Éfɛsɔs 4:21 - Kálar Nzyɛ̌m : Ejwán é Sáá

²¹ Bɨ̌n bé á si gwa kʉ jóʼo sá yɨ́yɛ̂h dí edumo e né yɨ́. Bɨ̌n bé á si lɛ̂ʼlɔɔ ɨ́ díé lé tʉ́ŋlʉ̌. Bé á lɛ̂ʼle bɨ̌n ó, bɨ̌n dúʼoo otyeetye dí ɨ́ milɔ̌b mé Yésʉs wɨ́.

Kálara Zyɛ̌m Edwán é mpʉ̌n

²¹ Bɨn bé a si joʼo bʉr lé eze tublo die le. Bɨn bé a si dweŋɔ sikʉlʉ é lɔb we. Bé a ka gʉa ó, ocyecye, wé ó é Yesʉs tʉŋlʉ.

Éfɛsɔs 4:21 ပူးပေါင်းရင်းမြစ်များ

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

Kolosi 2:7

Búʼó bɨ́n dí e yé yɨ́, yé páhaa mikaalé. Yé tôʼ le egwɨ́e, le ebwaʼ. Dyɛ́ʼwáá gá e búʼó gá yɨ́ná ɨ́ dyɛʼwó mpʉ bé á lɛ̂ʼle bɨ̌n yɨ́. Tóʼ le edwe gá Nzyɛ̌m nzyǒo dóló ɨ́ bisá nyé dí esâ bɨ́n bí.

Yʉanes 14:17

Nye ó dí Sísǐm Ótyeetye. Bʉr ó sí yɨ̂, bé abe e nkul enʉa nyê, ebě, bé abe e nkul ebee nyê, nkʉ̂ gʉ́a nyê. Sâ gwár, bɨ̌n bɨɛ bé lɨ́ egʉ́a nyê, ebě, bɨ̌n le onɔ́ɔ́ ó mû. Nye ntémé, nye ó dí ɨ́ sɔ́má yɨ́n.

2 Korɛnt 11:10

Mpʉ ótyeetye mé Krîst dí ɨ́ me yɨ́, mě lɛ́ɛ́ ó, me ótô le enkʉ́na ɨ́ sí Akayɨ̂ ɨ́ lɔ̌b kʉ̌ tyen waá. Abe e mʉr dí e nkul ekamle mé lɨ́ enkʉ́na ɨ́ lɔ̌b waá.

2 Korɛnt 1:20

Ebě, menkɛ̌ʼ mɨ́mɛ̂h Nzyɛ̌m á kɛʼ má, mé jaá dira ó, njɨ ɨ́ nzɨ̌ mé Yésʉs. Sɨ́ǎ yaá ntémé ó mɨ́ná dí elɛ́ɛ gá ó «Amɛn!» yɨ́. (Nó yé lɛ́ʼlé ó: yé díʼee nó.) Mɨná dwé gá Nzyɛ̌m kûm ó tɨ̂, ɨ́ minjɨʼla myaá.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 10:27

Binteme byâm, byé lɨ́ ejóʼo twíí nyǎm. Me lɨ́ egʉ́a byê. Bíɛ ntémé, byé lɨ́ edû mê.

Yʉanes 1:17

Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Lʉkas 10:16

Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

Rôm 10:14

Sâ gwár, bé ókɛn mʉ̂r bé á be adyêʼ koo e né nyá e nyáa nzɨ́? Nó ó, bé ódyɛ̂ʼwo e waá bé á be ajóʼo díé lé nyá e nyáa nzɨ́? Bé ójóʼo díe laá, abe e mʉr túnó bé lǎ, e nyáa nzɨ́?

Éfɛsɔs 2:17

Krîst á nze ɨ́ sí yɨ̂ʼ ó, nye ntáa nzě túno bɨ́n, bʉr o b'á be e ncɛrá e né bá, lɔ́ɔ́ wɨ̂: Nzyɛ̌m, nyɨ́ gbâ mépyɛbla páʼ nyɨ́n le onɔ́ɔ́. Nye á túno lɔ́ɔ́ mépyɛbla ngwár e ngwár waá ntémé ó, kwá nyɨ́h, oYúden, bʉr o b'á bɨbě bǎʼ e Nzyɛ̌m bá.

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.