlo metum me myâ gá mɨ́ná tɨ̂ʼ ntémé ɨ́ kolôs gwár yaá. Nye á sâ nó ó lɨ́ esú lé éteʼle nyʉ̂l dí egwɨ̂m mísyóm nyɨ́, le ntémé ó, mɨná ayɨ́ kǎ báʼǎ di gá bitúʼǎ lɨ́ esâ mísyóm myaá.

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

Jacques 1:21

Pɛʼɛɛ gá mebomo dí ɨ́ sɔ́má yɨ́n má. Bɨ̌n e gwâʼ le esâ ébébe é léme, ntaa sʉ́ŋa. Bɨ̌n e nʉ́á lwǐb mé Nzyɛ̌m e miléme mi dí ɨ́ pyɛɛɛ mí. Lwǐb yé yaá, yé mû ó mbeá tʉ́ŋlʉ̌ milémé mín. Lwǐb yaá ó dí e nkul etíʼ bɨ́n.

Ebrœ̂ 3:13

Dyɛ́m bɨ́n dína mûh sɔ́má yɨ́, yé mbɨa ó, bɨ̌n dwîdweelaa melɨ́ páʼ nyɨ́n móhó wɨ́wɛ̂h. Sá tɨ̂ʼ ó mísyóm, myé óbe, alɨl bɨ́n miléme, nkʉ̂ dímle nyʉ́ʉ́ mʉ̂r ɨ́ sɔ́má yɨ́n ɨ́ nzɨ̌ mikóo yɨ́.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Éfɛsɔs 4:25

Nó ó, mʉr, nyé ajala le ekǎ lɛ́ɛ mɨ́ɔɔ́ wé mʉr bibɛr. Nye lɛ́yɨɨ nye sɔ̂ʼ njɨ otyeetye, ebě, mɨná gá bé mû ó bitíl bí nyʉ̂l mpwár.

1 Pyɛr 4:3

Bʉr, bɨ́ buú lɛ̌ŋ jɔʼ ɨ́ buo buo lɨ́ elóŋlo bígwɨ́má óhááden dí eboó dudû bî: egbâ ményʉ̂l lɨ́ esâ bímolá nzam le ekomo, ejóʼǒ nzɔ́ɔ́ bísâ, elɔ̂ʼwa lɨ́ ebɛble ményoʼ, elɔ̂ʼwa lɨ́ ede méde, epuro ményoʼ, le edweŋɔɔ bíkpɛʼkpɛ̂ʼ bí ónzyɛ̌m kûm. (Yé ó sá Nzyɛ̌m dí ekamle yɨ́.) Bím syɛ́ɛla yaá, yɨ́ kǎ jala!

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

2 Pyɛr 2:13

Bé óbi myɛ́na mé ébébe bé á pa sâ bʉr lɨ́. Bé mɨmɛɛla ó, lɨ́ edi ɨ́ twiʼ mépwaʼ témé móhó. Jɔʼ bé dí esyɛŋa e bɨ̌n lɨ́ ede yɨ́, nkʉ̂ bɨ̌n nwɨɨla ó e nyʉ̂l, bé ó dí mebar me nyʉ̂l nyaá. Bé lɨ́ esahle lɨ́ ede, lɨ́ edû bígwɨ́má byɔ́ɔ́. Byé lɨ́ edímle bé ɨ́ nzɨ̌ mikóo myɔ́ɔ́.

1 Pyɛr 1:18

Bɨ̌n bé á bé adwihɔɔ ɨ́ mpila ébébe ɨ́ lɔ̌b nzyɛ́ɛ́lá bisâ bi dí edímle ódimé wɔ́ɔ́ bí. Nzyɛ̌m á bé asyɛ́ɛlǎ nkóhó mɔnɨ́, nkʉ̂ gʉ̂l lɨ́ esú lé étáǎ góo ɨ́ lɔ̌b mébyaʼ mɨ́n. Bɨ̌n bé á dwihɔɔ ɨ́ mpila ébébe ó, jɔʼ myɛ́na ménɨ́nɨ́ɨ́, mé á jánɔɔ yɨ́. Bɨ̌n bé á duho ɨ́ mpila métum bímpám bín ó,

Kolosi 2:11

Ɨ́ mpúhlá nyɨ́n e Krîst, bɨ̌n bé á si tíʼɔɔ mpʉ́n dí eduho kwá mé Krîst nyɨ́. Mpʉ́n nyaá ó dí elɛ̂ʼle ó, bɨ̌n bɨ́ dwǐh njwɨr myâ gá wɨ́ná. Bɨ̌n bé á bé atíʼɔɔ mpʉ́n mpʉ bʉ́ʉ́ bʉ̂r dí etîtiʼɔɔ yɨ́.

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

2 Pyɛr 2:7

Nye ntémé á si tíʼ Lôt, tîtyěl mʉr. Ekɛ̂n, lé á be ɨ́ swɨɨ̌ Lôt ɨ́ nyʉ̂l lɨ́ ebee bʉ̂r o b'á be, agbâ mémpéné ɨ́ nkɔb bá. Bɨ́ɛ, bé á jaa sâ ó, njɨ bimolá nzam le ekomo.

Galásia 1:13

Bɨ̌n bé á be ó sí jóʼǒ lɔ́ɔ dí edumo e me wɨ́. Bɨ̌n bé lɨ́ egʉ́ǎ mpʉ mé á titiʼe mélú mé épíhe yɨ́, jɔʼ mé á be, me dína lɨ́ edû métum mé óYúden yɨ́. Bɨ̌n bé lɨ́ egʉ́ǎ mpʉ mé á titíble Mbɛ̌r-Nzyɛ̌m yɨ́. Me á bɨbe e gwɨ́má ó, mě gbǎh ó wê.

Rôm 7:11

Jɔʼ mé á jɨ̂ʼ metié maá yɨ́, syóm, wé á si bee nzɨ̌ ɨ́ me. Wê nzě kʉ́a mé ó, me sâʼ misyóm. Nó ó syóm, wé á ka jʉ̂ me e nzɨ̌ metié yɨ́.

Jacques 1:26

Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

2 Korɛnt 11:3

Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

Éfɛsɔs 4:31

Akǎ sâ gá otié. Pɛʼɛɛ gá ebúʼ, le nkpaa ɨ́ miléme. Syɛ́hláá gá megô ndu e melwɨ́ɨ. Pɛʼɛɛ gá ebébe é léme ɨ́ milémé mín.