Éfɛsɔs 3:8 - Kálar Nzyɛ̌m : Ejwán é Sáá

⁸ Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Kálara Zyɛ̌m Edwán é mpʉ̌n

⁸ É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Éfɛsɔs 3:8 ပူးပေါင်းရင်းမြစ်များ

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

1 Korɛnt 15:9

Ɨ́ sɔ́má bʉ̂r o mílʉ́mlʉ́ tʉ́ŋlʉ̌, mɛm ó dí mʉr epíhe. Lɨ́ otyeetye, mé ajala le ejébɔɔ «mʉ̂r milʉ́mlʉ́,» ebě, me á si tíble Mbɛ̌r-Nzyɛ̌m.

Éfɛsɔs 3:16

Mě jɨʼlá e né ó, nye gbâʼ bɨ̌n nkul ɨ́ milémé mín tʉ́ŋlʉ̌ e nzɨ̌ Sísǐm wé lɨ́ esú ó, bɨ̌n díʼee e nkul nyaá ɨ́ miléme lwɨ́ŋlá, lɨ́ edû mpwâʼ kûm nyé.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

Rôm 11:33

Sâ buo ókúm mé Nzyɛ̌m! Ocwóó wé le ngwɨ́á wé, byé abe le odumo. Nzé dí e nkul egʉ́a mítíʼá mí lémé wé? Nzé dí e nkul egʉ́a bísyɛ́ɛla nyé dí esâ bí?

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

2 Timotɛ 1:11

Mbɨambɨa Lɔ́ɔ waá ó mé dí etúno wɨ̂, ebě, Nzyɛ̌m á si tyêl me ɨ́ dǐ lɛ́a lɔ́ɔ wé, le yaá mʉ̂r milʉ́mlʉ́ wé, le yaá lɛ̂ʼla.

Éfɛsɔs 3:19

Mě jɨʼlá ntémé e Nzyɛ̌m ó, bɨ̌n gʉ́ŋaa mpwaʼ kpɛ̌l mé Krîst dí elaǎ sá yɨ́yɛ̂h mɨ́ná dí e nkul egʉ́a gá yɨ́, tó pyâl ɨ́ jɔ̌ʼ Nzyɛ̌m óbe, nye mû sí lóŋlo bɨ́n e sá nyé mʉr tɨ̂ʼ dí lwɨ́ŋlá e yé yɨ́.

1 Korɛnt 2:9

Tó kœb ó, yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá mʉ̂r ngwár dína apǎ jóʼo, nkʉ̂ bee yɨ́, sá mʉ̂r dí apǎ jwɨʼ ɨ́ lémé wé lʉ́ʉ́ dʉ́o yɨ́, Nzyɛ̌m á komlo yé ó, lɨ́ esú é bʉ̂r o dí ekpɛl nyé bá.

Rôm 12:10

Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Mɨngwiha 3:18

Me lɨ́ etɨ́e bɨ́n ó: yé bé bɨ̌n bé lɨ́ egwɨ̂m ébi ókúm ómpâ nó, bwámáá gá gʉ̂l yâm. Yé á be ɨ́ duho ɨ́ duró lé ólûl. Bwámáá gá mikán ɨ́ pumo pumo. Bɨ̌n e bwár myê, akǎ dǐ suswáh ɨ́ ŋmáh ndu e sôn. Bɨ̌n e bwám ntémé mǐr étwáale ɨ́ mîh, ó bɨ̌n nkʉ̂ báʼǎ bee!

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

Filipi 4:19

Nó ó, Nzyɛ̌m wǎm, nye ólóŋlo bɨ́n bisá bɨ́n dí esáa bí, dwe bɨ́n byǎ ɨ́ buo buo, lɨ́ edû mpwâʼ okúm wé. Nye ósâ nó lɨ́ esú lɨ́n, bʉr o dí ɨ́ mpúhlá e Yésʉs-Krîst bá.

Galásia 2:8

Mʉr ngwár e ngwár á séa e nkul ɨ́ Pétrus tʉ́ŋlʉ̌, ó nye tôʼ kwá oYúden nyá, nye ntémé ó dí eséǎ jɔʼ yɨ́yɛ̂h ɨ́ me lɨ́ esú é bíkúl bíswîh.

Filipi 2:3

Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Éfɛsɔs 3:2

Nzê bɨ̌n bé á bé así jóʼǒ mpʉ̌ Nzyɛ̌m á sâ ó, me díʼee syɛ̂l mesâ wé lɨ́ esú lɨ́n yɨ́ ɛ́? Nye á si kʉ sâ me mpam nyé, me nkʉ̂ di bɨ́n e nyɔm.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Yʉanes 1:16

Mɨná gá óbɛ̂h, bé á be ó sí bi émbɨa lé ndu e mpam nyé ɨ́ buo buo.

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...

Lʉkas 14:22

Píe tɨ̂, syɛ̂l mesâ wé ntɔ̂ʼ báʼǎ lɛ́ɛ e né ó: “Dâ ɛ̌, mɨ́ sâ mpʉ gô lɛ́ɛ́ ó, me sâʼ yɨ́. Mɨ́ tó kœb ó, byúú bídiá, byé dína ó tʉ̂toʼó.”